الله يعدي وقتنا ذا على خير

[ضيف ساعه]

السلام عليكم .....
حبايب قلبي .. أهديكم ابيات من نظمي و .. معناها فيها
.
.
على شروق الشمس كم غـــــــرد الطــــــــير
وكم هاجس(ن) في جوف راعيــه مـــــا راح
لابوووووك وقت(ن) ما عرفنا بك الخــــــــير
لا دام بك أُنــس(ن) ..... ولا دامت أفــــــراح
وقــت(ن) قديمك والجدايد علـــي غـــــــــــير
ما بك سوى الغربال وهموم وجـــــــــــــراح
يكفي بكى منك الرجــــــــــال المناعـــــــــــير
بظهورهم ترمي من الغــــــــدر برمـــــــــاح
لاقـــــــــوا بدنياهم صعـــــــــاب المقـــــــادير
يـــوم الردي .. والنذل .. واللاش مرتــــــاح
همــــــــوم قلبي مقبــــــــلات ومدابــــــــــــير
ولا لـــي على باب اقشر الحظ مفتــــــــــــاح
واللـــــــــــي ملكته كـــــل ضيقه وتفكـــــــــير
واليوم فــــــــاض القلب باحزاني وســـــــاح
من اول(ن) دمعي شفــــــع لي وانا صغـــــير
والحين دمـــــــــع العين للرجل فضـــــــــــاح
بعـــض الصداقه تدمــــر النفس تدمـــــــــــير
وبعـــض المعَـــرفه مثلهـــــــا نتــــــق لرواح
اصحابنــــا مثــــل الجمووووع المغافـــــــــير
شيكات .. لكن .. لا رصيد(ن) .. ولا اربـــــــاح
يا مـــا بحاجتــــــــهم ضربنـــا المشـــــــــاوير
ويا مــــا سهرنا الليل لا نــــــــور لَصبــــــــاح
نبغــــى الوفا واثر الوفـــــــــا قاعة البـــــــــير
مثل العســـــــل لا صــــــــار بيدين لشبـــــــــاح
وضحكت !!! يوم ان شفت ناسي مكاشـــــــــير
وكتمت مـــــابي خوفة السر يمبــــــــــــــــــــاح
والله يعــــــدي وقتـــــــــنا ذا على خـــــــــــــير
دام الجمل يقوى على الحمل ما طــــــــــــــــاح
وسلامتكم جميع

اخوكم / العمــــر

[البرضاوي]

صح لسانك قصيده جميله جدا وجهد تشكر عليه
تحياتي

[نـــــــو ا ل]

صح لسانك ياشاعرنا/ ضيف الساعة

روعه القصيدة والأروع انها منك

تسلم ماتقصر

وننتظر ماهو جديد

[دافـ الدمعه ـىء]

الله الله


جزله من راس جزالْ


صح اللسانك يا العمرْ

[ضيف ساعه]

اقتباس   المشاركة الأصلية كتبت بواسطة البرضاوي صح لسانك قصيده جميله جدا وجهد تشكر عليه تحياتي

أخوي / البرضاوي

صح بدنك ومشكور يالغالي على عذب المرور

الله يوفقك

[ضيف ساعه]

اقتباس   المشاركة الأصلية كتبت بواسطة نـــــــو ا ل صح لسانك ياشاعرنا/ ضيف الساعة روعه القصيدة والأروع انها منك تسلم ماتقصر وننتظر ماهو جديد

أختي / نواال

صح بدنك يالغاليه

ومشكوورة والله على عبورك العطر

تحيااتي لك والله يحفظك

[ضيف ساعه]

اقتباس   المشاركة الأصلية كتبت بواسطة دافـ الدمعه ـىء الله الله جزله من راس جزالْ صح اللسانك يا العمرْ

أخوي / دافيء الدمعه

صح بدنك يالغالي

ومشكور فديتك على مرورك الشامخ

وردك الجزل

تحياتي لك والله يسعدك

[بعيد الارماس]

بعـــض الصداقه تدمــــر النفس تدمـــــــــــير
وبعـــض المعَـــرفه مثلهـــــــا نتــــــق لرواح

زمن أغبر وانا أخوك الله يكفينا شره :)

شاعرنا المتألق ضيف ساعه

في كل حظور أروع والجزاله عنوانك

صح لسانك ولا عدمناك يالغالي

لك التقدير والتحيه

إحترااامي