ابو هلال الشمري ( اقـلـط )

[أبوهلال الشمري]

الاخ نهار كلامك على عيني وراسي ولكن انا نصحت بالحسنى ولم تنفع النصيحه بل قوبلت بردود استفزازيه كما اسلفت وذكرت في موضع ااخر وانا بكلامي اللي فووووق ما اقصد الشاعر اقصد اناس ااخرين يدعون الفهم وهو منهم براااء والنصيحه وانا اخوك تفيد اللي يتقبلها بصدر رحب وتضر اللي يستقبلها بضيق صدر ووسيعه وهذا اللي يجره للرد على ناصحه بطريقه استفزازيه كما حدث معي بحيث يحس الناصح بأنه مخطئ وهو ليس كذالك والمصيبه تعضم بأن يساند الشخص المخطئ اناااس ليسو على درايه بشيئ وهم بذلك ما قصدوا الا التقرب اليه لاغراض اخرى او انهم جهلاء جهلا عارما لاتنفع معه نصيحه ولايغير مجراه حديث اخي الكريم نهار لاتزيدون مصيبتي انتم العقلاء في فهم سياق حديثي على مبدأخاطئ واحسنو الظن تواجهون حسنا

...... فأرجو من يقرأ كلامي على ان يتدبره ويتعمق فبه لانه ربما فهم العكس من المراد

[نهار]

مرحبا ابو هلال

الله يجزاك خير على النصح با العكس المطلوب كثر النصح ومن كل عارف يفيدنا بعرفه

انا ما خطيتك يومك تنصح انا اقول نتخذ طريقه نصح مفيده والي يرد رد يبين من خلاله جهله والا تمسكه بخطاه وتعنته يخلي على ماهو عليه الي ما يبي ينتفع ما حنا مجبورين على نفعه با القوه

الاهم الرجال الي يبي يستفيد وهذا الي يسعى الواحد لافادته والاستفاده منه والخطا طال عمرك مراح يستمر اكيد بيبن لو راعيه خفاه ولا اصر على استمراره ولا راح يقبل

بتقولي وشلون بقولك ولاهو قصورن فيك با التعميم اذا شفت لي خطا من ابو هلال مثلا ما اجي اقول يا ابو هلال انت مخطي وهذا خطاك وانت لازم اتعلم وتعرف و و و لا اجي واقول يا جماعه الخطا الفلاني ترى صحتك كذا وكذا والامر الفلاني ترى عداله كذا وكذا هنا استفدت ان المخطي عرف خطاه بدون لا استفزه ولا يحس با الاهانه او التقصير وانا افتكيت من الفهم الخطى


الله يعطيك العافيه ابو هلال وهدفك ان شاء الله طيب وخير والله يجزاك خير على ها الافاده ولاهي مجامله لك الواضح انك عارف ومطلوب الاسفاده منك من الجميع


تحياتي لك

[بعيد الارماس]

ابو هلال الشمري

إذا حاب توضح نقطه عندك اقتراح عندك نصيحه حاب توجهها هذا من حقك

وإن ما اكتفيت باللي قلته

في مواضيع في القسم تختص بهذا الشيء

لكن اللي غايب عن فكرك الطريقة السليمه في إيصال النصيحه

ولو نصحة بأسلوب ثقافي يحبب الناصح بالنصيحة لتقبلها بصدر رحب وأثنا عليك

وعتبي عليك كان من هذا المنطلق فقط

يا ابو هلال لا تفكر إن اللي قام ورد عليك من الأخوان ضد شخصك

أنت تحمل عضوية في هذا المنتدى وأخو لنا

لكن هم ضد الطريقة اللي تستخدمها في التعامل وهذا كان واضح من خلال ردود الإخوه هنا


ابو هلال الشمري

أنا كان لي بعض المحاورات في هذا المنتدى من شعراء موجودين حاليا

ومن ظمنهم الشاعر نهار وإنتقدت من قبله

وأثنيت على إنتقاده وشكرته على توضيحه لما كنت أجهله امام الملأ

لانه شاعر ينتقد للإفاده ويفقه في توضيف النقد ويصيغ فنه لم يكن ينقد لأغراض اخرى

أو بشكل مهشم إستفزازي للجميع

::

اما بالنسبة للمحاورة

فأنا أعتذر عنها والعتب على مافي الخاطر

لك التقدير والتحيه

إحترااامي

[أبوهلال الشمري]

الاخوان ....نهار.... و....بعيد الارماس..... انا اعتذر اذا بدر مني اي اسلوب خشن او نقد بطريقه خاطئه

وانا ما ابي احد يفهمني غلط ولا ابي افهم غلط ...... فــــ استنتاجي للي صار انه سوء تفاهم بين اخوان لا اكثر

وان فعلت مافعلت فبنية الخير وبنية الرقي بالشعر في هذا المنتدى لان وبصراحه المنتديات الاخرى فيها من شياطين الشعر وجنه مالا يخفى على الجميع وفيهم ناس ليسو بشعراء وانما هم للنقد فقط وهم يحسنونه بجميع انواعه صالحها وطالحها وبما انني عضو في هذا المنتدى فما حبيت انه احد يطلع على النقصان في القصائد ولو كان طفيفا وهو كذلك


واتمنى لهذا المنتدى الانتفاع والاعتبار

.....(وما انا الا ناصح......)


اقولها والله صادقا والله على ما اقول شهيد




(((( وبالنسبه للمحاوره ........ اللي بالخاطر ماهو بالكيف يمشي وحب النفس هواه اذا كنت ماتبيها منت مجبور وانا اخوك وتراك معذور مني ومن غيري ان شاء الله

ومتى مابغيت انك تكملها او تتقدم بجديده فأنا جاهز دائما لاني بصراحه ما امل منها......))))

[نهار]

السلام عليكم

هذا والله الكلام المطلوب والفعل الطيب الي يتمناه الجميع

القلوب صافيه والمقصد الافاده والمعرفه الطيبه

وانا والله ودي ان اخوي بعيد الارماس يواصل معك وتكملون الي بديتوه وان كان اخوي بعيد الارماس طاب خاطره فواصل يا ابو هلال وابتدي وانا بكمل معاك والمقصد ان ما ننهي المحاورات لانا اختلفنا علي شي بسيط


لاهنتو جميعا والفايده الي جنيناها من ها الحوار الطيب كبيره وهي صفا القلوب الله يديمه علينا

تحياتي لكم

[أبوهلال الشمري]

السلام عليكم ورحمة الله وبركاته......

اخوي نهار يشرفني اني اتحاور مع الناس اللي شرواك يالغالي........ وهذي محاوره وبموال بعد على شان يصير للعب طعم........


^ لحن الموال ^ ...... يالالالاله ياللي يالي لي لااااه...... ماقد خبرنا شعر من دون ميزان

نهار ياسبع الفلى وينك اتحوم.....

احظر ولب الشعر قدامك اقروم.....

ترى البدايه محكمه دايم الدوم.....

ماقد خبرنا شعر من دون ميزان.

( يالي لاله يالي لاااه يالي لاله يالي لااااه)........^ لحن الحوار^

يانهار الصوت خافض دون نفخات النفير .......... والنواقيس الجلال مايوفي ضربها

.......................

ماتت ارباع الابل دون برسيم وشعير.......... والابل عقب الرحول مايونس ركبها

[أبوهلال الشمري]

السلام عليكم ورحمة الله وبركاته......

اخوي نهار يشرفني اني اتحاور مع الناس اللي شرواك يالغالي........ وهذي محاوره وبموال بعد على شان يصير للعب طعم........


^ لحن الموال ^ ...... يالالالاله ياللي يالي لي لااااه...... ماقد خبرنا شعر من دون ميزان

نهار ياسبع الفلى وينك اتحوم.....

احظر ولب الشعر قدامك اقروم.....

ترى البدايه محكمه دايم الدوم.....

ماقد خبرنا شعر من دون ميزان.

( يالي لاله يالي لاااه يالي لاله يالي لااااه)........^ لحن الحوار^

يانهار الصوت خافض بلا نفخ النفير .......... والنواقيس الجلال مايوفي ضربها

.......................

ماتت ارباع الابل دون برسيم وشعير.......... والابل عقب الرحول مايونس ركبها

[ضيف ساعه]

[align=center]الله لا يهينكم فديتكم

متابع فقط

واااااصلوا[/align]