هذه القصيده للشاعر ::: بندر بن سرور

[تحياتي للي دمر]

الله من عين طرقها صواديف
عميت ويبسن العروق الصخافي
شفت الوزا بالعين من عرض ماشيف
شفته وغيري ما فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العيا بالسواليف
بين العذارى عد روحه اسنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
امشاركة بيض النسا باللحافي

[تقوى الهجر]

اخوي تحياتي

القصائد المنقولة بقسم كنوز الشعر

الف شكر لك على هذي القصيدة لشاعر الراحل بندر بن سرور


تقوى الهجر

[ــالــعــابــر]

تحيــــــــــــاتي صح نقلك لاهنت علي ذوقك الراقي

ــالــعــابــر

[صعبة المنال]

يسلموووووووووووووو على النقله الحلوة ويعطيك العافيه
تقبل مروري

[$$عطر الكلام$$]

[align=center]تحياتي

دمت على الانتقاء الجميل
وصح لسان شاعرها بندر بن سرور
في انتظار روائع اختيارك

أعطر التحايا[/align]