الزياده 30% ....حقيقه

[حقوق الانسان]

حياك الله يالبدويه

وهذي المصيبه

تحيتي لك

[نوارة الخليج]

حتى الألبان أرتفعت اسعارها

هذا وبلدنا عنده فائض في الميزانيه

أجل لو كان بلدنا فقير وماعنده نفط

شلون رح يعيش فيه المواطن الضعيف

يعطيك العافيه حقوق الأنسان

ودمت بخير

[محبوب قلبي راح]

مشكور اخوي على موضوعك المتميز واتمنى من الله انة يصل الى المسؤالين لكي يعرفو حجم المعاناة التي نعيشها مع انة ما يخفيهم الشي هذا..............واتمنى مو يصل الى اذانهم بل يصل الا قلوبهم قبل اذانهم لان الاذان وحدها لا تنفع

وصدقت يوم قلت يا ساتر استر

ولا تستغرب اذا زادو في اظلم اذا صار الاخو يظلم اخوانة عشان طمع ادنيا لا تستغرب اذا ظلم مسؤال
ناس مايعنون لة اي شي

الحمدالله على كل حال

[Free Time]

اللي ما فهمته وما دخل براسي
انه الشركة ترفع اللبن عندنا
واللبن اللي تصدره ما يرتفع سعره
رغم انه عليه ضرايب ... الخ
ويتحججو بانه سبب الغلا ارتفاع البترول
ما قول الا حسبي الله ونعم الوكيل
.
.
حقوق الانسان
يعطيك العافية
لاعدمناك

[الناعــس]

الزياده طبيعية

مقارنة بالدول المجاوره لنا

ومقارنه بإرتفاع النفط

لكن اين البديل

واين التعويض

عوووافي حقوق انسان

وعقبال مانسمع منك بشارة زيادة الرواتب انشاء الله

[الملا عمر]

إنتم ليش ما تصدقون إن الملا عمر عنده الحل الحقيقي دائما

مشعابي هو الحل

لو الملك يستعيره ستة شهور ويمردغ الوزراء كلهم ويلعن خيرهم
-ما عدا الأمير سلطان حفظه الله- طبعا استثنيه لأني خايف لا يصير ملك بعدين ويتسعير مشعابي ويهجم علي بحركة مباغتة
وأنا ما عاد فيني حيل للمضاربة
المهم اقول الملك لو يمسك الوزراء ويلعن سنسفيل سنسفيلهم لين يعرفون إنهم ما تعينوا إلا خدم للملا عمر واللي مثله كان لقيتم نتايج طيبة
ولكن للأسف
مادام مافيه عقاب فلا ترجون خير
قلت قبل اليوم في مندى ثاني إن الوزراء ما عندهم إلا الكشخة قدام الملك
والله يستر لا يجي يوم وتلقى الوزراء لابسين بشوت مخصرة وعليها كتابات (اتبعني، اتحداك تلمسني، وهلم جرا وجلم هرا)

في رأيي الشخصي << امحق من راي
لو الوزارة مفتحة وحريصة على المواطنين كانت انتبهت للموضوع هذا من بدري
كان تشوف مثلا مثلا يعني
الرز
كان يكلف التاجر لين يوصل مستودعه 100 ريال فرضا، ويبيعه ب120 ريال، يعني يكسب في الكيس 20 ريال
كان جت الوزارة وحسبت هي بنفسها تكلفة الرز من يوم يصرمونه في الهند لين يوصل مستودع التاجر كم يكلف
نفرض إنه طلع يكلف 140 ريال بعد الزيادة العالمية
كان قالت له تبيعه ب 160 ريال فقط، ربحك زي ماهو 20 ريال وما عليك ضرر ولا خسارة
ولا تزيد عليها قرش واحد
كان قلنا صح
ارتفعت الأسعار عالميا وما معنى بصيرة بندفع
وإذا حبت الحكومة تتفزلك كان دفعت الفرق بين القيمة الجديدة والقديمة للمتسببين للغلا في الخارج علشان تحافظ على تاجرها وعلى مواطنها ولا يطلع فيه فرق على الإثنين في السلع الرئيسية

أما تترك الدرعة ترعى!!!

والله العظيم يكلمنى واحد ويقول
اشترى مكرونة لزانيا من سوبر ماركت الراية في جدة ب 12 ريال
ولقيها في سوبر ماركت المستهلك في جدة ب 7 ريال
يعني زيادة اكثر من 71%
وين الوزارة؟

وفيه نقطة مهمة جدا كان المفروض تنتبه لها الوزارة الفاغرة الآنفة الذكر
إن الأسعار الجديدة تحسب على البضاعة الجديدة فقط

يعني التجار عندهم مخزون من عام 2005 مثلا أو 2006 والزيادة جت في 2007
فاللفرق في الأسعار يحسب على الكميات حقت 2007 فقط
يعني المفروض ما يطلع فرق في الأسعار إلا بعدما ينتهي المخزون حق 2006

لكن اللي يحصل إنه من يوم زادت الأسعار عالميا قام التاجر اللي ما يخاف الله ورفع سعر القديم والجديد
تكلمه قال الأسعار مرتفعة
ولو نزلت الأسعار تلقى التاجر يقول ما أنزل شريته بغالي والمستودع مليان

طيف ليش يوم ارتفعت كان مستودعك فاضي مافيه ولا كيس؟

فخلاصة الكلام إن الوزارات كلها خراطة ما عندهم ما عند جدتي
والمفروض تندمج في وزارة واحد ويسمونها وزارة الكشخة والمفطحات والتصريحات

عساهم العمى كلهم إلا الأمير سلطان

[عبير البدره]

نهيبه في نهيبه

وين حقوق الانسان كله كلام وخرابيط



سلمت يداك الملا عمر كلامك عجبني



طلعت مو هين سياسي

[الملا عمر]

ههههههههههههه
الله يسلمك أم عنبر

ايه طبعا سياسي خطير كان الملك يبغاني مستشار له بس رفضت قلت اتفرغ للخليج وحياتي الزوجية

الله يستر لا يرجع مشعابي في ظهري ويصير مثل دارج