!! رسالة مني لخادم الحرمين (ملطخه بالدموع) !!

[رهين الدموع]

السلام عليكم ورحمة الله وبركاته
حينما تختلط حرية القلم والإصداح بالطرفة والنكتة
حينما تقدم رسالتك بأسلوب ساخر ، ربما قد يصل صوتك!
وصلني هذا المقال أو (الرسالة) بمعنى أصحّ عبر إيميلي
قرأتها مرارًا وتكرارًا وترددت في نقلها هنا ، ربما قد تمسّ الشخصية بسوء
(لكن) نقلي لها هنا هو لأخذ آرائكم حولها ، حول ما كتب الأخ (رفض ذكر اسمه) ،
هذه الرسالة قد يعجب بها الكثير ويعارض الأسلوب في آن واحد ، ويبقى السرّ الذي يكمن في الإعجاب بها مع معارضة الأسلوب ، لغزًا يحتاج إلى مفكرًا حُـرًا يحلل المسألة تحليلاً بإيجاز .. وفيما يلي نصّ المقال ، (عذرًا) الرسالة :

اقتباس حبيت أختبر اليوم هامش الحرية وأوجه رسالة للوالد القائد خادم الحرمين الشرفين حفظة الله وأطال في عمره واجبات الأبووووه أن الأب يستمع لصرخات أبنه وضمه على صدره وإذابة كل آلامه والملك زي ابوي،، لأحد يتدخل بين أب وطفله ابشرك يا خادم الحرمين الأسعار مضبوطة والمواد الغذائية متوفرة ما نقصنا بس إلا الخبز يرفعون سعره وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات ارتفعت 30 بالميه الأدوية 25 بالمية تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلة يقدّرون الكرافت السايل مع الصامولي الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز ابو كاس ارتفع لا وازيدك من الشعر بيت رزمة الكراث والبصل صارت بريالين شفت شلون حنا بنعمه بس تكفى كلمة راس .. ما ودك .. تنزل رواتبنا شوي .. عشان .. نبني للأردن 70 الف وحده سكنيه ثانيه ونعطي لبنان مليار ونص دولار ونرسل لمصر المعونه السنويه تعرف ماشاء الله حنا .. من كثر الفلل التمليك .. الناس صارو يأجرون ببلاش ممكن طلب طال عمرك .. ابي سلف 12000 ريال عندي دين اسدد فيه لي سنه ولا خلص .. كل شهر 500 ريال الله يرحم حالنا والله ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير أحب اطمنك صرنا نسوي رجيم غصب عنا تعرف اللحم ما عاد نعرفه حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا ودور في النت توأم تفصلهم توائمنا ليش ينفصلووو صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا ابشرك طال عمرك شعبك تطور استبدل البكاء بطعم الملح ببكاء بطعم الدم آآآآآآآآآآآآآآه يا حلو مذاقه ودك تجربه؟؟ انا أقولك وشلون نظف منزلك من حليب الأطفال نظف جيبك من الفلوس نم ومخباك فاضي خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف .. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستلعن اليوم اللي انولدت فيه عندها ستلعن اليوم اللي انولد طفلك وصرت مسؤول عنه عندها ستضمه وستبكي من القهر ستنزل دموعك وتحس بطعم الدم في حلقك تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنا معناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة ما راح تفهمها

انتهت رسالته ؛

أنا عني لا أحمل خادم الحرمين المسؤولية نعم الأب ونعم القائد هـو ،
اوجعتلي قلبي فوق ماهو موجوع
حنا شعب تعودنا على الذل والمهانة نتلطش من الصغير قبل الكبير
الملك عايش بقصره وجالس يكبر فيه اكثر واكثر تعرف لزوم الضيافة
والبيوت اللي حوله ماشاء الله عليها ولا احسن بس خارج نطاق الكيلو متر اللي حوله هو ماله دخل هذه مسؤولية الوزراء الوحشيين اللي نهابين البلد , هو ماله دخل الحق عليه اصلا انه ساكن بينكم
نحاول نقنع نفسنا انه اعداءه هم اللي يحاولون يشوهون صورته وهذا الى حد ما صحيح ولكن وينه عنا معقولة ماسمع اصواتنا الى الان من وراهم
هو مسلم الامر للقصيبي والتويجري وامثالهم لانهم ما شاء الله عليهم ليبرالين متفتحين يفهمون الدنيا مو مثل غيرهم

الله يستر من ثورة الشعب على الجوع والفقر
الله يستر

[لـ ع ـيونه]

لاحول ولاقوة الا بالله

وربي حرام عليهم واللي راتبه اقل من الفين وش يسوي ؟

حسبي الله ونعم الوكيل

الله يعطيك العافيه

[أبو وهبي]

والله انا عن نفسي اايد هذي الرساله

واذا ماراح توصل الكل راح يكتب ة ويكتب ويكت لين توصل