رسالة عتب على المنتدى

[ملك بدون مملكه]

السلام عليكم

ياأخوان ياليت محد يزعل مني أنا بتكلم بكل صراحه؟؟

هذى القسم فيه قصايد رائعه بس المشكله يجي واحد وينزل له قصيده ضاربه الجاده ويخرب القسم بأكمله والمشكله يردون عليه بأن القصيده جزله ومن شاعر جزل وهو لاسمع الكلام هذى بدى يبدع وكل خمس دقايق منزل قصيده ؟؟

المنتدى فيه شعار

بدون مجامله أنا أتابع لضيف ساعه وكبرياء وشعراء أخرين لاأتذكر أسمائهم الشاعر يسمحلي أذا نسيت أسمه لانه واثق من نفسه ؟؟

ياليت تغيرون في هذى القسم ويتم تصفية القصائد

ويوضع مكان لقصائد المبتدئين

تقبلوا تحياتي

[أبوهلال الشمري]

ياعيني على الكلام السنع اخوي ملـك.... لقد اسمعت اذ ناديت حيا... ولكن لاحياة لمن تنادي

قالوها قبلنا تكلم من والا تفهم من بس عل وعسى انهم يفهمون ويعقلون لان الشعر بهالمنتدى صار لعبه والكل قام يلعبها على كيفه (( اللي يخترع بحور شعر جديده خاصه به _ واللي عنده الكسور بالقصيده اكثر من الصلاح_ واللي يتفلسف ويسوي نفسه فاهم وهو ماعنده سالفه واذا قلتله ياولد قصيدتك مكسوره قام يقول انا اتقبل نقد بناء ما اتقبل نقد لمجرد النقد ))) الله يجيرنا واتمنى كلامك يغير شي وانا اخوك

[ملك بدون مملكه]

أبو هلال الشمري

بيض الله وجهك

والله أنا متردد أني أكتب عن هالموضوع بس يوم أنت رديت على الموضوع عرفت أن كلامي في محله؟؟

وين المشرفين محد رد على الموضوع؟؟

اذا الموضوع سبب لكم أحراج هذى شي ثاني؟؟

كل شي جاملوا فيه الا الشعر لانكم اذا جاملتوا الشخص مانفعتوه والله أنكم تضرونه
لانه من يعطيكم (الطلاسم) وتجاملونه صح السانك وشاعر جزل ماراح يخلي مجلس ولاحاره الا قايلهم
أنه شاعر والكل راح يضحك عليه ؟

ياليت اذا جاكم شاعر يبغي مساعده ساعدوه مهوب تقولوله انت شاعر جزل ولاتحرمنا من جديدك
وضعيف يشد حيله ويخلي أشغاله ويفضي نفسه للطلاسم

والله ماتكلمت الا منفعه للمنتدى وللأعضاء تدرون ليش ؟؟
لان الشاعر المتمكن اذا جا للمنتدى يبي يحفظ قصيدته وين تبونه يحط قصيدته بين الطلاسم طبعن مهوب الكل لا والله بعض المشاركات؟

ننتضر رد الاداره؟؟؟؟؟

تقبلوا تحياتي

[نهار]

هلا والله فيك ملك

انا معك ويليت نعود ونصفي القسم ونخصصه للقصايد الي تسمى قصايد

وان شاء الله بيتم التوجيه لها الشي وبنعمل سوى ان شاء الله لاعاده ها القسم الي ما كان عليه بهمتكم جميعا

لا خلا ولا عدم ملك وان شاء الله نعمل سويا للارتقاء بهذا القسم

تحياتي لك

[ملك بدون مملكه]

نهار

بيض الله وجهك

هذى الكلام الي يثلج الصدر

ياليت نحط قسم للمحارات الصوتيه والمرئيه ومحاورات الأعضاء واللغاز والشعر له قسم والمبتدئين
لهم قسم ودواوين الشعر قسم ؟؟؟؟؟

كذا نضمنا الاقسام وكل ن يكتب في القسم المخصص له؟؟

تقبل تحياتي

[أبوهلال الشمري]

صوتي على صوتك اخو ملك اهم شي الترتيب وياليت يتنفذ هالكلام مايضل مجرد طرح وينسى؟؟؟

[تقوى الهجر]

8
8
8
8


خلصتو ؟؟



معليش .. اول مره بكون بالاسلوب هذا ..

اخوي

ملك بدون مملكة :

اول شي احييك على حرصك ولكن مااحييك على حسن توجيهك ..

ذكرت ان فيه هنا شعراء مبتدئين .. وقصائدهم مكسوره وغير موزونه


هل تطلب منا ان اي شاعر مبتدئ نحاربه ؟؟


المفروض ..

انك ترد على القصائد الغير موزونه والمكسورة رد هادف بحيث ان الشاعر المبتدئ يستفيد من هذا النقد ويتم تصحيح ما اخطاء به بالقادم ..

على مااعتقد انك ماطلعت على الدنيا شاعر متمكن وقصائدك كلها موزونه يا اخ ملك بدون مملكة اكيد وابصم بالعشر انك مريت بنفس المرحلة اللي مر فيها الشاعر المبتدئ

اللي جالس انت تكسر فيه الان ..



........................



وانا استغرب من الاخ والمشرف نهار انه معك بكل ماذكرته ..

المفروض يذكر مثل ماذكرت او افضل منه لانه هو اخبر مني واقدم مني بهذا المنتدى ..



..............

والاخ الشمري

مثل ماذكرت للأخ ملك اذكره لك

هنا لانتفاخر بأشعارنا على حساب .. شعراء مبتدئين

الاهم اننا نقف معهم بالنقد الهادف ..

مانحاربهم ؟؟


...


تقوى الهجر

[ملك بدون مملكه]

تقوى الهجر

أحييك أخي الكريم على صراحتك

أنا لما أدخل على قصيده كاتبها شخص مبتدء ؟؟ أقوله ترى قصيدتك غير موزونه والقافيه غير صحيحه
وغير منسقه يعني كل بيت غير عن المعنى ؟؟

وياتي شخص ويمدح بالشخص بأن القصيده جزله ومن شاعر جزل؟؟

وين الجزاله ياأخي ليش ماتتكلمون بكل صراحه وتعلمونه الخطى؟؟

وأنا طلبت أن يكون للمبتدئين قسم خاص لهم وراجع كلامي عدل؟؟

ويوم تقول كل شاعر بداياته بيوت القصيده مكسر وغير موزون ؟؟

نعم كلامك صح بس الي يدخلون عندك في المنتدى مايلقون أحد ينصحهم بالعكس يمدحونه ويقولوله لاتحرمنا من جديدك ؟؟ علمني أين الفائده أنت مانفعته بالعكس خليته يمشي على الخطى
ويزيد بالخطى ؟؟؟؟

ياأخي أين النقد الي تقول عنه ؟؟ راجع قصايد الاعضاء وشوف ردي على شخص كنت أعلمه أين الصح والغلط والي بعدي والي قبلي لقيتهم يمدحون القصيده والقصيده ضاربه جاده

جاوبني وبكل صراحه لما ياتي شخص ويجيب قصيده مكسره وتمدحون قصيدته هل نفعته أم ضريته
وراجع مثل هالقصايد وشوف رد الاعضاء لايوجد نصائح بل مدح؟؟؟؟؟؟؟؟


تقبل تحياتي