من قصص المـاضي ((سالفه معشي الذيب))

[التميــــــمي]

مســاكم الله بالخيــر

هذي سالفة يالربع من مبطــي لرجــل من قبيلة شمــر يكنــى بــ ((معشــي الذيب))

هو مكــازي بن دغيّم بن عبدالله بن سعيد من عبده من شمــر ، كــان أميرا لعشيره الدغيرات

الســالفه أن في ليلة من الليــالي سمــع مكـــازي عــواء الذيب مختلــف عن الايام المــاضيــه

فتكرر هذا عدة ايام قلائــل

فســـأل مكـــازي خــادمه : وش به الذيب

فقال خادمه : أنه جــائع

وأغنام مكــازي محــاطه بها الكــلاب من كــل نــاحيه ، بحيــث لا يستطيــع الذيب أن يغار على الغنــم

فقــال مكــازي :خذ الحبل حق بنــاتي وأخذ شاة وإربطهــا خــارج العشيرة لكــي يأكل منهــا

الذيب فهو مضيف ومكــرم

وفي الصبــاح سألن بنات مكــازي ( وضحــى + وجــوزاء )الخــادم عن الحبــل ، فعلمهم بالسالفه

وذهبن الى المكــان وفعلا رأن الحبل ورأن عظــام الشاة ولم يبقى منهــا ولا قطعه لحــم

وانتشرت الســالفــه بين العشــائر وبقيبلة شمــر حتى وصلــت الى بن رشيــد ، وصار يلقب مكــازي بــ (( معشي الذيب ))

فقيلة قصــائد كثيرة عن مكــازي رحمه الله :

قال سليمان العنزي :

مكازي عطف للذيب في ليلة الدجا &&&يامن خبر للذيب يهدي جلابيه


ذهب حلال وقام يضرب به المثل &&&عسي غزير المزن تاطي نصايبه


وقــال ابن مكــازي (( شباط)) :

ياذيب مانستاهله منك ياذيب&&&افعالنا ياذيب نبي الجزابه



ابوي عشا ابوك بالوقت ياذيب&&&في ليلة غدرا مضل سحابه



يوم العفون مطولين المشاعيب&&&والكل يصبح يستديرن كلابه



رحــم الله مكــازي واسكنــه فسيح جنــاته ، الله يجمعنــا ومن يقرا والمسلمين معه بالفردوس الأعلى

والله أعلــم

[راشـد المهمــوم]

تسلم والله يالتميمي

على القــصه

اللي فيها من الشيم والكرم والشجاعه والرجوله الشي الكثير

لو تشوف بعض البشر تستغرب الفلوس نايمة على قلبه وعياله كل يوم قاطعين بانزين هذا وينه عن قصة معشي الذيب

الله لايهنيك ومشكور

[~_نسيم الروح_~]

تسلم يالتميمي

والله يديك العافية

[التميــــــمي]

ومن قــال مايهــان يارويشد

الله يسلمــك صدقت والله وعلمـــك غــانم وصدقني يارويشد هلي قلت عنهم ماسكين الفلوس مايهنيهم الله به

ديننا الاسلامي حثنا على الكرم

والرجل مايبي من الرجــال الى الذكــر بالخير والسمعــه الطيبه


تحياتي لك يارويشد

[التميــــــمي]

الله يسلمتس يانسم الروح

حياتس الله

[بعيد الارماس]

اخوي العزيز التميمي

قصة رائعه وأكثر

والكرم ماهو غريب من اعيال حاتم

تسلم يمينك التميمي

إحترااامي

[عازف الحرف]

التميمي

يعطيك العافيه على هذه القصة وعلى يطل هذه القصة
الذي لم يعد هناك وجود لأمثال هؤلاء في الكرم الا ماندر

[التميــــــمي]

بعيد الارماس

يالله ان تحييه

ياهلا ويامسهلا

الرائــع مرورك يالذيب

صدقت ماهي غريبه على عيال حاتم

لاهنت يالغالي