اتحداكم اذا مااتعلمتوا انجليزي معاي

[LATO∫A]

[align=center]


ازعجونا في اللغه وهي سهله بس المشكله في المعلم, بط روسنا بالقواعد والفاعل والمنصوب والناصب والحرامي




لكن انا ييتكم وبعلمكم بدون عوار راس يالله نبدأ:



افرض واحد ضربك على راسك بقوه شنو بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i( اي ) = معنها = انا




هل تحب جبنة بوك= لاحظ بوك بس نوع فاخر +بوك= book = كتاب


هل تحب الكت كات= لاحظ كات بس نوع بناتي فاخر+كات=cat =قط <<< جعله يشمخكم


هل تحب شاي= لاحظ شاي = shy = خجول <<<<<< يعني تقدار تقول : i'm shy
<<< انا خجوله


وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش جذي ؟
الجواب: فار مر
فار مر ,,,, معنها مزارع ,,,,, ; farmer <<<< مزارع



من مايعرف الرئيس الأرهابي ( بوش ) بوش -بوش = push = يدفع _يعني = يدز (بالسعودي يدف ) = وتلاحضونها على الأبواب المطاعم
يعني تقدار تقول= ادفع الباب او دز الباب = push the door = بوش ذا دور



واحد يقولك: كيل تفاح تصير قوي_ كيل برتقال _كيل موز
لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill me
او= اقتله = كيل هيم= kill him



واحد يطق الباب وش تقوله: اكيد تقول ( مين) مين مين مين ( بالكويتي منو منو منو لكن ما تنفع منو الحين )
mean = مين = تعني = معنى = او قصد = كأنك تسئل وشنو معنى كلامك او وشنو قصدك
مثال: تسئل واحد شنو قصدك ؟ what do you mean = وات دو يو مين



وعلى فكره كلمة = com الي تشفونها في الرابط = تعني = شركه = وهي اختصار كلمة = company


تسمعون البزر يقول الى امه : ماما يالله قوه البيت = قوه قوه
المهم واضح معنها لكم :
go = كوه = قوه
يالله نروح= let us go = ليتس قوه




كف = فيه احد ما جاه كف على وجه ؟ انا بصراحه جاني لين دخت
كف= معنها = كحه . كف = cough تقدار تقول= i have cough = اي هاف كف = انا عندي كحه او سعال


مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم
محلات تهتم بملابس الأطفال تشوفونها دائما بلأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين
مذر = ام +ماما +امي= الي تبون تسمونها امكم وكيفكم = مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو
انا اهتم = i care = اي كير



باوار هورس = مشروب الطاقه المعروف موجود في الجمعيات = لو تلاحظون عليه رسمة حصان
هورس = حصان = horse باوار= قوه =power
ركزوا معي في تركيب الجمله = انا عندي حصان = i have horse
لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره



الرئيس الأمريكي السابق ( بيل كلينتون )
بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك وتطلب الفاتوره صح



بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه شنو معناها ؟
بلوتوث تعني = الضرس الأزرق
بلو= blue = ازرق
توث= tooth =الناب او الضرس



هذا الحرف شلون تنطقونه ( T ) = تي صح = تي ,تي , تي= معنها = شاي = t ea = تي


سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لا تدخله بوجهه الي جمبك
سيف= save = يحفظ او يحمي او ينقذ = يعني تقدار تقول: احمني او انقذني = save me
او احفظ المعلومات = save it
او احفظ الصوره =save the picture = سيف ذا بيكتشر



فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف عليهم والله ينحاش قبلي بعد وتوصل انه ننقل من المنطقه كله ونترك له البيت ملعون الوالدين
فار= far = معنها = بعيد = تقدار تقول = انت بعيد وايد = u are so far = يو ار سو ( فار)
so = تعني جدا ,مثل very
يعني تقدر تقول= u are very far =يو ار فيري فار = على كيفكم



ني = اللحم ني او الدجاج مو مستوي ني
ني= knee = معنها = ركبه
ملاحظه اول حرف يكتب ولاينطق
يعني ماعليكم من حرف الكاف في بداية الكلمه ماينطق =k nee = تنطق = ني



كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم
كان = CAN = يستطيع او يقدر = انا استطيع = I CAN
ممكن يكون معنها اسم ,, بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه



هااااا شرايكم فيني

اللي يقول مافهم يويله [/align]

[راشـد المهمــوم]

اقتباس   المشاركة الأصلية كتبت بواسطة LATOFA هل تحب الكت كات= لاحظ كات بس نوع بناتي فاخر+كات=cat =قط <<< جعله يشمخكم

ماقــصرتي والانقليزي غاسلن يدي منه

بس هناك سؤال انتي تقولين كات معناته قط بس الكلمه هنا كت كات يعني قاط قط ولا قطو قط

[فارس الخبر]

من سمعت طاري بوش ويدز عرفت انك انقليزيه ميه بالميه هههههههههههههههههه


والله التعلم عن طريق لطوفه تبسط القواعد مالك ومال المعلمين

مالك الا مفرح ههههههههههههههههههههههه

ترليون تحيه

[دال 10]

هلا والله لطوفه
تصدقين انا كنت اعرف كلمتين بالانجليزي وطاروا
يعطيك العافيه

[السحابه البيضاء]

Hi Nawal , how r u
it's much fun to learn English with u
thanks for this wonderful subject , give us more plz

[أحلى بنوته]

هههههههههههههههههه

والله وشكلك مدرسه عصبيه

خربتي معلوماااااااتي



يعطيك العافيه

[LATO∫A]

راشد

يسلمو على المرور

[LATO∫A]

فارس الخبر

يسلمو على المرور