بلاد العـــز السعـــــوديــــــه

[البرضاوي]

بسم الله الرحمن الرحيم


هذي قصيده للشاعر السعودي رياض بن عبدالكريم في حب بلاده السعوديه .. نقلتها لكم واتمنى انها تعجبكم ..


يثور الشعْر في قلب الشعور ومن وراه تثور
شرايين الغلا بأصدق مشاعر شلتها فيها
غرام بْلاد من صغري نما فيني وانا معذور
أحب ترابها واعشق بحَرها معْ شواطيها
على جـِيد الشموخ اسمٍ لها فوق السحاب يدور
سطع بين البلاد بعز حاضرها وما ضيها
بلاد العز في وجه الأراضي خيرها منثور
بكرَمها غنّت الدنيا وهي غنّت لياليها
تصبّ الحُب بقلوب البلاد وطيبها مذكور
تمد جْسورها تصافح كفوف اللي يناديها
عظيمه في عيون الناس ممساها شذى وزهور
وأشوف الكون بحْدوده يفوح بجُود اياديها
لها بين الأمم قدْر ولها وسْط الصدور حضور
كثير احبابها والله مـن الحسّاد يحميها
بلاد السيف يا دُرّه سياستها على دستور
من القرآن والسنه ومن فحوى مباديها
تصون الدِّين ما ترضى يكون بأرضها محظور
أصيله وشانها عالي أموت بطهْر اراضيها
فخَرها بالعلـَم سيف وحروف يفيض منها النور
وفخَرنا بالحياه نصدّ عنْهـا كيد اعاديها
ملكها فارس التاريخ ابوها الحاكم المشهور
زعيم الشعب ابو متعب حبيب قلوب اهاليها
ربَيت بحضنها شامخ شموخ جبالها والسور
قسم بالله لو تطلب حياتي قلت انا افديها
بكون اقرب لها منِّي واعيش بقلبها مسرور
لأن الروح ما تهنى سوى بنسمة روابيها
هي الأصل وهي الفصل وغلاها بالصدَر محفور
عَشَقت جبالها الشُمّ وعشقت وْرُود كاديها
غياب ايام هُو عنْها ترى حسْبة غياب شهور
أجي ملهـوف من شوقي لها ماني بناسيها
واقول الشوق يا بلادي غدى وسْط العروق يفور
وجيتك بالغلا شايل مشاعر قمت أغنِّيها
صباحك مسْك يا بلادي وليلك بالفرَح ممطور
مسائك مسْك يا دوله أموت بْكلّ ما فيها

وسلامتكم

[مشـاري]

كثير احبابها والله مـن الحسّاد يحميها
بلاد السيف يا دُرّه سياستها على دستور
من القرآن والسنه ومن فحوى مباديها
تصون الدِّين ما ترضى يكون بأرضها محظور

تستاهل السعودية وشعب السعودية وحكومتة الرشيدة

هل القصيدة الجزله من الشاعر رياض بن عبدالكريم

صح السان شاعرها ولا هان ناقلها


مشـــــــاري

[البرضاوي]

اقتباس   المشاركة الأصلية كتبت بواسطة مشـاري كثير احبابها والله مـن الحسّاد يحميها بلاد السيف يا دُرّه سياستها على دستور من القرآن والسنه ومن فحوى مباديها تصون الدِّين ما ترضى يكون بأرضها محظور تستاهل السعودية وشعب السعودية وحكومتة الرشيدة هل القصيدة الجزله من الشاعر رياض بن عبدالكريم صح السان شاعرها ولا هان ناقلها مشـــــــاري

لاهنت اخوي مشاري واسعدني مرورك الكريم
تحياتي

[سعووودية ذ وووق]

تسلم يمناك..
فديت السعودية وشعارها وأهلها ولايهنون شعب الخليج((وخلـــــــــــيــجنا..واحـــــــــــــــــ ــــــــد))
__تقبل مروووري__
أختكم((سعـــــــــــــــــــــــــــوديه ذووووووق))

[البرضاوي]

اقتباس   المشاركة الأصلية كتبت بواسطة سعووودية ذ وووق تسلم يمناك.. فديت السعودية وشعارها وأهلها ولايهنون شعب الخليج((وخلـــــــــــيــجنا..واحـــــــــــــــــ ــــــــد)) __تقبل مروووري__ أختكم((سعـــــــــــــــــــــــــــوديه ذووووووق))

اهلا وسهلا بك اختي العزيزه سعيد جدا بمرورك الجميل والمميز
تحياتي

[ورد_شاه]

[نوارة الخليج]

بلاد السيف يا دُرّه سياستها على دستور
من القرآن والسنه ومن فحوى مباديها
تصون الدِّين ما ترضى يكون بأرضها محظور
أصيله وشانها عالي أموت بطهْر اراضيها

والنعم بالسعوديه وملكها وشعبها

قصيدة رائعه بالفعل

صح لسان شاعرها

وسلم بنان ناقلها