( نهار .. ابو هلال ) مـحـاوره

[نهار]

السلام عليكم ورحمة الله وبركاته

بعد اذن اخوي الشاعر بعيد الارماس صاحب الموضوع الي بدئنا فيه محاورتنا انا والشاعر ابو هلال وبعد اذن الشاعر ابو هلال ودي اخصص المحاوره بموضوع خاص ومستقل علشان نسعد با ستقبال الجميع وتكون واضحه للجميع


ببدى بنسخ بدايه الشاهر ابو هلال



اخوي نهار يشرفني اني اتحاور مع الناس اللي شرواك يالغالي........ وهذي محاوره وبموال بعد على شان يصير للعب طعم........


^ لحن الموال ^ ...... يالالالاله ياللي يالي لي لااااه...... ماقد خبرنا شعر من دون ميزان

نهار ياسبع الفلى وينك اتحوم.....

احظر ولب الشعر قدامك اقروم.....

ترى البدايه محكمه دايم الدوم.....

ماقد خبرنا شعر من دون ميزان.


( يالي لاله يالي لاااه يالي لاله يالي لااااه)........^ لحن الحوار^

يانهار الصوت خافض بلا نفخ النفير .......... والنواقيس الجلال مايوفي ضربها

ماتت ارباع الابل دون برسيم وشعير.......... والابل عقب الرحول مايونس ركبها

[نهار]

السلام عليكم ورحمه الله وبركاته

حياك الله ابو هلال وما عليك زود طال عمرك وان شاء الله نتمكن من تقديم محاوره تحوز على رضى الجميع


الــمـــوال

الـحـر راعـي الـحـوم والـسـبـع مـا حـام ............ وقــروم غـيـر الــدوم والــدوم مـا دام

والـبـحـر عـالـي الـمــوج ويـحـتاج عـوام ............. مـاقـد خـبـرنـا شـعـر مـن دون ميـزان.


الابــيــات


يــا رفـيـقـي طـربـتـي جــر مــوال الـخـبـيـر ......... والـنـواقـيـس الـجـلال طـيـع شـوري كـبـهـا

والابــل يـا الـشمـري عـلمهـا عـنـد الوزير ......... والـلـه يـجـازي الــذي كــان فـعـلـه سـبـهـا



تحياتي

[أبوهلال الشمري]

هلا وغلا بنهار يالله حيه ..... ياخوك انت بس قلي نبيها كذا تبي على اي مو ضوع انا جاهز واذا تبي نستمر بموضوعنا الحالي وهو لايخفى على الجميع على انه ازمه محليه عظمى ........


اخوي نهار صح الله لسانك.......

ايــــــه خلـووووووهـــا........

يالالالاله ياللي يالي لي لااااه...... ماقد خبرنا شعر من دون ميزان

السبع كل ماصاد والحر صياد........

الحر سبع ولا تزل قبل الاعياد.......

والبحر نعلى موجته قبل الاسياد......

ماقد خبرنا شعر من دون ميزان.............


جر موالك ترى البرد مايرحم صغير ......... والنواقيس الجلال للحرايق دربها

من فعلها بالابل مقصده شر وشرير ......... مقصده يقهر قلوب اللي صانو حبها


..... و السلام ........

[نهار]

السلام عليكم


صح الله لسانك اخوي ابو هلال وابيها على ما تبيها خلها على الي هي عليه موضوعها يستاهل وعزالله انه كارثه تستحق النقاش والمحاوره


استلم طال عمرك

الموال

مـاخـلـقـت الـجـنـحـان لـلـسبـع يـا صـاح ........... ولا قـد ذكـر بـا الـقـنـص صـيـده بـمـلـواح

اظــن فــاح الــقــدر يـا صــاحـبــي فــاح ............ مـاقــد خـبـرنــا شـعـر مـن دون مــيــزان


الابيات

الكبـير اصله صغـير والصغيـر اصبح كبيـر ........... والـحــرايــق تلـهـبـك انـتـبـه مـن قـربـهـا

الـنخـاله سمموهـا واذبـحـو فـيـهـا الـبـعـير ........... والـمـعـالـج مــا عـرف يـا رفـيـقـي طـبـهـا



تحاياي

[سلطان الدوسي]

متابع عن بعد
يعطيكم العافية

[عسـاف]

حضور ومتابعة لهذه المحاورة الطيبة التي تتناول موضوع في غاية الاهم

[أبوهلال الشمري]

ياله حي من يتابع ياله حيه شرفتونا يا اخوان............ واعذروني ان كنت طولت لكن الدنيا واشغاله يالله......


ايــــــه خـلـوووووهــا..........


يالالالاله ياللي يالي لي لااااه...... ماقد خبرنا شعر من دون ميزان


المقصد اللي ينتقل دون تعليـق........

وان كان فاح القدر عندي ملاعيق........

خلك على نظمك وعوف الطواريق........

ماقد خبرنا شعر من دون ميزان........


ان كبير وان صغير لاتطمن للمسير ........ والحرايق تحت رجلي طفاها ومابها

ماهقيتك يوم تهرج بها دونك حصير ........ لكن البلوى ترى باللي ذاقـو سكبها

[مياس الغرام]

حجز مقعد وتسجيل للحضور ...

ميـــــــــــــــــــــــــــاس,,