البارحة جاني من الحـب مرسـال من !!

[آخر آمالي]

السلام عليكم ورحمة الله وبركاته

اسعد الله مساء الجميع

كنت اتنقل بين المنتديات واعجبتني هالقصيده وحبيت انقل لها لكم

وانشاء الله تعجبكم


البارحة جاني من الحـب مرسـال من عقب ما بيني وبينـه خصيمـة

2 وانا ترى في الحب مانيـب فعّـال ولا بعـد ولّـع بقلبـي هشيـمـه

3 ولا بعد غنّيت في ساعـة وصـال ولا بعـد ذقـت الفـراق وجحيمـه

4 ولا جرى دمعي على الخـد همّـال ولابعـد جربـت مـرّ الهزيـمـة

5 حتى وردنـي تالـي الليـل جـوال وانا على شاهـي وبسكـوت ديمـة

6 الرقم بايـخ لكـن الصـوت قتـال كنه مثل صـوت المذيعـة حليمـة

7 قالت مساء الخير يا طيّـب الفـال قلـت ارحبـي ترحيبـةٍ مستديمـة

8 بالعود والصفـري ودلـة وفنجـال واجبك يا بنت الأصـول الكريمـة

9 ردت بضحكة ثم قالت وش الحـال؟قلت اشهد إن الحال عقبـك سقيمـة

10 قالت وهي تضحك بعد مثل الأطفال وانـا بعـد كنـي بدونـك يتيمـة

11 من يوم قالتهـا تزلزلـت زلـزال من فجعتي كنـي مسـوي جريمـة

12 قلت ارفعي صوتك ترى مابه ارسال كـذاب لكـنّ المصيبـة عظيـمـة

13 قالت أقول اسمع ترى هرجنا طـال ممكن تصاحبنـي ترانـي وسيمـة

14 واسمي الحقيقي أول حروفـه الـدال لكـن يسمّونـي البنـات الزعيمـة

15 صحيح أحب الفخفخة واعشق المـال لكـن ترانـي طاهـرة مستقيـمـة

16 ما عندي امغازل ولا لعـب يهّـال ما عندي إلا في الشرف والحشيمـة

17 بس الصراحة قلبي لشوفتـك مـال واصبحت وحدك جالسٍ في صميمه

18 فكّر بعقلك واتـرك القيـل والقـال واحذر تطيع اهل العقـول العقيمـة

19 وارسل علي الحين خمسمية ريـال اشحن بهـا جـوال أختـي غنيمـة

20 أو طقم غالي فيـه خاتـم وسلسـال اروح به في عـرس ولاّ عزيمـة

21 قلت الحقيقة مانيب رجـل أعمـال ولاني بتاجـر والمـوارد عديمـة

22 أنا الصراحة شبـه عطّـال بطّـال وعلاقتـي بالفقـر جـداً حميـمـة

23 والراتب الله يرحم الحـال مـا زال محدود والمصروف ربـي عليمـه

24 والديـن بـالآلاف والبنـك شغّـال ياكـل فلوسـي بالربـا والظليمـة

25 والسوق طايح والغلا ضيّـق البـال والموت والله صاير اكبـر غنيمـة

26 قالت تحمّل بـس والحمـل ينشـال خلك شديد الباس صلـب العزيمـة

27 ياخي تصرّف جعلك اتصير نشّـال اهـم شـي إن النـوايـا سليـمـة

28 لابد تفهمني علـى كـل الأحـوال ما دمت من أهل العقـول الفهيمـة

29 قلت إيه والله فاهم اللي علـى البـال لكـن تـرى هـذي علينـا قديمـة

30 يا بنت هذا صايـر اليـوم مـوال للي تبي تلعب علـى ابـن اللئيمـة

31 يا بنت ما تدرين كـم فيـه محتـال يلعب على الحبلين وانتـي غشيمـة

32 يا بنت كم من جاهلة دمعهـا سـال من عقب ما جات العواقب وخيمـة

33 والبنت لا اقفى عرضها بيد الأنـذال والله مـا يبقـى لهـا أي قيـمـة

34 قالت تبي ولاّ فخلّـك علـى جـال مهوب ناقصنـي نصايـح حكيمـة

35 عز الله إنك للأسف منـت رجّـال وانك قليل الذوق مـا فيـك شيمـة

36 يا لعنبو اللي مـا يسطّـرك بنعـال حتى يعلمـك الغـزل يـا بهيمـة

37 عليك وصكّت الخـط فـي الحـال مدري تفو هي مدح وإلاّ شتيمة تفو



تحياتي لكم

آخرآمالي

[$$عطر الكلام$$]

آخر أمالي

دمت على القصيدة المميزة

لكنها للأسف مكررة وموجودة على الرابط الآتي


اول مشاركة لاتفشلوني ( اعجبتني

في انتظار جديدك العطر

أرق التحايا