( ددسن ) تعزك ولا ( خطوط ) تذلك !!

[رمـاد الشـوق]

اقتباس   المشاركة الأصلية كتبت بواسطة *جهراويه عسوله* هههههههههههههههههههه معاناه والله انا لو منك كنت قطعتهم تقطيع شنو احنا لعبه عندهم بس والله اخوي يا رماد انت عطيتهم ويه زياده انزين على الاقل كنت نمت بالفندق وخسرتهم جم بيزه احسن لا تطلع من المولد بلا حمص خخخخخ عموما مثل ما قلت لو تركب ددسن احسن ان شاء الله دبابه المهم توصل بلا منه الطياره وعلى فكره عندنا وعندكم خير حتى احنا بالكويت تجينا هالحالات عموما تسلم اخوى رماد لانك فضفضت لنا عن المكبوت داخلك والله يعين الزباين

لو كنت داري ان هذي آخرتها كان نمت والله بالفندق على الاقل احلل شوي من فلوسي

عموماً الله يسلمك يارب ومادام السالفه فيها ناس تتضامن معي اجل كل ماصارت لي مشكله بجي افضفض لكم عن المكبوت داخلي بس عاد تحملو اللي يجيكم

تحياتي

[رمـاد الشـوق]

اقتباس   المشاركة الأصلية كتبت بواسطة صبا نجد هههههههههههههههههههههههههه رماد والله ميتة ضحك على سالفة انهم ودوك لجدة حسبي الله عليهم يعني يكون الواحد مضطر وحالته حالة ويغيرون اشغاله واتجاهه على كيفهم سوالفهم ما يخلونها حسبي الله عليهم واكثر شي يقهرني الكذب ليه ما يقولون الحقيقة ليه ما في مصداقية يخلونك تتبهذل وتجلس مستهينين فيك اااااااااه يا لي سوالف معهم بس خليها على الله المهم انك وصلت للرياض ما فرقعت الطيارة فيك وانت في الجو ميغسيه على هيك طرافة

والله ماكان ناقص غير انها تفرقع بالجو عشان تكمل

ترى هذي وحده بس من سوالفي لاتعطوني وجه ترى كل يوم اجيب لكم سالفه العن من الاولى

عموماً الله يعافيك ياصبا واسعدني وجودك

[رمـاد الشـوق]

اقتباس   المشاركة الأصلية كتبت بواسطة نهر الوفاء ياطول بالك طولاه ويا قو قلبك ما شاء الله .. انا أهون عن الرحلة ما دام الطيارة عطلانه العمر ما ينلعب فيه ... ياخوي هذه مافيه كسور وتطيب هذه مووووووووت حياك اخوي: نحتاج نرقى كثيرا بحقوق المواطن بقوانين تظمن حقوقه مثل ما تظمن للشركات حقوقها لو وجد نظام تعويض للمواطن كان حرصت الخطوط وغيرها في الاهتمام بكل شئ تخيل الوقت المهدر والقلق النفسي ... كم يستحق تعويض مادي على الاقل ؟؟؟ بس زواج صديقك الثاني انتبه لا يودوك السودان ويطلبون منك ترجع سباحه لضباء ومنها بالسيارة لتبوك هههههههههههههههههههههه منور الجاد رماد .... تحيتي لك

والله صادق أخوي نهر الوفاء لو فيه حقوق للمواطن ماكانو عاملوه بالطريقه هذي

وبالنسبه لزواج خوينا الثاني تطمن والله لو يتزوج عشر ماني رايح بالطياره ابد

تحياتي واسعدني مرورك

[رمـاد الشـوق]

اقتباس   المشاركة الأصلية كتبت بواسطة حقوق الانسان آآآآآه ه ه ه من السعوديه آآه ولا يفقع المراره الا شعارهم ( نعتز بخدمتكم ) يارجال الحمد لله على سلامتك يوم رجعت بيتك سالم هذا اكبر انجاز للعوديه ووالله فعلا مثل ما ذكر اخوي نهر لازم يكون فيه تعويض للمواطن تطالب به الخطوط وراح تشوف كيف يمشون مضبوط اما شغلهم الي الحين ما ينفع ابد الله يكون بالعون تحيتي لك رماااااادووووه

الله يسلمك ويعافيك ياحقوق

لا والمشكله استبشرنا خير بعد ماطلعت شركات سما وناس قلنا التنافس بيكون لمصلحة المواطن لكن الوضع من سيء لاسواء

خلها على ربك بس الظاهر مالنا الا سفينة الصحراء مثل ماقالت عذوبه

تحياتي

[رمـاد الشـوق]

اقتباس   المشاركة الأصلية كتبت بواسطة غريب الدار 123 بسم الله الرحمن الرحيم الحمد لله على سلامتك وإنك عدت بخير وسلامه لديارك والله يبارك لخوك لعرس ويطعمه الذريه الصالحه اكيد لازم يكون في تعويض عن التاخير اذا زاد عن ساعتين

الله يسلمك ويطول بعمرك

والله ماشفنا لا تعويض ولا حتى كلمة طيبه وانا اخوك خلها على الله

[هـتـان]

رماد تستاهل

وش مطلعك تبوك

من جدك رايح تبوك علشان زواج

ههههههههههههههههههههههههههه

انا اعز اصدقائي عزمني على زواجه ويترجاني وقلت ابشر ابجي والله يوم الزواج اقوى سحبه

ارسلت له مسج قلت انشغلت وطحت بزحمه وبتأخر شوي اعذرني والله يبارك لك

لما رجعت البيت ناظرت كرت الدعوه اثر مكان الزواج اروحله مشي من بيتنا

انا اخوي يومين يترجاني احضر زواجه تبيني اروح لزواج في تبوك

انصحك بخطوط الخياله يارماد بس ماتروح تبوك مالك الا الددسن

عاد لو قايلي انك جالس بالمطار 10 ساعات كنت جيت ونستك

المره الجايه ان شاء الله

[شــوق الــنـــداوي]

يا ماشاء الله عرفتووا قيمة الددسن الحيــن

هذي تنعد ميزه للخطوووط السعوديـه اول مره اشوف احد يمدح الددسن

وهـ الله يذكر ايام الددسن بالخير << وش عندهاا


صراحه موضوع قيم هذا يعتبر مناشده من مواطن الى الخطوط الجويه السعوديه

عسى احد يرررد لكم خبــر <<< ايه هين يصير خير



الف شكر لك وعز الله بالك طويل

[F A I Z]

صباح الخير

اخي رماد الشوق

يبدو انه مشكلة حجوزات الطيران في تزايد كبير هذا العام

واخص بالذكر الشركه الجديده المعروفه بـ (سما)

من تاجيل الرحلات وعدم الثبات على الموعد ولا حتى على قيمة التذكره

وحسب ماسمعت اذا اجلت رحلتك لايمكنك استرجاع قيمة التذكره ، وماعليك الا ان (تحرج) على التذكره لتجد من يشتريها :)

لااريد الاطاله لان النقاش بمشاكل الخطوط لاتنتهي

وشكراً على الطرح