أســــــــف أنـــــــــــــــا

[النــــمـــر]

اسف انا في جيتي لك تسرعت
ظنيت ألاقي فيك شي فقدته

كنت أحسبك مجروح مثلي تولعت
جربت فرقى شخص قلبك وهبته

كنت أحسبك من مر جرحك تجرعت
حبيت فيك احساس طفل لمحته

لو قلت آآآآه بوسط روحي توجعت
ولو شفت دمعاتك شعوري سكبته

ولو تطلب عيوني أبد ماتمنعت
وأعطيك قلبي لو بعد ماطلبته

وصلت بك أعلى مكان وتربعت
وفي قلب غيري يالغضي ماوصلته

واصبر على صدك واشوفك تدلعت
واعطيـــك ود وما أظنــك حسبته

اذهلتني باطباعك اللي تطبعت
حتى قصيدي فيك أبد مافهمته

لو كان غايتك حروفي فأنا بعت
وافرح بجرح المشاعر اللي جرحته

وارجوك من صدك تراني تشبعت
خلك مع اللي عاجبك أو عجبته

يكفي قهر في جيتي لك تواضعت
تركت غيرك لجل عينك وبعته

ياليتني عن حب مثلك ترفعت
ياليت قلبي قبل أعرفك دفنته

لكن ببعد دامني بك توهقت
الله يرحم حبنا اللي ذبحته

أنا شريت الود والحين أنا بعت
وأنا عطيتك قلبي اللي قهرته

في يوم جيتك اطلبك ود واقنعت
نفسي بأنك شخص عادي عرفته

كمل حياتك مثل ماأنا توقعت
تبقى أسير الماضي اللي فرضته

ولا يحزنك إني انسان وتراجعت
حولك بدالي ألف شخص عجبته

أما أنا لايمكن أخضع ولا طعت
يحرم علي أعطيك قلب خذلته

بريحك من شوفتي يوم قاطعت
أسلوبك اللي به تجامل كرهته

غلطان يالمقفي أنا ماتتبعت
غيري يتابع خطوتي ماتبعته

ماينحني راسي لو اني تقطعت
وماهو بنا من لارميته لقطته

وان كان غرك حكي عذالي وطعت
الله يعلم كيف قلبي سكنته

اللي ملا قلبك علي وتسمعت
خله يعوض شخص مثلي خسرته

أنــا بما فيـــه الكـفايــه تــــولعت
واللي بقى من قلب فيني حرقته

وإن شفتني صدفه بعينك تطلعت
ذكرتني يانسان غالي فقدته

بأول لقى سلمته احساسي وضعت
غلطة حياتي يوم قلبي سلبته

واستسمحك في البعد كاني تراجعت
ماعاد بلقى فيك شي فقدته

طبعك مثل غيرك وطبعي كما كنت
أحب شخص ولا تركته تركته

[جـــــــود]

[النــــمـــر]

جوووووووووود
الله يعافيك
كل الشكر لك على الحضور
تحياتي

[sword]

صح لسانك
لا عدمناك

[النــــمـــر]

صح بدنك
كل الشكر لك على الحضور
تحياتي

[هــاجــس الــذكــرى]

ابـــــــدعت يااا النمر كل الشكر

اخوووووك هاااااجس

[النــــمـــر]

يا هلا وغلا
كل الشكر على الحضور
وهذي لك
لو قلت آآآآه بوسط روحي توجعت
ولو شفت دمعاتك شعوري سكبته
على الحضور
تحياتي لك يالغالي

[جــــــــــرح]

طبعك مثل غيرك وطبعي كما كنت
أحب شخص ولا تركته تركته

صح لسانــك يالنمــر قصيده تحكي عن نفسها ويكفي هذا الجمال والابداع منك
وكيد مو كافي علينا قصيده الا نبي قصايد يزخرفها اسمك في هذا المنتدى الي جمعنا فيك ...
اسف على اطالتي وتمنا لك التوفيــق
اخوك الصغير
جــرح