طعم السلسبيل

[ابراهيم الجابر]

ياصغيرسن ضيعني هواك=ضعت ببحورك وضيعت الدليل
قلبي الي جرب انواع الهلاك=ذاق مر وذاق طعم السلسبيل
ماعشق غيرك ولا يبغى سواك=لويضيع العمرويضيع السبيل
لي سنين وخافقي يرقب سماك=اتحرى برق همالك واخيل
اسرح بفكري عن العالم معاك=واشعل ازنادي واولعلك فتيل
وابحر بعالم غلاك وفي غلاك=بايعن عمري وانا لجلك قتيل
باع كل الكون قلبي يوم جاك=ماسمع صوت النباح امن الصهيل
جا من الراحه يدور عن عناك=يرتجي وصلك ووصلك مستحيل
لامشى لك درب تبعد في مداك=مثل ليل اشتا معك ليله طويل
مخلصن لك رغم بعدك مانساك=انت صبح وعصر له واطراف ليل
عاشقك والله مايومن سلاك=لاتصيربوصل محبوبك بخيل
زرع قلبي جف في رجوى عطاك=ليت نبعك يم خفاقي يسيل
اروني بالوصل انا كلي فداك=وداوقلبن في هواك اصبح عليل
جيت من ظلماي ادورعن سناك=وشفت انا نور القمر يمك يميل
انتشلني من همومي والهلاك=صير لي شمعه وانا اصير الدليل

ابراهيم الجابر

[تقوى الهجر]

ونعم والله يا ابراهيم

وصح الله لسانك وعلى شانك

ولايحرمنا تواجدك بروائعك


اخوك

تقوى الهجر

[دافـ الدمعه ـىء]

الله الله


صح اللسانك يا الغلا ،، وبيض الله وجهكْ


لا هنتْ


عبقي

[جــــــــــرح]

الروعه دائمـــا ... افتقدهــا اذا ماشفت اسمـ ابراهيمـ الجابر
صح لسانك شاعر دائما شهادتي فيه مجروحـه ...
اخوك جرح

[ورد_شاه]

أخي ألكريم أبدعت
سلمت يمنك

[بعيد الارماس]

اسرح بفكري عن العالم معاك=واشعل ازنادي واولعلك فتيل
وابحر بعالم غلاك وفي غلاك=بايعن عمري وانا لجلك قتيل

الله عليك يبوخليل

الحمد الله على سلامتك بعد هالغيبه

قصيده جزله من شاعر جزل يفاجئني بالأروع في كل حضور

صح لسانك ودام حضورك ينير همس القوافي

لك التقدير والتحيه

إحترااامي

[ابراهيم الجابر]

اقتباس   المشاركة الأصلية كتبت بواسطة تقوى الهجر ونعم والله يا ابراهيم وصح الله لسانك وعلى شانك ولايحرمنا تواجدك بروائعك اخوك تقوى الهجر

والنعم بحالك اخوي الغالي تقوى الهجر

وصح الله بدنك والرائع تواجدك ومرورك

الاروع واطرائك العذب تسلم الله لايهينك

[ابراهيم الجابر]

اقتباس   المشاركة الأصلية كتبت بواسطة دافـ الدمعه ـىء الله الله صح اللسانك يا الغلا ،، وبيض الله وجهكْ لا هنتْ عبقي

دافئ الدمعه

صحد بدنك ووجهك ابيض الله لايهينك

اسعدني مرورك العذب واطرائك الجميل

كل الشكر والتقدير