يا ليتني طيرٍ طليق المسابيق(مرثيـه)

[بعيد الارماس]

من أول ٍ ماشوف في الناس تفريق

...............................واليوم -لا ْ- ما أغترفي ضحكة الناب

بوسعود اللي فزعته حزت الضيق

..............................و إلا بساعات الرخاء كلن له أصحاب

ياناس نومي بس غفوات وافيق

...................................يومن بعض الناس له مرقده طاب

من وحشة الفرقى ولح المطاريق

......................................كنه يحاربني عن النوم محراب

همن هوى بين الضلوع المعاليق

................................بعض الهموم الجارحه مالها أطباب

آخذ شويـه وأنـزل الرجـم واويـق

...............................أطرح حساب ٍ وانتهي واجمع احساب

من بعد ماهو غاب أعز المخاليق

..........................................أحس كـل اللـي حـوالي اغيـاب

الدمع مني غـرٌق الخـد تغريـق

...................................وإن قلت أبنسى صورته صرت كذاب

يا ليتني طير ٍ طليق المسابـيـق

......................................وازور قبره والشفق ما بعد غاب

شيخ ٍ علوم الطيب تزهاه وتليـق

......................................يشهد على ما قول ربعه والأجناب

بعـده علـوم الطيـب ظـني مغالـيـق

.........................................وياظـنـتـ ي للطيـب ما ينـفتح بـاب

جاته علوم الطيب تمشي على سيق

.....................................تمشي رضا وإلا بـعـد خضـع أرقـآب

فـي دنـيـتـه حايـز عـلى كـل توفـيـق

.......................................وفـي الآخــره لله داعـــي وطـــلاب

جعـله يحـقـق جنة الخـلـد تحقـيـق

.......................................ويـغـفـر ذنـوبـه طالبـه ربٌ الأربـاب


بعيد الارماس

[مشاعل البندري]

همن هوى بين الضلوع المعاليق

................................بعض الهموم الجارحه مالها أطباب

صح لسانك بعيد الأماس

قصيدة رائعه وواقعية

[صبا نجد]

الله يغفر له وأسأل الله أن يكون من أهل الجنة

والله يعطيك العافية على القصيدة


اللي تفوح منها رائحة الطيب


وما هي غريبة على أهل الطيب



صح لسانك



والله اني افرح لما اشوف لك قصيدة جديدة

[نهار]

صح الله لسانك شاعرنا المميز / بعيد الارماس

لاهنت طال عمرك والله يرحمه ويغفر له ان شاء الله

[عازف الناي]

صح لسسانك


الله يرحمه يارب

[بعيد الارماس]

مشاعل البندري

صح بدنك شكرا لطيب حظورك

لك التقدير والتحيه

إحترااامي

[بعيد الارماس]

صبا نجد

صح بدنك ولا عليك زود

شكرا لطيب الحضور وماترجمه إحساسك من شعور جميل

ليس مستغرب من شخصكم الكريم

لك التقدير والتحيه

إحترااامي

[بعيد الارماس]

الغالي نهار

صح بدنك

وجود اسمك في مشاركتي

هو صدر إطمئنان لي بأن القصيده ارتقت للمستوى المطلوب

لاهنت طال عمرك على هذا الشعور الطيب

لك التقدير والتحيه

إحترااامي