تعلمتي على الايميل وعندج عالمسنجر

[رسمت الحب]

قصيده الايميل من اروع القصائد للشاعر ساقي الشوق
يتحدث فيه عن الخيانه على الأنترنيت والله يحفظ بناتنا آآآمين
--------------------------------------------------------------------------------
تعلمتي على الإيميل و عندك عالمسنجر ناس
حلفتي لي صديقاتك... و ياما كذّب الحالف
صدفه ساقها ربي و بلا قصد ٍ عرفت الـ الباسPass
فتحته و شفت كم صوره معاهم كم رقم هاتف
انا وش ذنبي يوم اني عطيتك صادق الإحساس؟
لعبتي فيه و ما صنتيه بكذب احساسك الزايف
ترى عرق اللذي مثلك و لو طال الزمن دساس
و اذا فيك الغدر مذهب .. ترى مسموحه ما يخالف
عرفته مذهب امثالك و كل شي راجع ٍ للساس
و انا ما عاد يعنيني .. غرامك صار شي سالف
طفح قدرك من الزحمه .. طلع ما فيه بلا ملاس
فضح امرك غباء و طيش و قلبي صار بك عارف
فضيحه ذوقك الواطي .. محتفظه بصور ( نسناس ) ؟!
عمى يعميك يا فلانه .. على الصوره تراه صارف
قعد يومين يتكشخ و على كرسي المصور خاس
رتوش و رسم لعيونه و خشم لوجهه مخالف
و صورة ذاك المعضّل مصور لك بدون لباس
صحيح اللي اختشوا ماتوا.. فقدته ذوقك التالف
قوية عين ما تخيلين و لا تحشمين عالي الراس
قليلة اصل من يومك.. انا الغلطان انا عارف
لكن والله ما ارجع .. قدرك تحت رجلي انداس
بعد ما خنتي الباقي و بدلتيه بالذالف
عيشي اليوم ندمانه و ذوقي الهم و الوسواس
و انا غيرك بيوفي لي و يضمّد جرحي النازف
بكمل لك بعد ساعه .. متأخر و عندي كلاسClass
اذا في وقت تنتظرين .. على الإيميل بنتشاوف
و اذا مشغوله لكي عذرك.. عندكي دوري عندك كاس
مثل جدر الهريس اصبحتي .. كل من يغرف و طايف
رخيصه و بيزه ما تسوين .. و حبك قمة الإفلاس
و من مثلي رفيع الشان حرام وياك يتوالف
لعبتي من ورا قلبي .. و فضح لعبك شديد الباس
و اذا غمضت انا في يوم .. ترى رب الملا شايف
ملاحظه/ تم تعديل بعض الحروف مثال
( مثلج...... هذي على حسب نطق اهل البلد كما قال الشاعر

عدلتها الى مثلك وغيرها التي تنتهي بكلمات اخرها ( ك ) لكي يتسنا للاخرين فهمها نتمنا للجميع وقت جميل انشالله

[ـالهنوفـ]

قصيدة جميلة .. تحمل في ابياتها الكثير من المعاني واللوم .. والشموخ .. والترفع

مثل جدر الهريس اصبحتي .. كل من يغرف و طايف
رخيصه و بيزه ما تسوين .. و حبك قمة الإفلاس

تشبيه رائع ..

صح لسان شاعرها ..

ويعطيك الف عافيه اخوي .. رسمت الحب


,’


ورودي... ,,

[رسمت الحب]

الهنوف

شكرالك على كرم تشريفك