رفع رواتب السرلنكيات والأندنوسيات

[نوارة الخليج]

السلام عليكم ورحمة الله وبركاته


تحديد راتب السريلانكية بـ 500 ريال والإندونيسية بـ 750

عبدالله العماري - الرياض

أنهت اللجنة الوطنية للاستقدام اتفاقيات مع اتحاد العمالة النيبالية لتنظيم استقدام العمالة النيبالية إلى المملكة مباشرة خلال شهر وفق عقد الارتباط الموحد الذي ينظم العلاقة بين المكتب السعودي ونظيره النيبالي بدون طرف ثالث.وأوضح رئيس اللجنة الوطنية للاستقدام سعد نهار البداح أن الرواتب الشهرية للعمالة المنزلية النيبالية ستكون في حدود خمسمائة ريال ,مشيرا إلى أن الترتيبات الخاصة بالعمالة النسائية .وبين البداح أنه تم التأكيد على ضرورة أن يكون استقدام العمالة المنزلية مباشرة من نيبال والتأشيرة عن طريق سفارة المملكة في بنجلاديش أو الهند إلى أن يتم افتتاح سفارة المملكة في نيبال.
من جهة ثانية قال البداح : إن سريلانكا وفيتنام طالبتا بزيادة رواتب عاملاتها الى 750 ريالا ابتداء من يوم غد مطلع يناير المقبل , وكانت اندونيسيا والفلبين رفعتا رواتب عمالتها إلى 800 ريال ، واشار إلى أن الخطوات الأحادية الجانب ستكلف شهريا 300 مليون ريال كفروقات على ارتفاعات أجور العاملات المنزليات على اعتبار وجود مليون عاملة منزلية في المملكة

المصـــــــــــدر

تعليق شخصي

اتوقع بعد كم سنه بيصر راتب الشغاله الأندنوسيه 1000 ريال

ليش يعني مانقدر ننظف بيوتنا ونربي اطفالنا ؟؟

صحيح الشغاله دورها كبير في حياة المرأه العامله وايضاً المرأه المريضه التي لا تستطيع القيام بواجباتها المنزيله

ولكن الحق والحق يقال ثلاث ارباع ان لم يكون اكثر يستقدمون الشغاله للمظاهر فقط ونجدهم وقد سلمو تلك الشغاله زمام الأمور والأم لم يعد لها دور في حياة اطفالها

فلهم الحق ان يطمعون بنا ويطالبون برفع رواتبهم


نــ الخــليـج ـوارة

[حقوق الانسان]

والله من فغارتنا يالسعوديين ولا طرارين ويتشرطون ؟؟؟!!!! اول مره اسمع فيها

بحاجه للقمة العيش ويتشرطون بالرواتب ويرفعونها خ9 صراحه امر عجيب خاصة ردت فعل السعوديه

ولا كان منع استقدام العماله من هالبلاد بالمره والله غير تشوفين حكوماتهم تنزل رواتبهم للنصف بس اهم شي يجون يترزقون ولا وش تبي فيهم حكوماتهم عاله عليها من سوى فقر الحكومه

لكن الشرهه مهي عليهم والله الشرهه علينا

لكن ما نقول الا يستاهل البرد من ضيع دفاه احنا السبب فلذالك ناكل هوى

[المجمعه ديرتي]

مشكور على الموضع
وزيدكم بعد اليوم ابشركم ارتفع لبن الصافي
والله يخرجنا

[نزف الابداع]

شعب ميت الله يرحمنا برحمته

والضرب بالميت حرام

شعب فاشل ويستاهل ما يجيه من كذا وأردى

اللي بيزعل من كلامي لا يزعل لأن هذا واقعنا

أخوكم

نزف

[عبير البدره]

والهنود يعني الخدامه الهنديه 1000 ريال بالبحرين وقطر واعتقد بالخليج كله


ههههههههههههههههههههههه


تعرفون ليش اضحك ..


لان شر البله ما يضحك


لما كنت اشتغل بالبحرين كان راتبي 1150 ريال يعني 115 دينار


يعني اعطي الخدامه 1000 ريال ويبقى عندي 150 ريال


الحمد لله نعمه هههههههه



استغفر الله العظيم مثل ما قالت اختي نواره يعني ما نقدر نشتغل بروحنا ابد

لازم نعتمد على الخدامه

خلونا نربي عيالنا عدل وهم بنفسهم بيساعدونا بدل ما نعتمد على الاجانب


لو كل واحد اهتم بنفسه وحاول انه يرتب نفسه شوي صدقوني ما راح نحتاج للخدم

الحياه تعاون ونحتاج فقط لترتيب انفسنا والتعاون مع بعضنا البعض



على فكره


انا اخوي عند خدامتين بس حق تربي عيالهم بالرغم ان بيتهم صغير ما فيه الا 3 غرف وصاله

يعني البيت ما يحتاج الا خدامه وحده بس مثل ما قالو الجماعه فشخره على الفاضي


ويكون بعلم الجميع يوم سافرت الخدامه امرضت بنت اخوي وكله تصيح تبي خدامتها

لانها تنام وتصحى بحضنهااااا وما تبي امهاااا



شفتو كيف وصلو عيالنا اااا



نواره


ادري طولت عليج مشكوره ويعطيج العافيه




عبوووره

[نوارة الخليج]

اقتباس   المشاركة الأصلية كتبت بواسطة حقوق الانسان والله من فغارتنا يالسعوديين ولا طرارين ويتشرطون ؟؟؟!!!! اول مره اسمع فيها بحاجه للقمة العيش ويتشرطون بالرواتب ويرفعونها خ9 صراحه امر عجيب خاصة ردت فعل السعوديه ولا كان منع استقدام العماله من هالبلاد بالمره والله غير تشوفين حكوماتهم تنزل رواتبهم للنصف بس اهم شي يجون يترزقون ولا وش تبي فيهم حكوماتهم عاله عليها من سوى فقر الحكومه لكن الشرهه مهي عليهم والله الشرهه علينا لكن ما نقول الا يستاهل البرد من ضيع دفاه احنا السبب فلذالك ناكل هوى

يعطيك العافيه حقوق الأنسان على هالمداخله

ودمت اخي بحفظ الله

[نوارة الخليج]

اقتباس   المشاركة الأصلية كتبت بواسطة المجمعه ديرتي مشكور على الموضع وزيدكم بعد اليوم ابشركم ارتفع لبن الصافي والله يخرجنا

هلا فيك اخي الكريم

شاكره لك حضورك

ودمت بحفظ الله

[نوارة الخليج]

اقتباس   المشاركة الأصلية كتبت بواسطة نزف الابداع شعب ميت الله يرحمنا برحمته والضرب بالميت حرام شعب فاشل ويستاهل ما يجيه من كذا وأردى اللي بيزعل من كلامي لا يزعل لأن هذا واقعنا أخوكم نزف

والله يا اخي نزف محد يزعل من حقيقته ولو كانت مُره

يعطيك العافيه على المرور

ودمت بخير