|
 |
 |
 |
 |
 |
|
||||||||
 |
|
|
LinkBack | أدوات الموضوع | طرق مشاهدة الموضوع |
08-26-2007, 03:50 PM
|
رقم المشاركة : 1 | |
|
أحلى صـــــــــــــــدفة ...!؟
القصة با للهجة الإماراتية . لا أريد أن أطيل عليكم إلى أول فصول هذه القصة ..... ________________________________ الحلقـــــــــــة الأولى *** يوم الجمعة بعد صلاة العصر طلعت ريم من بوظبي مع ابوها راجعين العين بعد ما يلسو عند اخوها في بوظبي .ريم متعلقة با بوها واايد هي البنت الوحيدة الي ماتزوجت من بناته وهي تدرس في التقنيه سنه ثالثة عندها خوات اكبرعنها مريم متزوجه وعايشه في دبي اما حصة متزوجه بعد لكن عايشه في العين.اخوانها أحمد متزوج وعايش في بوظبي وخالد يشتغل في شركه ابوه وعبود اول سنه له في التقنيه. ___________في السيارة ________ ريم : ابويه تريد فنيال قهوة ابو ريم : لا فديتج ريامي ريم: فديت امي تولهت عليها واايد ابوريم : صدقتي ريم: يعيني على الشوق قعدوو يضحكوون مرة فتره هدوء وصمت ريم: الغالي فيك شي ابوريم: لا ريامي ريم: عيل ليش ساكت مالك بالعاده تسكت ولاهذا الوله جي يسوي ابوريم: ما شي ريامي ريم تلاحظ على ابوها أنه تعبان وتتغير ملامح ويهه ريم : ابويه أنت تعبان تحس بشي ابوريم: شوي احس بتعب ريم: فديتك ابويه وقف السياره شوي ترتاح. ابوريم: لاريامي بنتأخر و انتي باجر عليج دوام في الجامعه ريم: فديتك كل شي يتعوض الا صحتك. بعد رجاء ريم والحاحها على ابوها وقف السياره. عطته ماي وقعدت تراقبه وهي ترتجف خايفه عليه وماتعرف شو تسوي . تحاول معاه يخليها تتصل على خالد ولا عبود عشان ياخذهم لكن ما رضى قالها شوي و بيكون كل شي تماام . كل شوي تلاحظ على ابوها الالم يزيد ويتغير لون ويهه.زاد خوفها ريم: فديتك خلني اتصل على خالد ولا عبود اينا ابوريم: لاريامي بيستهمون الحين بيروح التعب. فجأه اغمى عليه وصار ويهه احمر . قامت ريم تصارخ ماةعرفه شو تسوي تحاول توعيه ترشه بماي لكن ما في فايده.. ريم وهي تصيح: ابويه..فديتك رد عليه..قوم لاتخليني بروحي ليتك سمعت كلامي ...رد عليه لو بحركه بكلمه.. ريم تحاول تفكر شو تسوي في اخر شي قالت ما شي طريقه غير اني احط ابوي على الكرسي الثاني واسوق السياره.. نزلة من السياره تحاول تشيل ابوها لكن ما قدرة قعدت تصيح وتحاول بكل قوة عندها..حاوله توقف حد يساعدها لكن الكل طنشها... مرة سياره مر سيدس لونها اسود كاملة مخفي مسرعة أشرة له عشان يساعدها في نقل أبوها لكن كان مسرع وما وقف..يأست حد يوقف ألها ..لكن دقايق ورجع راعي السيارة المرسيدس .. الي في السيارة اسمه حمد مخلص دراسه يشتغل في الاتصالات .. وصل عند ريم وفتح الدريشه حمد : السلام عليكم ريم كانت مشغوله مع ابوها وهي تصيح مانتبهت له..رد وهرن ورفع صوته.. حمد : السلام عليكم ريم وهي تمسح دموعها : عليكم السلام ما صدق حمد في خاطره يقول شو هالقمر .. حمد على طول انتبه على ابوها انه مش طبيعي نزل من السيارة بسرعه. حمد: أختي شو صار؟؟..... طلبتي الاسعاف...؟؟؟؟ ريم وهي تنتفض خايفه : ما ادري..... لا ............ ما ريده يموت ارجوك اغلى شي في حياتي ما اريده يموت .. حمد على طول شال ابوريم هي واقفه مكانه مرتبكه ..صرخ عليها فتحي السياره بسرعه.. ريم وهي مرتبكه: أي سيارة. حمد : سيارتي الباب الي ورا .. فتحت الباب حط حمد ابوريم في الكرسي الي ورا منسدح وسكر الباب.. ريم : وانا ووين اركب لاتخليني بروحي اريد ايلس عداله.. حمد: وين تركبين ....؟؟ ماشي اه ركبي جداام.. ريم: مستحيل ما اريد...اريد ابويه. فتح الباب الي جدام وقالها بحزم يالله اركبي بسرعه ماشي وقت استسلمت وركبت جدام راح حمد يسكر سيارتهم عشان ما حد يسرقها وهو يقفل السياره سمع صوت تيلفون يرن في السياره شاله وسكر السياره وراح صوب سيارته.. حمد: أختي هذا التيلفون يرن في السياره لقيته. ريم: مخنوق صوتها : مشكور .. حمد: أقرب مستشفى علينا المفرق بنروح صوبه... هذا الوالد ولا انا غلطان؟؟؟؟ ريم ما ترد عليه كان نظرها صوب ابوها و صوب الشارع تراقب متى توصل وادموعها تنزل حمد يسألها وهي في عالم ثاني. فجأه رن التيلفون مانتبهت لانه كانت عينها على ابوها حمد: أختي التيلفون يرن...ماردت عليه...دق كتفها التيلفوون يمكن حد من الأهل .. ريم: خير شو فيك حمد: ماشي التيلفون كان يرن. طبعا ماردت عليه ورجعت تشوف ابوها ولاحظت ان ويهه يتغير لونه وحالته تسؤ عن اول.. صرخة عليه ارجوك اسرع ماريده يمووت... حراام لاااااااااا يااااااااااااربيه ابوويه استحمل على شاني عشااان خاطري وهي تصيح هالمره بصووت عالي ودموعها ماليه ويها... حمد تفجأ واسرع السياره ..يمر الوقت كأن الثانيه الوحده ساعات ______ يتبع >>>> |
|
    
|
|
08-28-2007, 03:59 AM
|
رقم المشاركة : 2 | |
|
|
بأنتظــــــــار بقيــــة القـصـــــه
|
|
|
|
|
08-29-2007, 03:27 PM
|
رقم المشاركة : 3 | |
|
|
تسلمي يا نوارة على مرورج الجمييييييييييييييل
|
|
|
|
|
08-29-2007, 04:25 PM
|
رقم المشاركة : 4 | |
|
|
الله يعطيكي العافيه على القصه
وتقبلي تحياتي الهواوي 444 |
|
|
|
|
08-29-2007, 08:45 PM
|
رقم المشاركة : 5 | |
|
|
الله يخليك لا تقطعينها نبي نكملها كلها الحين
 يعطيك العافية ع القصة في انتظار الباقي ... تقبلي مروري : |
|
|
|
|
09-01-2007, 06:26 AM
|
رقم المشاركة : 7 | |
|
|
تبون اكمل الباجي
<< مسوية روحها اللي بالقصة  Cute Friendly بنتظارج لا تطولين علينا القصة حلوة واللة يستر من حمد |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| توبة الفنان محمد المازم فيديو | shajn | مقاطع بلوتوث ونغمات | 3 | 11-29-2007 02:12 PM |
| حب عبر الإنترنت بين يمني وفلبينية ي | ~_نسيم الروح_~ | المنتدى العام | 10 | 09-01-2007 03:10 AM |
| ايميلات للعلماء والمشايخ ... | الهواوي 444 | المنتدى الإسلامي العام | 2 | 08-30-2007 01:17 AM |
| محمد حنيفا مسلما ..ليس مرتداً.. | الشرقي | منتدى المواضيع الجادة | 2 | 08-28-2007 03:53 AM |
| أطلال ( نزف قلم : محمد سنجر ) | محمد سنجر | المنتدى العام | 0 | 08-26-2007 12:50 PM |
دردشة ا دردشه ا دردشة صوتية ا دردشة كتابية
العرض العادي
