سمي القنااديل

[البنفسجي]

]قصيده من قصائد ي أحيانا نكتب الشعر لكن بهذه القصيدة اشعر بأنه يكتبني لكن هل بالإمكان إن
أتخلص من الأسلوب التراجيدي او النهج الذي سار عليه كل شعراء العرب بل اعتراني . لكون اسواء ما
في الأدب العربي منذ فجر التاريخ هو الوقوف على الأطلال والبكاء او التباكي او البقاء في ارض
المعركة التي خسرناها نلملم اشلاء موتانا و حذوات خيلنا المذبوحة

أنا هنـا يامقضـي الليـل تعليـل= ياللي تنوش الورد مادري ينوشـك

والليل موحش حسبي الله على الليل=اللي سواده مثـل صفـة رموشـك

اشتقت لك وين أنت خذني مابي حيل=صبري نفــذ والحـظ عيـا يحوشـك

تعال شفنـي بعـد ذيـك التماهيـل=متى؟ متى؟ مليت طيشــــك وطشـوك

وش بـك تغـلا ياسمـي القناديـل=والقلب بيتك وأخضر الصدر حوشـــك

يعني كـذا تمٍيـل الغصـن وتميـل=وش ذنب تاجك فوق عالي عروشك

وين الغـرام اللـي نقشتـه بتدليـل=وبقى على قلـب المولـع نقوشـك

موحش عنادك بس مملوح بالحيـل=ياحلـو تدليلـك ويازيـن هوشـك

ليلك فـرح ويزيـن فيـه التعاليـل=وإن هب ذعذاع الهبايـب ينوشـك

[البرضاوي]

صح لسانك قصيده جميله ورائعه وجهد تشكر عليه
تحياتي

[البنفسجي]

البرضااوي اشكر مرورك

لاهنت اخوي

[ـالهنوفـ]

وش بـك تغـلا ياسمـي القناديـل=والقلب بيتك وأخضر الصدر حوشـــك

يعني كـذا تمٍيـل الغصـن وتميـل=وش ذنب تاجك فوق عالي عروشك


..


قصيدة رائعة ..

سمي القناديل .. اسم جميل يملؤه الضياء والفرح ..


صح لسانك ايها البنفسجي .. وطاب بك القصيد ..


لا عيب في البكاء على الاطلال .. فـ البكاء أفضل من الكتمان والمكابرة ..


دمت برضا ..,,