صج ليش؟!!

[حلا الكويت]

بسم الله الرحمن الرحيم
فكرت وايد شنو ممكن اكتب عنه وفي وايد مواضيع تستاهل ان الواحد فعلا يتكلم عنها , بالنسبه لي ودي اتكلم عن موضوع الصداقه !
هل هناك فعلا صداقه ؟ هل فعلا في اصدقاء مايخونون بعض ؟ وايد مرات عندنا معارف وانعرفهم من سنين, وسنين وايد بعد وانعيش معاهم لحظات نعتبرها انها اسعد لحظات بحياتنا ,واحيانا ناس انعرفهم من الجامعه واحيانا ناس انعرفهم من السفر , بس خلينا انفكر فيها جم احد فينا فعلا عنده صديق وهل يكونوا اصدقاء فعلا؟ وهل في شله اصدقاء بنفس القدر؟ لازم تلقه في هالشله كل اثنين اقرب من بعض حق غيرهم ويخشون عن الباجي بعض الاسرار , هل الحياة بعد الزواج لهؤلاء الاشخاص اللي انت تعتقد انهم اصدقائك فعلا راح تدوم صداقتك معاهم بالشكل نفسه سواء للرجل او للمراة ؟ اكيد في وايد امور راح تختلف , ليش دائما الواحد بعد فتره اذا انشغل بحياته اشويه يبعد عن اصدقائه ويمكن مع الوقت يذكرهم بالمناسبات , ليش انقول دايما ماعندنا وقت ان نتصل على اصدقاء عاشرناهم وعشنا معاهم ايام حلوه لمجرد ان نسال عنهم, ليش لما يتصل فينا صديق قديم او صديقه ويسألونه وينكم انقول كنا مشغولين ولاهين في الدوام ومع الاهل او الدراسه مثلا بالمعنه مرات وايد انكون زهقانين من كثر ان ماعندنا شي انسويه , لاحظوا ان احنا حتى شوفتنا للتلفزيون اصبحت جنها شغل بالنسبه لنا يعني لما احد يسالك وينك اتقوله كنت مشغول وانت كنت قاعد اتشوف التلفزيون من الفضاوه , على ان التكنولوجيا ساعدتنا بوايد شغلات بس نستنا وايد شغلات, جم احد منا حافظ ارقام اصدقائه اللي يكلمهم وايد ولا حتى ارقام اهله كلهم حتى الحفظ صرنا موقادرينله , عيل اشلون صج بنتذكر نتصل على اصدقائنا وحبايبنا , لو كل واحد فينا من صج يتذكر ربعه وصديقاتها اللي عاشت معاهم احلى ايام وبس اتصلنا سلمنا واتذكرنا معاهم السوالف والايام الخوالي على قولتهم شوفوا اشكثر نفسيتنا راح تتغير هذا اكيد غير الاجر اللي راح ناخذها بمجرد اتصالنا على اصدقاء حبيناهم في الله وبس كنا نبي انسلم عليهم , احيانا في ناس من اصدقائك تلقى ان بينك وبينهم بس مسجات لو فكرنا ليش مو اتصالات ليش ما انسوي جدول وانقول كل يوم راح نتصل على احد غير حتى من ضمنهم اهلنا اللي صارلنا دهر ماندري عنهم في ناس تتجمع مع اهلها بس مره بالاسبوع وهم مو كلهم , وناس والله ولا تدري عنهم وناس تستثقل حتى هاليوم اللي بالاسبوع ابصراحه انا وحده من الناس اللي كل وين وين لما اتصل على اهلي يعني خالاتي واهلينا من الطرفين عشان اطمن عليهم والكلام هذا قاعده اقوله حق نفسي قبلكم بس فعلا ليش صرنا جذي , كلنا حلوين من داخل وكلنا انجنن ووايد ناس طيبه وزينه يمكن صح فينا مرات شر بس مافي انسان يخلو من العيوب بس كلنا طيبين فعلا , ليش مانسامح ؟ ليش مانغفر ؟ ليش مانفتح صفحات جديده مع الناس ؟ ليش مانقول كل يوم احنا راح انسوي اجر في احد معين ؟ ليش مانتذكر امواتنا ليش ما انطلع صدقات ونهديها حق اجدادنا واجداد والدينا؟ ليش كل واحد فينا مايكتب ورقه ويكتب فيها كل اسماء الاموات اللي يعرفهم اهله وجدوده من الطرفين وجدودهم ومعارفنا ويخص كل واحد له صدقه خل أمواتنا تتباهي امام الموتى الثانين بان عندهم من اهلهم من يتصدق له وبعدين انتصدق حق ناس ماانعرفهم , ليش احنا مانفكر جذي وايد ؟ ليش احنا انهب بالشي اشويه وانقطع عنه بعدين , حتى انا استغرب من نفسي ؟ ليش انا بعد مااسوي جذي تدرون انا صارلي اسبوع تقريبا كل يوم اقول اليوم راح اكتب وراح اتصدق واسوي ويطوف اليوم وبعدها اتحسف ان ماسويت شي ! , ليش في منا ارادته ضعيفه ؟ حتى في الرجيم في بنات وشباب يقولك ماقدر اسوي رجيم , وهو يقدر بس ليش الافكار السلبيه هذه اللي عندنا , امراض العصر صابت الكبار قبل الصغار الاكتئاب وانفصام الشخصيه , الغرور, الانانيه , الاهمال , الحقد والغيره الحسد كل هذا كان صح قبل موجود بس الحين صار هذا مرض العصر احنا مومحتاجين انروح حق طبيب عام يعالجنا بادويه احنا محتاجين نقعد مع نفسنا وانكلمها , جم مره كلمنا نفسنا بصدق جم مره مابررنا لنفسنا عن نفسنا ؟ جم مره نعذر نفسنا ؟ لازم نتعلم اشلون لما انغلط قبل لا احد يعاقبنا احنا انعاقب نفسنا ؟ ليش مانحب بعض ؟ ليش انخون بعض ؟ ليش حتى المتزوج يكون عند فرق بين زوجته وبين حبيبته ويقول هذه حبيبتي وهذه ام العيال ليش ماتكون الاثنين وحده ؟ ليش لما نتزوج وانحس ان احنا موقادرين نتأقلم مع شريك حياتنا مانقعد معاه قعده صفاء وناقش الموضوع ونفترق واحنا قلوبنا صافيه على بعض احسن من لما واحد منهم يطيح على الثاني يخون وتنقلب السالفه مشكله ؟ ليش مانتعلم من اخطاء غيرنا ليش لازم ننطر لما المشكله اتصير لنا عشان ياله نتعلم ونقول ياريت اللي جرا ماكان ونتمنى لو كنا قبل اسبوع وكنا قاعدبن بهدوء وماعندنا مشاكل , كل واحد ووحده فينا لاهي بدنيته انفكر بطريقه سطحيه يمكن صح ظروف الحياة علمتنا جذي بس لازم احنا نكسر هالظروف , خلينا انحاول انكون احسن كلنا , خلينا انشجع بعض احنا اهني في منتدى وفي وايد منا اصدقاء ويمكن تعرفوا على بعض معرفه شخصيه ويمكن عندهم ماسنجرات بعض ويمكن اكثر بعد ,خلونا انساعد بعض على اعمال الخير خل اللي يكون زين فينا يساعد الي مزاجه متعكر فينا وصاير شرير لان بعدين راح ينقلب العكس الشرير فينا بيصير الزين واللي كان زين مزاجه بيتغير واحنا بنقول لازم انساعده و احيانا العمليه ماتطلب ان انتعرف على بعض وايد عشان انساعد بعض يمكن المتعه ان احنا ماانعرف بعض وانساعد بعض , انا اسفه يمكن طولت عليكم بس مادري خذاني الكلام والله انا الكلام هذا اقوله حق نفسي واعاتب في نفسي قبلكم بس كان ودي اشاركم فيه يمكن احد يستفيد منه وباجر يدعيلي بالخير وايمع حسنات :) عاد صج بخاطري اذا عجبكم الموضوع ادعولي واذا ماعجبكم ادعولي ان اكتب اللي يفيدكم .
الله يوفقنا كلنا يارب وانكون خير عون حق بعض وانا اسفه على الاطاله .

[نزف الابداع]

حياك الله حلا الكويت

أعجبني واجد موضوعك هذا

وحبيت أعلق عليه

الصداقه كنز لا يفني

وهناك فرق بين الصداقه والزماله

الصداقه تكون مرتبطه بشخص أو شخصين كحد أعلى وهؤلاء الأصدقاء بالأمكان أن تكون علاقتك معاهم أكثر من الأخوان أو الأخوات لأعوام وأعوام ولا يفرقكم إلا ما هو أقوى منكم

والزماله هي التي لا تتعدى زمالة العمل أو زمالة المدرسه أو الجامعه وبعد الإنتهاء من الدراسه أو العمل تنتهي علاقتك بهم .

ومن ناحية هل تستمر العلاقه بعد الزواج نعم في كثير من الأحيان تستمر ولكن تقل اللقاءآت لوجود أرتباط أجتماعي يتعدى حدود الصداقه الا وهو الزوج أو الزوجه ويلي بعدها حدث ما هو أرقى وأسمى من اي نوع من أنواع الإرتباط الإجتماعي ألا وهو الأبناء
فالأبناء اقرب للإنسان من الصديق والأب والأم .

يحفظك العزيز الكريم ولا تحرمنا أو تحريمنا من مواضيعك الشيقه

[حلا الكويت]

يعطيك الف عافيه يا نزف الابداع على تعليقاتك الطبيه وبصراحه كلامك صح ووجهه نظر حلوه احترمها
كل الشكر والتقدير لك على تعليقاتك.

[رموش الغلا]

يسلمووووووووووووووووووووووووووووو

حلا عالطرح الراااااائع والجميل



يعطيك ربي العاافيه وننتظر منك المزيد من التميز والابداااااااااااع


ولا عدمنااااك

[حلا الكويت]

يطولي عمرج يا رموش الغلا :)
وفرصه سعيده تعرفنا عليك وعلى مواضعيج الطيبه

[رموش الغلا]

مشكووووووووووووره خيتووووو

وانا تشرفت لمعرفتك يالغلا

استمري على نشاطك

ودمتي بحفظ الرحمن

[حلا الكويت]

الله يسلمكم يارب :)

[آورآق آلصبر]

آلسلآم عليكم ورحمه آلله وبركآته

يعطيج آلعآفيه حبيبتي


"حلآ"


منوره آلقسم موآضيعج وعسآج على آلقوه

تعليقي حبيبتي هو آن آلصدآقه شي طيب وكلنآ نبيه بس وين تلقين هآلصديقه

صرآحه آنآ علآقتي مع رفيجآتي آقوى حتى من علآقتي بنآت عمي وخوآتي

بس للآسف لمآ تييج طعنه من آقرب رفيجآتج حزتهآ تفقدين آلثقه بآي رفيجه

ثآنيه بس آلحمدلله طيبه آلقلب وآلتسآمح يلعب دور آسآسي بهآلموضوع

ومثل مآقآل آخوي "نزف"

في فرق بين آلصدآقه وآلزمآله

وآلحمدلله عن نفسي عندي رفيجتي "نصوور" بآلدنيآ كله وصآرلي معآهآ

12 سنه وآلله لآيفرقنآ يآرب






rEmAiN fAiThFuLlY
......
I oFfEr yOu mY bEsT wIsHeSs
......

......
"PAtIeNcE pApErs"