من طبخاتي الرمضانيه بالصور<< أحلفي

[شـ ــووقــ]

الموضوع متأخر لظروف خارجة عن الإرادة
0
0
بعد العفسة والحوسة وبعد وقت عصيب مع الطبخ لشهور
قدرت أطلع بنتيجة
<< خليتها مرضية بالغصب خخخخ
هذا أول أطباقي في شهر رمضان وفرحانه فيه00
0
0
سبرنق روول ولفائف وتوست بالدجاج
اليوم الصورة وبكرة ان شاءالله الطريقة

لاتمدحون مررة أخاف أتحمس وأنزل لكم كل يوم طبق <<العب على نفسي خخخخ

[صبا نجد]

هههههههههههههههههههه

شوووق عسى ما تكلفت بس

حلوة اليوم الصورة وبكرة الطريقة

لا يكون الطريقة في موضوع ثاني بعد خخخخخخخخ

من جد صراحة صرتي حرمتن سنعة عيني عليتس باردة

يعطيتس العافية وبانتظار الطريقة

عاد اخترت اسهل شي عشان العجينة حقة السبرنغ رول والتوست جاهزة هاه ؟؟ <-- كاشفتك

نبي طبخة دسمة فيها شغل كثير

بانتظار الطبق القادم وعلى الله يكون مندي

[نُبض الجمـال]

تسلم الاياادى الطبق روعه

بنتظار الطريقة

[شـ ــووقــ]

ياهلا والله بصبا
شايفة شلون الكلافة
راح كل يومي وأنا اطبخ
بس انتي اول وحده تبي طبخة فيها شغل كثير اللي أعرفه انكم تحبون السهل الممتنع<< حلوة ممتنع
بعدين من قال لكم ان الطريقة مايبي لها شغل << الدعوة كلها تقطيع وتكشين وحشو
روحي لمطبخ الخيمة بنزل فيه الجبنية فيه عجينة من صنع أيدي خخخخ

نبض الجمال الله يسلمك
والطريقة الآن أنزلها
يعطيك العافية يالغلاا

[شـ ــووقــ]

طريقة السبرنق رول

المقادير
عجينة سبرنق رول من السنبلة (لفائف الربيع)
صدور دجاج مقطعة تقطيع صغير
بصل
صوص الصويا
ملفوف مقطع شرائح
جزرة مبشورة
فلفل بارد مقطع شرائح رفيعة
مكعب ماجي
ملح وفلفل أسود

الطريقة
نحط الزيت في المقلاة والبصل ونكشنة

بعدها نحط قطع الدجاج ومكعب الماجي والفلفل الأسود وملعقة كبيرة صويا

ونحركهم ونخليهم مدة ثلاث دقايق تزيد أو تنقص شوي

بعد كذا نحط عليهم الجزر والملفوف والجزر مبشور ونقلبهم لمدة دقيقة تقريبا

بعد كذا نحشى الخلطة في اللفائف بنفس طريقة ورق العنب ونقفلها بعجينة سايلة عشان ماتنفك
ونقلاها في زيت حاار
وبالهناء والعافية
لاحظوا اني اعتمدت طريقة السبرنق روول الأصلية لأني أحب الطعم الأصلي لها بدون إضافات ثانية
جربوها مع الصوص وتعجبكم


لفائف التوست
وسبق نزلت الطبق من فترة طويلة من دون صور
بس من جد انصحكم به طعم راائع

المقادير..

كيس خبز توست(يستحسن خبز المطرودي)لأنه طري
بصل
ماجي
فلفل اسود
صدر دجاج مقطع قطع صغيره
فلفل بارد مقطع قطع صغيره
جزره صغيره مبشوره
حبة طماطم صغيره مقطعه قطع صغيره
ملعقة جبن سائل ملعقة مايونيز ملعقة قشطة
بقدونس
بيضه وحده


الطريقه
ناخذ الخبز ونقطع اطرافه بعدين نفرده
نقلي البصل ونضيف له الدجاج والماجي والفلفل الاسود والفلفل الاخضر..
بعد ماينضج الدجاج نضيف له الطماطم والجزر والبقدونس(ضروري ماتكون على النار) ونضيف مع الحشوة ملعقة المايونيز والقشطة..
بعدين ندهن الخبز التوست بالجبن السائل ونضع ملعقه من حشوة الدجاج ..
ونقفل عليها مع الاطراف يعني راح يكون شكل التوست بعد مانقفله مستطيل..مثل الصور
بعد ماننتهي من حشو الكميه نرتب اطراف الخبز بالرول او السكين ونغطسة بالبيض والخبز المدقوق
ونقليه بالزيت

وعليكم بالعافيه انشالله تعجبكم

[عســـــوله]

شوق



والله وقمتي تطبخين هههههههـ

<< انتي متى بتطبخين

يعطيك العافيهـ يغناتي


تحيتي لج

[نهار]

من طبخاتي قلت انا بس الحين مسويه مفطح

اخرتها مسويتلي خرابيط لا وحاطه اليمونه معضوضه بعد

قوليلي من عاض الليمونه ليكون عمشه الي عاضتها بس ؟


لا والصحن كني شايف في ابو عشره

<< فضحو شوق ما تسوى عليك ها الخرابيط الي مسويتها


تحاياي << حقتي

[شـ ــووقــ]

عسولة خوذيها مني
من الحين تعلمي الطبخ لاتتوهقين بعدين خخخخخخخ
وإذا تبين طبخات على سنع قوليلي وأنا برسم الخدمة >> ناوية أوهقك