ضيف ساعه

[الهواااااااااوي]

السلام عليكم
رساله لضيف ساعه والمجال مفتوح للجميع

يا حسين الحال جا بالحال طاوي = والسهر سبة شقا العين الشقيه
والسنين محال وايامك رجاوي = والقلوب صحاح والدعوى نقيه
افتني في عود ما حقق مناوي = بكرته عفرا وله بكره لقيه
ان شكينا ما تفيد به الشكاوي = وان سكتنا لا رعود ولا ابرقيه
وان تداعينا تلاحقنا الدعاوي = والسكوت يضيع به حق البقيه
وانت ياللي تارد العد الرهاوي = ويش علمك بعد زرت اللاذقيه
هو صحيح انك بهالدنيا غناوي = صح والا عيشتك هذي تقيه
خابرك ما انته تدور للفتاوي = والشنينه من زبيب الرازقيه
وأحترس والعلم غطه بالغطاوي = بالكفن والا بوسط المطبقيه
الذهب جاكم ورده كم يساوي = جاتكم والرد نبغاها وقيه

والسلام ختام

عبدالله الدغيش

[ضيف ساعه]

اخوي / الهواوي
صح لسانك .. يالغالي
انتظر الجوااب

والله يسعدك

[ضيف ساعه]

اقتباس   المشاركة الأصلية كتبت بواسطة الهواااااااااوي السلام عليكم رساله لضيف ساعه والمجال مفتوح للجميع يا حسين الحال جا بالحال طاوي = والسهر سبة شقا العين الشقيه والسنين محال وايامك رجاوي = والقلوب صحاح والدعوى نقيه افتني في عود ما حقق مناوي = بكرته عفرا وله بكره لقيه ان شكينا ما تفيد به الشكاوي = وان سكتنا لا رعود ولا ابرقيه وان تداعينا تلاحقنا الدعاوي = والسكوت يضيع به حق البقيه وانت ياللي تارد العد الرهاوي = ويش علمك بعد زرت اللاذقيه هو صحيح انك بهالدنيا غناوي = صح والا عيشتك هذي تقيه خابرك ما انته تدور للفتاوي = والشنينه من زبيب الرازقيه وأحترس والعلم غطه بالغطاوي = بالكفن والا بوسط المطبقيه الذهب جاكم ورده كم يساوي = جاتكم والرد نبغاها وقيه والسلام ختام عبدالله الدغيش

ان لفى الهاجوس بهـّــرت القهاوي ** وزدت أنا لـ البـُــر سمن ٍ بـ الفقيه
والدهور ان كان منّت بـ العطاااوي ** اتجهت لـ خالق السبع الرقيـــــــــه
الجنوب وغربها فقر ورشــــــــاوي ** والشمال يتووق لأرض ٍ مشرقيــه
أنبعت بـ الخير لـ الوسطى عناااوي ** ضمت البترول والضميــــا سقيـــــه
يا قماش العود وقماش الحقـــــاوي ** غير خام النفط .. خام البارقيـــــــه
والبروق اللي تلاوح لـ الخـــــلاوي ** مثل من سـِلب العصا .. والبندقيـه
سـُقت أنا بيت الشـِعر يم ّ الحراوي ** ونمت في بيت الشـَعر والفندقيـــــه
والله ما ساوي جميح ٍ بـ العرااوي ** ولا بــدر واللي بها بـ الخاااانقيــــه
جاك رد القاف يـ الطرب الهوااوي ** ومستعد ٍ كان لـ الوابل بقيــــــــــــه
والختام .. الله يجيرك مـ البـــلاوي ** لا تولعها بـ قاف آوي .. و .. قيــــه

وسلامة الجميع

( ضيف ساعه )

[ضيف ساعه]

مشكور اخوي الهوااوي

لاهنت

[بعيد الارماس]

الهواوي

ضيف ساعه

صحت ألسنتكم مجاراه رائعه وإسناد على شاعر أروع

صدى وصوت كأجمل مايكون الشعر

دام حظوركم ولا عدمناكم

[ضيف ساعه]

اخوي بعيد الارماس
صح بدنك يالغالي .. تسلم لي ع المرور العذب

[$$عطر الكلام$$]

أخي الراقي الهواااوي

صح لسانك على الأبيات العطرة
ودمت على الدعوة الندية
لشاعرنا الراقي ضيف ساعة
والرد البديع على أبياتك العطرة
صحت ألسنتكم جميعا
ودام هذا النسق المترف والأنيق

أرق التحايا

[ضيف ساعه]

اقتباس   المشاركة الأصلية كتبت بواسطة $$عطر الكلام$$ أخي الراقي الهواااوي صح لسانك على الأبيات العطرة ودمت على الدعوة الندية لشاعرنا الراقي ضيف ساعة والرد البديع على أبياتك العطرة صحت ألسنتكم جميعا ودام هذا النسق المترف والأنيق أرق التحايا

هلا اختي عطر الكلام

مشكورة يالغاليه على عبورك العطر

والله يسعدك