ماعاد في قلبنا ذكرى نسيناكم

[راشـد المهمــوم]

ماعاد في قلبنا ذكرى نسيناكم

ماعاد لكم في قلبنا ذكرى الو <<< نغمة جوالي

اسم الله وش هالرقم الغريب,
هلا والله من ام بروكلين يهلا وستين غلا وجع وين الناس وش هالقطاعة

فكتوريا/ هلا بك وشلونك ووشلون الاهل

راشد/ بخير الله يسلمتس وشلون القريبين والبعيدين وكل من يعز عليكم وابو بروكلين وشلونه من هالي يوجس سمعت انهم اصابوه هالاميركان

فكتوريا/ والله يرجال وش تبينا نسوي المقرود مقرود ماقلتي يارويشد عساك خلصت كلية التقنية

راشد/ ابشرتس خلصت ماهي دراسة حمل فيل لكن ادعي لنا بالوظيفه

فكتوريا/ والله ياراشد الوظايف مكومه بالشوارع عندنا ,انك ماتلقى اللي يراعي له

راشد/ انتي تقولينه صادزه

فكتوريا/ ايه الله يجعله بعيالي بروكلين وروميو وكروز انهم يدورون شهادة التقنية, الا ابي انشدك وش صار على ام عزيز الددسن

راشد/ هههههه شكلنا نبي نخت يمكم حج بمقضى حاجه نتمشى ونقزقز ونفغص شدوق كروز مبطي عنه << قاط مع العايله الكريمه والددسن والله يابنت الحلال اول نظيفتاً كنه وردة والحين انواع الامراض رماتيزم بالركب والمقصات وتبي شد وجه ونفخ شفايف وغاصة بشريط بلعه المسجل ولا طلع الى الحين

فكتوريا/ اما الددسان طاير سوقه بأمريكا اخوي توه بايعن ددسنه بعشرين الف دولار

راشد/ والله انا ودي اجي بس اللي يردن جاركم المروح

فكتوريا/ منهو

راشد/ توم كروز قسم بلله فكوك يلوّي حنكه يدبل التسبد الا خذتنا السوالف ماقلتي اناحاس ان عندتس شي وخاطرتس ماهو عاجبن عادي انا مثل اخوتس سلف شي نعين ونعاون

فكتوريا/لا والله تسلم بس العيشه بأمريكا طفش لا اسواق ولا سينما ولا بحر ولا حتى مناظر تفتح النفس ابد حايل نسخه طبق الاصل ابيك ولا عليك آمر تكلم هالشايب الخبل اغديه يسمع كلامك

راشد/لعيونتس انتي وسنونتس ابشري والله الحين ادق عليه

فكتوريا/ ايو الله ياحيي << كانت ساكنه بحايل اول

راشد/ يلله مع السلامه ادق عليتس بعد شوي


ايييييه بكيهام أكيد انه مقفل جواله لكن ابي ادق على رقمه الثاني موبايلي اصيده هين ,موجود ها اهي اصيدك

اااا ......صفر خمسه سته

ولا حاط النغمه كم تو مي حقت سيلاين داين ملعون الرقبة

راشد/ها الو ابو بروكلين


بيكهام/ هلا ابو عدوان بك وبريح حايل

راشد/ وينك يملا الموليه زقرت المنتدى ينشدون عنك مملوح وابو شبريه والتميمي وعدداً لاتحضرني اسمائهم

بيكهام/ والله يرجال انا طحت بالشراب والقمار وسحب على العالم كلهم حتى والله اكلمك وانا دايخ الا على طاري المنتدى وش صار عليهم

راشد/ والله مبطي عنهم بس سمعت انهم حطو قسم صحافه شكلهم يبون يوزعون علينا جرايد او ما ادري وش قصتهم ومكثرين الاقسام على قل بركه الا انت وين الطواعة والدقن

بيكهام/ عساك سالم يعلك ماتروح مراحهن سبحان اللي يغير وهو ماتغير

راشد/ ايو الله سبحانه, الا مدام انك سكران وكل شي أكيد قدام قل تم

بيكهام / خير وش العلم

راشد/ اهلك ماهم مرتاحين بأمريكا وعيالك دجو وانت كل يوم اصابه ولا دوري مثل الناس ملاعب مخططه تقل بطيخ ودهورت نفسك مع الدبره اول ملتزم حتى وجهك منور

بيكهام/ ابو عدوان والله ان لك معزه خاصة ولا تحرجن تكفى

راشد/ لا تطيح وجهي ديفودي << قاط الميانه

بيكهام/ وجه ابن فهره انت يطيح وجهك ههههههه تدري قدام العن ابو الفقر هاليومين تبي تسمع خبر زين يا اني ارجع لماشنستر او اجيكم بحايل عاد يا الطائي او الجبلين

راشد/ عمرك ماجيت اتطلبك من اليوم واثريك طابخه براسك خخخخخخخخخخخ يالمروح

بيكهام / ههههههههههههه هق هههههه <<< سكران معطبه


راشد/ يلله مع السلامه اسمع اسمع صوت القطار طوط طوط طوط << ياقدم هالحركه

عاد ابدق على فكتوريا ابشره وانتم خلكم حول الجرايد


مع تحيات مراقب المنتديات الترفيهيه المبطي
الفراش متقاعد/ رويـــشد

[مشـاعـل الخـالـد]

ههههههههههههههههههه

الله يسعدك ياراشد ويشرح صدرك مثل ماضحكتني


عوافي

[راشـد المهمــوم]

مش مش

الله الوقت مركب هدرز وداعس

مره شيرازيه ومره انتقام وعاطفه ههههه ماتغيرتي

والله ما ادري تسني قاعد من النوم شكلي ابي اتعرف عليكم من جديد احس نفسي غريب

[مشـاعـل الخـالـد]

هههههههههههههههههههههههه

وش وراك تعرف من جديد والكل ناسي

حياك الله بينا من جديد

بانتظار قلمك الساخر بكل وقت :)

[هــاجــس الــذكــرى]

خخخخخخخخخخخخخخخخخخخخ

من دهـ رويشد الحمد الله ع السلامه وينك يا دب منور

يقوووولون ان خيمتك با الرالي انسرقت خخخخخخخخخ

لا يكون الناي معهااااا بس خخخخخخخخخخ

اسمحلي يا الكركتوري العزيز بنقله الى القسم الهستره


محبك واخووووووووك


هاجس الذكرى

[نسمات الليل]

الحمد لله على السلامة أبو الرشد

من طول الغيبات جاب الغنائم

وجايب لنا موزوووووووووع هسترررررررري توووووووومام>>>>فيها عرق سوداني شكلها


خخخخخخخخخخخخخخخخخخخخخخ




وشي فكتوريتكَ هذي الي تدعي بعيالها

ياحليلها>>>>كأنها من عجزناااا

خخخخخخخخخخخخخخخخخخخخخخخخخخخ

منونااااااااااااا راااااااااااااااااااااااشد


تثبييييييييييييييت

وكل لشكرررررر هاااااااجس لنقل أخووووووووي

[عازف الناي]

واوووووووووووووو رويشد مانت يسهل تعرف بيكهام والعائله الكريمه

اجل يبون يجون لحايل عاد لازم تعزمنا نبي نتعرف عليهم اكثر

بس والله يانك حطيت بيكهام بموقف بايخ يوم بدء يختار يا الطائي او الجبلين ؟؟

الا على طاري فكتوريا كم رقمها ودي اسلم عليها

اذا كان رديف بيكهام عندي

مشكور رويشد على الموضوع الجنان

[سكر زياده]

هههههههههههههههههههههههههههههههههه

والله انك فلــــه يارويشد
يعطيك العافيه على هيك موضوع جووونآآآآآن