.. ترى الخوي والضيف والثالث الجار..

[التميــــــمي]

مســاكم الله بالخيــر

" ترى الخوي والضيف والثالث الجــار***مثل العمـــل مابين فرض وسنّـــا


للشاعر صقار بن مهنا القبيسي الفضلي اللامي من طيء



هذه من القصص القديمة يتداولها الرواة بطرق مختلفها وقد جرت احداثها في بادية العراق قبل اكثر من 170 سنة تقريباً, و مضمونها ان قوم من شمر اغاروا على قبيلة الدليم احدى قبائل العراق , ولكن الدليم انذروا بهم فخرجوا لمواجهتهم فما كان من غزوا شمر الا ان زبنوا والتجوا الي أهل القبيسة أحدى قرى العراق – وقيل انهم اخلاط قبائل تحالفوا فيما بينهم و تعاهدوا على قبس نار الحرب دفاعاً عن بعضهم فاطلق عليهم لقب القبيسات - فلما علم شيخ الدليم الشيخ علي السليمان الدليمي ارسل الى أهل القبيسة يطلب منهم تسليمهم والا سوف يحاربهم . ولكن تصميم اهالي القبيسة كان قويا على حماية جيرانهم والدفاع عنهم , فوقفوا دونهم . فلما راى شيخ الدليم قوة باسهم وشجاعتهم تراجع عن مهاجمتهم وقال الشاعر صقار القبيسي بهذه المناسبة قصيدته يتشره فيها على شيخ الدليم علي السليمان وهي كالتالي :




ياراكب حمرا من الهجـن معطـار=مـا قربـت عنـد العقيلـي اتثـنـا
تشدا قرانيس القطـا حيـن ماطـار=ملفاك علـي الشيـخ زبـن المجنـا
امر سديته يا علي مـا بعـد صـار=جيتوا تبون اضيوفنـا غصـب عنـا
رجالنا يفـرح الـي شـاف خطـار=يقحص لهم عجـل اهـوب ايتونـا
لاجن يسوجن السفايـف والاكـوار=لا لــوذن ببيوتـنـا يرجـهـنـا
اول قراهـم مـن حليـات الاثمـار=غرايس (ن) من طلعة سهيل اثمرنـا
وثاني اقراهم دلة(ن) نصفها ابهـار=بنجر (ن) نلاعي به على كـل فنـا
وثالث اقراهم حايل (ن) دوم تنـدار=ومناسـف (ن) لضيوفـنـا ينقلـنـا
وش عذرنا من لابس الخصر وسوار=اللـي يرشـنَّ الـذوايـب بحـنـا
واليـا عطينـا ضيفنـا مالنـا كـار=نلوذ عـن زيـن المضايـف بعنـا
ترى الخوي والضيف والثالث الجار=مثل العمل ما بين فرض (ن) وسنـا
واللي زبنا زابن (ن) ضلع سنجـار=والحرب نرسي له الـي ثـار حنـا
تسعين ليلة واشهب الملح بـه ثـار=وقـت المنـام ايطيّـر النـوم عنـا
محمد بناها واودع السـور منـدار=وهلهل علي درب السلامـه وغنـا





والقصيدة ملحنه على الرابط التالي من شريط لوحة من الماضي :
http://www.5ymah.net/rm/yarakb.ram

أتمنى أن تنــال على إعجابكم

[بعيد الارماس]

الله يمسيك بمثله يالتميمي

يعطيك العافيه على هالموضوع الطيب

ماقصرت يالغالي امتعتنا بالقصه وأبياتها

لك التقدير والتحيه

إحترااامي

[التميــــــمي]

حياك الله يابعيد الارماس


الله يمتعنا وياك بالصحه والعافيه


لاهنت على المرور يابعدي

[مشاعل البندري]

اول قراهـم مـن حليـات الاثمـار=غرايس (ن) من طلعة سهيل اثمرنـا

~~ الأخ ~~


وثاني اقراهم دلة(ن) نصفها ابهـار=بنجر (ن) نلاعي به على كـل فنـا


~~ الضيف ~~


وثالث اقراهم حايل (ن) دوم تنـدار= ومناسـف (ن) لضيوفـنـا ينقلـنـا


~~ الجار ~~


:

:



وصف رائع وقصة أروع ..


وقصيدة أبدع فيها الشاعر صقار بن مهنا القبيسي


يسلم إختيارك يا صقار بن تميم التراثي :)

[ـالهنوفـ]

يعطيك الف عافيه اخوي التميمي ..

قصة جميلة وابيات اقوى واجمل ..

وهذي عادة الشعراء .. تجود قريحتهم بالمواقف .. فيكتوب الشعر ويجودون في الوصف ..

تسلم يمينك ..

,’


ورودي ..,,

[الفراشة]

يعطيك الف عافيه

خيوو

ع الموضوع الرائع


تحياتي"

[التميــــــمي]

ماشاء الله يامشاعل ،، المفروض يخلونتس بدالي أنا وحبسيه مشرفه على هالقسم


لاهنتي على المرور يااخيتي ،

بارك الله فيك

[التميــــــمي]

حي الله الهنوف

وانا اشهــد

الله لايهينك على المرور والتعقيب