أجمــــــــل القصايد في الحكمـــــه

[المستشار2008]

هـــــــذهـ قصيـــــــــــــــــــــدهـ رااااااائعهـ جــــــدآ وحبيت أنقلها لكم في الحكمــــــــــهـ


يالله وانا طالبك تغفـر لـي ذنوبـي ياغفـور
ارجيك والجالك وانا أسالـك واعيـد المسألـه
لوما تطهرنـي بعفـوك ماتطهرنـي البحـور
جيتـك وذنبـي قـد تعـلاّ غاربـي يامثقلـه
أنا من الطين انخلقت أخطي ولانيـب معـذور
قامت علي الحجـه بدعـوة رسلـك المرسلـه
مؤمن بتوراتـك وإنجيلـك ومؤمـن بالزبـور
وبسنـة محمـد وآيـات الكـتـاب المنـزلـه
لكن خدعت بزخرف الدنيا وزادتنـي غـرور
أبدت مفاتنهـا وورّتنـي مـن العمـر أجملـه
طبعاً بما إني بني ادم حصـل منـي قصـور
وذنبت يامـولاي ذنـب بالخفـا مـا تجهلـه
أسألك تغفر لي وتستر موقفـي يـوم النشـور
الياوقفـت خلقـك صحايفهاوهـي مستذهـلـه
من يستلمها بالشمال افلس وهـو يدعـو ثبـور
ومن يستلمهـا باليميـن افلـح لخيـر المنزلـه
واسألك ياربي تعاونّـي علـى نيـل الأجـور
أحيا حياةٍ مكسبـي فيهـا مـن البـر أفضلـه
واسألك جاهٍ مع هـل الدنيـا وحـظٍ مايبـور
أيضا وعرفٍ مع هـل الحكمـه ورزقٍ تكفلـه
من لاتهيّا لـه مقـام مـع طويليـن الشبـور
يبكي على ماضاع من عمره وخيبـات عملـه
وان شاب راسه لاترجّي فيه تجبيـر الكسـور
لا خير فـي تالـي زمـانٍ ماتغانمـت أولـه
ومانيب ناسي قصةٍ صارت وانا ازور القبـور
لازلت افكـر فـي غرابتهـا وبالـي تشغلـه
ساعةٍ ظهر لي شايب له حول قرنين محجـور
في جوف قبر عن هل الدنيـا طـواه ويعزلـه
سّلم وجا صوبي يقول: ابنشـدك يلّـي تـزور
عن حالة الدنيا وعن وضع الزمان وعـن هلـه
أنا مضى وقتي ومرّت بي طويـلات الدهـور
والباقـي بعمـري بعيشـه بينكـم واستكملـه
قلت : الزمان الّلي يبارينا على خبـرك يـدور
الوقـت نفسـه ماتغيّـر ماشـي فـي جدولـه
أماالبشر،،،لا والله الاّغير مـن حـد الجـذور
صار انتقال مـن يميـن الـى يسـار المنقلـه
استغرب الشايب من اللي قلته وبليّـا الشعـور
حط اليمين اعلى الشمال وخاطره فيـه اسئلـه
قال: افتني عن حالة الشيبان والشيـخ الوقـور
أهل الخبر والراي والحكمه وضـرب الامثلـه
القدوه أصحاب الأمور اللي تطاع بكـل شـور
اللـي يفضّـون النـزاع ويحكمـون المشكلـه
قلت: البعض منهم على ماقلت في وصفك وقور
قـدوه لكـن رايهـم ماينفـرض فـي مسألـه
الطاعـة العميـا بقـا مجامـلـة الحـضـور
اللـي تلاقيهـا مـع أول فرصـةٍ متنصّـلـه
والبعض لاعبـدٍ يخـاف الله ولاعبـدٍ شكـور
لازهّـده شيبـه مـن الدنيـا ولاهـو جمّلـه
بهيمةٍ يرجع علـى منحـاه الاول ومحصـور
في لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجور
ينقل جـوازه للسفـر مـن مزبلـه لامزبلـه
اشيمطٍ زاني قضـا عمـره بحانـات الخمـور
والعايلـه ورع يغـرّرّ بـه وبنـت مهمّـلـه
قال:افتني عن حالة الخفـرات ربـات الخـدور
اللـي تصـان بيـت عايلهـا وبابـه تقفـلـه
شيهانةٍ تشمخ عفاف وتصقل فـروخ الصقـور
بين الفريق ببشتهـا الضافـي وثـوبٍ تسبلـه
قلت:العذارى فـي زمنّـا ببغـاوات الطيـور
تقليد هرج وعرض ريـشٍ خلفهـا تستخملـه
تلبس عباةٍ ضيّقت حول الردايـف والخصـور
فضيحةٍ تكشف جسدهـا مـن علـوّه لأسفلـه
وموضة شيالٍ تكشف الوجنات والوان الشعـور
والمحـرم تبـدّل بجـوال بيـدهـا تحمـلـه
لافوّحت صفرالدلال ولاعرفت غـش القـدور
تطبـخ لهـا خـدامـةٍ بالعايـلـه متوكـلـه
الأم ماصانت عفاف البنت من عمـر الزهـور
ولأب ديـوث تحكمـه حـرمـةٍ مسترجـلـه
وشلون يتربّـى عيـال أم التبـرّج والسفـور
الخنـازيـر دمـاهـا بــاردة ومغـفّّـلـه
قال:افتني بحال الشباب الصلب صيّاد النمـور
الفارس اللـي ينطـح خصومـه بزنـدٍِ يفتلـه
الوافي الشهم الغيور اللي لعرض الجـار سـور
البار عند أمـه وأبـوه وعلـم ربعـه يشغلـه
قلت:الشباب بوقتنا وجهه مثـل بـدر البـدور
والجسم من زود الرخا ماتنفتـل فيـه عضلـه
قصّـة شعـور صيّرتهـم لاإنـاث ولاذكـور
والثـوب راح ولابقـى الاّعـالـم متبنّطـلـه
نـاس فلنتيـو ونـاس تلبـس كرستانـديـور
صارالتنافـس بينهـم فـي لبسهـم والجنتلـه
من كان يشرب من قرار البير مشروبه بيـور
والبل راعيهـا غـدا يشـرب حليـب نستلـه
مامنهم اللي قام دون اعراض جيرانـه غيـور
من قام قالو ،،،،وشملقف حضرته ؟وش دخلـه
والوالدين حقوقهم ضاعت وعنهـم فـي نفـور
إن غـاب عنهـم لاتذكرهـم ولاجـاه الولـه
بدّا عليهم شلّةٍ تهـوى الوطـا بيـن الحجـور
لوتعزله عنهـم تبـي لـه شـان كنّـك تقتلـه
ماراح يوم يشارك ربوعه بحـزن ولاسـرور
حتّى ابن عمّه يعرفه بالوجـه واسمـه يجهلـه
بدّل حكاه وضيّع سلومـه وحالـه فـي دبـور
وان شاف ضيف يخش حتّى انّه يفارق منزلـه
ناظرلي الشايب بعينٍ تجمـع السبـع البحـور
يقول :انا لايمكن ادخـل مجتمعكـم واستحملـه


تحياتي لــــكــــــــــــــــــــــــــــــــم,,,