ردٌت : قسمْ باللـٌي خلقك امغصوبه

[بعيد الارماس]

( ليلة زفاف )

قصيده من أشهر قصائد شاعر الألفيه شاعر الألف بـيت

الشاعر : بدر بن غازي المطيري

للإسـتـمــاع

:


تدعــو خفوقـي للوصـل
ـــــــــــــ لكــن أنـا قلبـــي يخــــآف
فجأه تجرأ وإستجـآب
ـــــــــــــ ولملم ضلـــوعه في خـجــل
:


لكنـٌها متأخره
هالليل
هـــــو
ليـــــل


(_الزفــــــــاف_)


مشيت لين الباب
بـــسْ
من غير ما أحـد ٍ
يحسْ

:

جيت آتشره وأذرف الهم والغم
ـــــــــــــ ردٌتْ : قسمْ باللي خلقك إمغصوبه

/




يا حزني اللي شفت في عينك السم

..........................فرحي لماذا بحزن شقيت ثــوبه ؟

ابسألك بالله يا هالحزن كم ؟

..............................أوعدتني لكن وعودك كذوبه

المشكله هرج ٍ يبي يعبر الفم

..........................تآه بوسط صدري وتهت بدروبه

ياما دعتني (إمش) في خافقي نم

.............................لكن أخاف الوصل في كل نوبه

ودّي ألبي دعوة الوصل وآتم

.................................لكنـٌي أذكر (مسلمٍ) نام دوبه

أخاف من ربي وأكابر ولا أهتم

..................................لأن كل مسلم يحسّب ذنوبه

أشكي الظما مع إن في صدري الجم

.............................وأخاف من كلمه عليّ إمحسوبه

آكل غلا وأدري إن في هالغلا سم

..............................مدري غباء مني أو إنْها عقـوبه

ما أداني أحدْ يقول لي يابدر قم

...................................ولهالسبب واقف بدنيا دؤوبه

واقفْ وأشوف بوجهي موقــٌف الهم

.............................والناس غنّت في الزفاف العروبه

تحيا العروبه .. ما أنا دونها دم

......................................وأنا أفكر بالليال اللعـوبه

وإنظر لها تمشي بهدآوه ومن ثم

..............................تلقف يديها إيديه بنت العــُــذُوبه

ذكرت يوم إنـْها تجي عندي ولم

................................تتعدى تسع سنين طفله رحوبه

تمشي وتمسك من طرف ثوبي الكم

...............................وأقول كنـّـآ في إبتهـآج الخطوبه

صديت كني طِـفل لا ما رضع أم

..............................ضآيع بهمـّـه والعيون إمعصوبه

تبعت موكبها ودربي مية يم

..............................مشيت درب ٍ ما أنتبهت إلعيــوبه

فقط أبسألها عن وعود من كم؟

..........................وأنا أنتظر وأبني على الطوب طوبه

وصلت لين الباب ويزمني زم

.................................قهري ولكن العروق إمهيوبه

وجتني بسكوت وجيتها كنّي آصم

...............................عشنآ ثواني صمت خيـّم غروبه

ناديتها وردت عليْ (يابدر) سـَم

..............................قلت بهدو جبت إلك روح إمغلوبه

جيت آتشره وأذرف الهم والغم

.............................ردٌتْ : قسمْ باللي خلقك إمغصوبه

[$$عطر الكلام$$]

المشكله هرج ٍ يبي يعبر الفم
..........................تآه بوسط صدري وتهت بدروبه

ياما دعتني (إمش) في خافقي نم
.............................لكن أخاف الوصل في كل نوبه

ودّي ألبي دعوة الوصل وآتم
.................................لكنـٌي أذكر (مسلمٍ) نام دوبه

أخاف من ربي وأكابر ولا أهتم
..................................لأن كل مسلم يحسّب ذنوبه


الراقي بعيد الارماس

قصيدة رائعة ومؤثرة بنفس الوقت

أبيات تنضح بشجن وجمال في تجسيد الإحساس

صح لسان شاعرها وسلم هذا الانتقاء المميز

دمت تمنحنا كل راقي وأنيق

أعطر التحايا

[بعيد الارماس]

العذبه عطر الكلام

الرائع هو حضورك بما يصحبه من جمال التعليق

والتميز في الردود دائما .. أشكرك يارائعه على هذا المرور الكبير

لك التقدير والتحيه

إحترااامي