لــغــز طــازج ( الحـق جاوب عليه )

[رغ ــد]

شكلي حيل تأخرت

حبوسة اتصلي فيني

[حبسيه]

ونهار القداحي ما عطاااااااااااااني فرصه

ابدا

ما عطني فرصه

كله يخليني من المشجعين

ما يعطيني الفرصه ويكتشفني

عشان اكون اول وحده في المنتدى

<< تربح البليوووووووون <<

خخخخخخخخخخخخخخخخخخخخخخ

[صبا نجد]

هلا بكم والله كانت عندي سفرة والحمد لله وصلت الديرة اللي كنت باغيتها

عشان كذا ما دخلت امس


طيب يا حبوسة

<< متحسفة على رقم مشاركاتها المميز لكن في سبيل حل اللغز كل شي يهون



العلم - العالم << هذي اجابات اختي


اما اخوي يقول

القلب الشيين اللي فيه الوريد والشريان وطبعا يعطيك طرب وهو مو مغني

وانا اقول اذا ما طلع القلب يطلع العقل

واذا ما طلع العقل يطلع الكلى

واذا ما طلعت الكلى تطلع المعدة


وشوف وش الصح عشان اجيب لك باقي أعضاء الجسم اللي ما ذكرتها في الرد هذا ولا الردود السابقة

[نهار]

حبسيه اسهل من كدا ايه

اللغز سهل سهل وصراحه ما ناقص الا يجي واحد ذكي شوي وفاهم شوي ولماح شوي ويحل اللغز

<< يقصد ولا واحد فيكم ذكي ولا فاهم ولا لماح

[نهار]

ول شا السالفه رغد وش عصيره لا يبه مشكوره ما نشرب عصير مخوخ

لا وبعد بتنخلينه والله لو عيش تنخلينه وتنقينه

انا اقول يا رغد لو تسئلين الجمهور بيفيدك لان الخيارات الثانيه مراح تفيدك الاتصال بصديق مافيه الا حبسيه ولا عندها سالفه وحذف اجابتين صبا حذفت الاجابات الي تعرفها كلها يعني اسئلي الجمهور

<< يقول حتى الجمهور ما عنده سالفه

[نهار]

هلا بكم والله كانت عندي سفرة والحمد لله وصلت الديرة اللي كنت باغيتها
عشان كذا ما دخلت امس
يا كثر سفراتك انتي من عقب فرنسا صرتي سفيرة المنتدى مو صبا

طيب يا حبوسة
<< متحسفة على رقم مشاركاتها المميز لكن في سبيل حل اللغز كل شي يهون

حسافه بس خربتي الرقم على الفاضي


العلم - العالم << هذي اجابات اختي

سلمي عليها وقوليلها ترى يمدحون الهريس اذا ما عندها شغل تسويلنا هريس احسن لها من التفكير با للغز
اما اخوي يقول
القلب الشيين اللي فيه الوريد والشريان وطبعا يعطيك طرب وهو مو مغني

سلمي على اخوك وقوليله ترى الاسبوع الجاي عندنا رحله بحريه ونبي ددسن اذا يبي يجي ويانا يجيب الددسن معاه وقولي له لا ينسى عدة الشوي

وانا اقول اذا ما طلع القلب يطلع العقل
واذا ما طلع العقل يطلع الكلى
واذا ما طلعت الكلى تطلع المعدة

انا اقول ما ودك تنسخين لنا كتاب العلوم مال رابع ابتدائي ترى فيه صوره عن جسم الانسان واخبر انهم لبسو الصوره يقولون صوره فاضحه الوزاره ما درو انها صوره فاضحه الا بعد 10 سنين


وشوف وش الصح عشان اجيب لك باقي أعضاء الجسم اللي ما ذكرتها في الرد هذا ولا الردود السابقة

انا اقول لو اتحولين للاجسام الاخرى غير جسم الانسان احسن

<< توه شايف برنامج با القناه السعوديه الاولي عن الفيله شوفي الفيله يمن ينفعون << يبعد الاجابه ترى

[صبا نجد]

هههههههههههههههه

الله يرج عدوك قل امين


نهار واقسم بالله ميتة ضحك واقصر صوتي عشان لا اصحي اللي حولي


صراحة نهار لحد هنا وكفاية قول انك ما تبي تعترف اني ذكية وحليت اللغز من زمان

قول انك متفشل مني

قول انك غيرت الاجابة لاني حليتها وما تبي تعترف يا نهار اعصابي تعبت ما اعتقد بقى شي ما قلته

اقولك طيب هو كائن حي ولا جماد ولا نبات << تذكرت لعبة انسان وحيوان ونبات

المهم قولي هو عبارة عن ايش عشان اتحمس اكثر من هالحماس << حتى وهي مسافرة قلبها باللغز


عاد لو يدري اخوي ينصدم لأني اول ما قريت عليه اللغز قالي القلب قلت ما شاء الله عليك والله انك رهيب
قال ايه ما يبيلها شي واضحة
قلت والله واضحة بس ما انتبهنا

والحين هو متوقع انه جاوب الاجابة الصحيحة وش شعوره الحين لو اقوله انك غلط !!

نهار استهدي بالله وقل انها صح وخلاص فضها سيرة

[نهار]

صراحه يا صبا ما فيك حيله << حمد السعيد

اجاباتك كلها مو بعيده عن الحل يعني اقرب اجابه من الحل تبعد عن الحل الصحيح ما يبعده حل خاطىء عن حل صحيح بمسافات طويله حيث ان الحلول الخاطئه عادتن تكون بعيده عن الحلول الصحيحه بمسافات قد تطول وقد تقصر وقد تنحل هذه القضيه في اطار التسويه وفي اطار خارطه الطريق حيث ان مستوى الامطار ارتفع في احد انفاق مدينه الدمام على الرغم من انشائه الحديث الا ان المقاول سلمه الله قد نسي ان يضع ضمن المشروع عمليه تصريف مياه الامطار وجل من لا ينسى سبحان الله وقد اعفي عنه لان الانسان معرض للنسيان وهذا هو حال الدنيا حيث ان احد المواطنين نسي ان يجدد الرخصه وقد دفع غرامه اكثر من قيمه الرخصه وعندما قال لهم انني نسيت قال له الموضف ( وحنا مكفلين فيك احد قالك تنسى انت نسيت تاكل اليوم والا تشرب ) وقد اقنع هذا الرد المواطن ودفع الغرامه وهو يدعو بان يوفقهم الله على ما يقومون فيه من دعم للمواطن واراحته في جميع المجالات وخاصه مجال المعيشه والرواتب التي بدئت تتطور فبعد الزياده القويه التي حصل عليها المواطنين في رواتبهم والتي بلغة 150 ريال على الراتب الاساسي البالغ 1500 ريال و 2000 ريال و 2400 ريال لرؤساء الاقسام نعم 150 ريال فمن يحصل في هذاالعالم على 150 ريال في راتبه الاساسي نعم انها مكرمه فاقت التصورات حفض الله القائمين على هذه المكرمات التي تراعي غلاء المعيشه

وش السالفه وين راح اللغز وليه افترت الموجه

<< شكل اللغز بيودينا بو زعبل