بسم الله الرحمن الرحيم
اخواني وخواتي...كلها ايام قليله...ويهل علينا هلال رمضان...الله يبلغنا ويبلغكم ايامه...ويجمعنا على طاعة الرحمن...
وكل عام وانتو بخير وسلامه ان شاء الله..
ومثل ما انتم عارفين شغلتنا نحن ...التفنن في الاطباق..
. والتنويع اليومي تقريبا فالاصناف...اللي نقدمها...وعشان جذيه كنت اخذ لفه فالمنتديات والمواقع المختصه بالطبخ...وادور على شغلات يديد...فاعجبتني هالعجينه ...واللي بصراحه تنفع في مثل هالاوقات ..لانها عمليه وسريعه...وتساعد على التنويع...لانها تستخدم لعمل كل انواع المعجنات...وهي عجينة العشر دقايق.(عجينة الكنز).من اسمها مبين انها ماتاخذ وقت...
اتركم مع المقادير ..والطريقه....
المقادير:
- المجموعة الأولى : فنجان قهوة سكر
2 ملعقة كبيرة خميره فوريه
2 كاس ماء دافي
ذرة ملح
2 كاس دقيق
- المجموعة الثانية :
نصف كاس زيت
3 كاسات دقيق
الطريقة:
- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا و تستخدم على طول .
- مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو خمس كاسات .
- الكميه ممكن تكون كبيره , لكن ممكن تشكلين فيها و تنوعين يعني تقسمين العجينه للفطاير أو البيتزا أو خليه النحل .
اتمنى انها تعجبكم وتستفيدون منها....
اختكم ام منصور
عجينة الكنز.... 
العرض العادي
