[[ في قلوبناღ يابو مبارك]]

[نـــــــو ا ل]

السلام عليكم ورحمة الله وبركاته

اليوم يصادف وفاة سمو الأميرالشيخ جابر الأحمد الصباح (( أمير القلوب )) وصاحب القلب الكبير واوبو الجميع
اوبونا باباجابر بكل اسى وحزن نستقبل الذكرى الثانية لوفاته وندعي رب العالمين له بالمغفرة وان يسكنه فسيح جناته جنات النعيم

وبهاذه الذكرى التي توجد في قلب كل كويتي يحب بابا جابر (جابر الخير )واكيد لم ولن ينساه ويبقى دائما في قلوبنا وارواحناولنن ننساه أبدا أبدا


لذكرى والدنا الراحل صممت بطاقة من لحظات قليلة إهداء لروحه الغالية علينا








الى جنات الخلد يا بو مبارك رحمك الله



تحية تقدير / بنت الكويت نـــــوا ل

[مشاعل البندري]

الخَبَرْ جَاني: وأنا في النُوم خَالِدْ ما صَحيتْ
أسْمَعْ أصواتْ الشوارعْ تَبْكِي يُومْ اللـه خذاه
[ جَابِرْ الأحْمَدْ ] توفَّى ليتني قَبْلَه ياليتْ
الحَياه / مِنْ غير جَابِرْ مالَهَا داعي الحياه !!
ما أبي (أبكي) ولكن .. دُونْ ما أشعر (بكيت) !!
مِنْ غلاة إنسان .. ربِّي زارعٍ فيني غلاه
كيف ما أبْكي عليه !؟ وصورتَه في كِلْ بيتْ
دامْ حتَّى الأرْضَ تبكي مِنْ كِثِرْ طيبه وعَطاه
يا وفاه إنْ جيتْ أسولف عنْ حياته ؟ و إنتهيتْ !!
ما أكفِّي ربع طيبه .. وما أجي نقطه بوفاه
[جابر] اللي حتَّى بَحْرهـ قال: مِنْ خيره إرتويتْ
كافل الأيتام منهو .. سوَّى بالعَالَمْ سواه ؟
/
\
ودِّي أتْكَلَّمْ معاكْ وغِير سَمْعِكْ ما بغيتْ
والخبر اللي سِمَعْتَه إطلعتْ روحي وراه
إسْمَعْ اللي صار فيني :
بعد موتكْ.. ما حييتْ !!
ومقْدَرَتْ رجْلي الوقوفْ
وما نِفَعْ طِبْ وعصاه !!
بعد موتكْ .. كيف حالي ؟
تصدِّق إنِّي ما دريتْ
عايشْ وميِّتْ .. وقلبي إمتلى ضيقه وآآهـ
كِلْ هالعَالَمْ دعا لكْ ما هو بَسْ آنا دعيتْ
وكِلْ كويتي بَعَدْ موتكْ : إخْتَلَطْ صبْحَه بمساهـ !!
/
\

مِنْ توفَّى [ الشِيخْ جَابِرْ ] مَاتْ كِلْ شَعبْ الكويتْ
لأنه هو [ نَبضْ البِلادْ ] وكِلِّنا .. مِتْنا معاهــ !!



:

يااطيب قلب انا وشلون أطول القلب وأكتب لك
قصيدة من حزن تشعل حنين الأرض مـن شانـك

عجزت اسهر على المعنى احاول بـس اعبرلـك
عن شعوري وعن احساس الحزن في عين خلانـك

لو ان هذي النجوم قلوب صعدت بعيني واقطفلك
سناها واشعـل الدنيـا قلـوب بليـل فقدانـك

ياشيخ الارض وشلون الشعر من قلبي يوصلـك
وانت الشعـر والمعنـى وكـل الحـب بأوزانـك

وشعري لو ظلم عمري انا ارضى بس من عدلك
لأنك من عدل بين القلـوب بوسـط وجدانـك

:

اقول الحب هذا الحب لو هو انسان يشبـه لـك
وانا اصلا من عرفت الحب شفته بهيئـة أنسانـك

وأقول العز والمجد القديـم يضيـع مـن أجلـك
نعم مدام هـم عاشـو سنيـن اطـوال بأعيانـك

انا ما اقول من ترحل بكانـا بـس يدمـع لـك
أقول الله يعين عيـون تشـوف أجـدار دسمانـك

هو اكثر من حضن قلبك بهالدنيـا ويشهدلـك
بأن ياما زرعت الحـب والرحمـه مـن احسانـك

اذا ترحل تشوف أصوات كل النـاس تندهلـك
لأن قلوبهم تنـزل معـك فـي داخـل اجفانـك

:

ذخرت الحب ياجابر واشوف النـاس تذخرلـك
بكا مرفوع من صوت الدعاء يصعد على شانـك

تفارق فينا مو/ عنا وهـذا الشعـب يذكرلـك
بأنك واحد وتجمـع قلـوب الشعـب بأكفانـك

نعم حنا الفروع اللي تقـول ونجتمـع بأصلـك
رويت الارض وهم حنا ارتوينا بطيـب شريانـك

ياشيخ الارض مدام ان الشموخ يكون من فعلك
وهذا العز من تحت الاراضـي يكـون عنوانـك

لابد أنكون فوق الارض نمشي كلنـا بشكلـك
على نفس الشموخ ونفس طيب افعـال جدانـك



الشاعر .. [ سالم سيَّار ] ..


غاليتي نوال

رحم الله أمير القلوب وأسكنه فسيح جناته

الشيخ جابر الأحمد الصباح وتغمده بواسع أبواب رحمته

ويعلم الله أنه كسب محبة كل القلوب بطيبه و خيره

واليوم تابعت قناة الكويت والراي وجميع ماقدموه لأجله

ما أجمل وفاء الشعب لرؤسائهم

تصميم رائع حبيبتي و تذكار قيّم منكِ

سلمت يداك

[LATIFA]

ياحبيله والله

الله يرحمه ,,

[صبا نجد]

رحمك الله يا جابر الخير


جزاك الله خير يا نوال على هالتصميم

وفعلا جابر في قلوبنا

الله يرحمه ويسكنه فسيح جناته

[نـــــــو ا ل]

شعولة
تسلمين ع المشاركة الغالية يالغالية
الله يخليج حبيبتي
ماقصرتي يالغلا
الف شكر ع المرور الراقي

[دافـ الدمعه ـىء]

رحمٌهُ الله


سلمتِ ايتها الفاتنه ....


عبقي

[نـــــــو ا ل]

اقتباس   المشاركة الأصلية كتبت بواسطة LATIFA ياحبيله والله الله يرحمه ,,

مافي حد مايحب بابا جابر والكويت
آمين يارب وشكرا ع المرور

[نـــــــو ا ل]

ياهلا صبا
تسلمين كلج ذوق
والله يرحمه يارب
ومشكوره ع التعديل ... ولاني عفوية