مســاء مثقـل بالحنـيـن . .

[هذاك اول]

::


تغيب سنين .. ماتنشـد

ولاتسـأل عن الاحـوال

وقلبي آآه من قلبي . . عزف وسط الحشا مـوال

اشوفك لاهي في دنياك . . !!

سعيد وحيل مستـانس

تخاويهم . . . ولاتسمع ابد فيهـم

ولا ادري وش الاسـباب

وش اللي فـّرق الاحبـاب

تحريتك تجيني يوم

تصارحني وش اللي صار

ابعرف بس وش سـويت

انا اخطيت ..

انا اخطيت ..

بربك بس علمني

ولو تبعد بعد وتروح

ذبحني قلبي المجروح

يعاتبني . . وراه ابعد بعيد هناك

دخيل عيونك الحلوه . .وحمرة مبسمك وشفاك

تعلمني .. !!

ولك مني عهد بنساااك

ولا ليله ا قبــّـل صورتك وخطاك

اريد ارتـاااااح

اريد استـرجع الافـراح

بربك قووول ريحــّـنـي

مع ان غيابك الموحش ابد مايوم ريحــّـنـي

اذا اخطيت في حقك . . ترى والله بدون شعـور

ياأعذب قلب لو يبعد . . اضيع وينطفئ هالنور

ابي منــّـك مسج واحد


ابيك تقول لي وش صـاااار

::

[هذاك اول]

::

ركـّز معي . .

قرّب تعال وضمّني

ناظر حبيبي وش كثر . . والله غيابك همنـي

محتاج لك حـد العطـش . .

الله لو ليله تجي . . وتشوفني

كان انصدمت .,,

ماتدري والله ابغيبتك . . وش كثر يالغالي هدمت

اكذب عليك ان قلت لك . . اني بخير

وان الحياه ابغيبتك . .. صارت بعد بالحيل غير

ياسيدي . ,,

عطني دقائق بشتكيك

بشكي لك اسواتك عليك . .

جنـنـتــّني . . !!

ماتذكر بليلة غلا امنتـّـني

اني اعيشك واهتويك

داخل عليك الله عليك

ماتفتـكـر . . !!

::

[هذاك اول]

::


اشتقت لكـ

بسّـك عنـاد اتعـبـتنـي ..

ايه اقصـدك . . ايه اقصـدك

يعنـي مسّـوي لي ثقيل. . !!

والا مسّـوي مادريت . . لك بالحشا مليون بيت

ايه اقصـدك . .

من غيرك اللي تنكتـب . . فيه القصائد والحـروف

بس انت معميك الغياب . . لو ليله اتمــر وتشوف

وش كثر قلبي منتظر . . !!!!

ايه اقصدك والله العظيم

وحشني هالقلب الرحيم

وش غيرك . . !!

من هو ضحك . . ليله عليك

عني خذاك وطيــّـرك . . !!


ايه اقصدك . . لاتنـدهش

لاتسـّـوي فيها مافهمت .,,

من غيرك اللي لابكيت. . حضنت له صدره ونمت

ايه اقصدك . . وش تنتظرمني بقول .. !!

يرضيك انااكذب عليك ..!

وش فيك حولك تلتفت ..؟

ماكو احد. . انت الوحيد اللي ملك قلبي . . ودمـّرني بعد . . !!

وش فيك يعني ماحكيـت

لاتقول لي تــّـوك دريـت . . !!!!

ماصـــّدقــك .. !! لو تحلف ابعمرك شهر

ايه اقصدك . .

تعال . . تعال قربّ لاتخاف . . وخذ روحي لعيونك مهـر


ياعمري ماتغلى عليك .,,

يالله عساني مانحرم . . يالغالي من شوفة عينيك


::

[هذاك اول]

::



اذا يرضيـك

ابتـرك كل شي وامشي . . بروح ابعيـد

ابي ابعد عن الديره . . اببعد عنك بالتحديد

خلاص ارجوك . .

قعادي عندك الليله . .ورب البيت . . لا مايفيد

اذا يرضيـك

ابيك تعيش في دنياك . . بلا هم وبلا احزان

اريدك بس ياعمري . . يكون بداخلك انسـان

ابيك تراجع ايامك

اريد ترتب احلامك

ابيك تمـر ياعمري . . على قلبي مجرد طيف

ابيك اتعدني ذكرى . . الم . . دمعه . . سحابة صيف

اذا يرضيك

ابنسى ضحكتك . . همسك . . زعلك . . ورسمة حجاجك

وابنسى وش كثر قلبي . . . قضى هالكون محتاجك


اذا يرضيـك


فمـااان الله


::

[هذاك اول]

::

صـدقيني

مابقى لي شي ثاني

غير ذكرى .. ساكنه وسط المحـاني

ومابقى لك شي عندي . . غير والله دمعتين

ودي اسكبهـا عليك . ,

يرحم الله والديك

كل شي اليوم فيني , , صار والله مختلف

لاالزمان اصبح زماني

والخفوق اللي سكنته . . صرت اشوفه مو مكاني

والغرام اللي ذبحنـا

والعذول اللي جرحنا

والسنين ... والغياب اللي نزف شوق وحنين

والخواطـر ... والحروف اللي شكت ظلم الدفاتر

لا حبيبي . . مابقى بالعون شي

كل اللي ابغاه وأريده .,,

ركعتين . . في ظلام الليل تمحي كل زله

ومن ترك لله شي . . . عـوضــّه ربي محلـه

::

[هذاك اول]

]::


مساء الورد يايمه

مساء العطر لامنـّه . .

يفوح وتحمله نسمه .. على الازهار وتـزمـّه


عساك بخير ياروحي

ثمان ايام ماشفتك . . ولاطابت لي جروحي

ورب البيت مشتـاقـك

ذبحني الوقت بفراقك

ابي احضنك . . اريد ابكي على صدرك

اريد ارقد على ايدينك

بحبك بس من راسك . . الين اطراف رجلينك

فدتك الروح ياعمري

تمر ايامي من دونك . . كئيبه وتكسر الخاطر

وقلبي حيل يايمه . . لشوفك يالغلا نـاطر

وحشتيني . . ياأجمل ورده في دنياي

ياأطيب قلب اوله له . . وتسرع يمتّـه اخطـاي


وحشني حتى يايمه . . من ايدينك هذاك الشـاي


ياطهر الارض وش حالك

ابد لاينشغل بالك

اموري حيل يايمه تسرك يابعد حالي

ولاينقصنـي ياعمري , , سوى شوفتك يالغالي

فدتك عيون عبدالله . . فدتك الروح وايامي

دخيلك بس ترتاحي . . عشاني روحـّي نـامي


وربي يابعد عمري انا مرتـاح

خلاص اليوم يايمه . . هذاك اول زمان وراح

ورب البيت يايمه ابد ماصار يعنينـي

نسيته هيه ونزلته بعد بالعون من عيني

فديتك حيل لايشقيك

فديتك يابعد عمري



:::

[هذاك اول]

::


علمتني . . وشلون أدوس العاطفه

وتركتني . . وحدي بوجه العاصفه

علمتني . . ان السهـر أول محطـات ا لغـرام

وان الحبيب اليا نوى . . . يبعدعن احبابه حـرام

وان الزمن مهما يدور

ولو باعدت . . بيني ومابينـك بحـور

مانفتـرق .. !!

علمتني .. وماجيت يوم وشفتني . . وشلون بعدك احترق . . !!

غيرتني

غيرت فيني كل شي


::