|
.gif) |
|
||||||||
 |
|
|
LinkBack | أدوات الموضوع | طرق مشاهدة الموضوع |
03-12-2008, 01:58 PM
|
#1 | |
|
|
زمانٍ بها الظالم يصفـق لـه المظلـوم...!!!
مقتطفات من قصائد لشاعر مرزوق مبشر الحربي والتي تشتمل على كثير من التوجيه والحكم والتجربه عتابي على نفسي وانا اللي دفعت رسـوم ثمن وقفتي قصدي وفا ما اقصـد تجـارة أنا اشهد شهادة حق، حق الوفا مهضـوم الاّ ما نـدر راع الوفـا قَلَّـت أذكـاره ولا اقول خَلْيَت لكن الفاعـل المضمـوم مثل ما يقول الحنتمـي صـاروا ذخـاره فقدنا رجال أفذاذ وايضـاً فقدنـا اسلـوم يـدور الفلـك والبيـض والسـود دواره مضى ما مضى والدور الأول تقول حلوم واساسات معظم دورنـا اليـوم منهـارة تعالت على عيال القطامي اعيـال البـوم والاجـواد عَمَّـارة والانـذال دَمَّــارة زمانٍ بها الظالم يصفـق لـه المظلـوم وهل الراي والتفكير بالوضـع محتـارة زعانف هل الريبة تَظَاهر بشكل خشـوم وضعيف البصر يحتاج تفصيـل نظـارة وسليم البصيرة والبصر يمقـت المذمـوم ودليلك علـى الرجَّـال صحبـه وزواره كثيـر الآوادم بالتصـرف وبالبلـعـوم يسيء للمبادي فـي سلوكـه وباشعـاره تجد بالبشر جاهل وفاسـق وحامـل زوم حسانيه ما تازن أوقيـة مـع اضـراره شرابه مـن الغيبـة وزاده مـن الزقـوم وعلى من على لسانه يوجه لـه الغـارة يرى انه هو المُعْطَى ولكن هو المحـروم هو الحاضر الغايب بمضمـون وعبـاره أنا يوم أقول العلـم علمـي وراه علـوم ونبي ما نبي راس السهم يضرب الشارة نبي طير ابن برمان فوقه بـذاك يحـوم ويقع بالحرج من سيف ضيفه مخش جاره ألا يا إله الكون يـا الحـي يـا القيـوم سترك علينا يا الولـي تضفـي ستـاره النـار مبداهـا شـرارة ومقـبـاس والطيب سندى والقسـا لـه رجالـي الطيـب مادونـه مراكـز وحـراس والعـزم سلـم مدركيـن المعـالـي وكثر التمني بارجـل مبـدا الافـلاس والهـون هـودج ممتطيـن الهزالـي وبعد النظر توفيق والصبـر نبـراس وصعب الحمـول لنايبـات الجمالـي والقبض ما يقارن بوضـع التلمـاس ومـن مالـه اول مايطالـب بتـالـي مبدا خبر من راس شاف وفقـد راس وش للضمير المستتـر مـن مجالـي ياشين نيبان الدهر تضرس اضـراس والصايـح النايـم هـدف لايـزالـي سود الحروف بلوح ماهي بقرطـاس جملة نـدى تحمـل عتـب وابتهالـي لمشغل الـرادو علـى دوري الكـاس في حنـدسِ كاسـي سمـاه الخيالـي بـوسِ بعـز ولارغيـد ِ بتـنـداس والـرزق عنـد المنفـرد بالجلالـي نبرة شجن لكليـب وايـل وجسـاس قمـر ثمـان وسـت ماهـو هلالـي تيار نـار المحرقـه صـار نسنـاس والمر صـار بدورنـا اليـوم حالـي رخص الثمين وداسه ابنـاه وانـداس الناقصـيـن المدعـيـن الكمـالـي اللوم لـه منصـى وماقـف وجـلاس علـى مواريـث الفعـول الجزالـي الوارديـن لمصـدر البـق والحـاس نزول مـن عالـي لجـرفٍ هيالـي حط بصناديق الذهب خـردة نحـاس وامر واهـى قيـل الاهـوج مثالـي إن قلت لـه زراق وان قلـت نـداس وإن قلت باشق كلهـا لـه خصالـي حطاب ليل حامـل الحبـل والفـاس ما راقـب السبـع وقطـب الشمالـي يالله يامحصـي عالمـنـا بـكـراس يامـن عليـه حمايـتـي وتكـالـي تلطف بكبـدٍ كنهـا وسـط محمـاس وقلب ٍ صلاه مـن المقاديـر صالـي رافقني الهوجاس من سقـم الاوجـاس على عضيـدي واصدقـاي بنضالـي فقدت رمح وسيف والـدرع والطـاس طلبيـن الاريـا مكرميـن السبالـي موارد ٍ فيها الروى ماهـي إرسـاس ياكبـر فرجتهـم ونـا وش بقـالـي إلا بطاريـهـم شفـايـاي يـبـاس اروي سوالفهـم ووصــي عيـالـي مع مثلهـم رفقـة جزالـه ونومـاس وانصح عن اللـي رفقـة بالظلالـي ماكـل قرنـاس يعـوض بقـرنـاس ثلثيـن رفقـان الصـداقـه تسـالـي اللي على هيئـة عصافيـر وبسـاس لاتقول ابن عمـي وذاك ابـن خالـي لاتجامل اهل المنخفـض والتدسـاس تـرى الحـرار اوكارهـا بالطوالـي زئير ليث ولاطرب جخـدب السـاس اهل الرجـاح اجبـال نبـع الزلالـي بتجاربي بمختلـف بعـض الاجنـاس عبرت . وتعبيري علـى قـد حالـي عانيـت واعـانـي جــداد ودراس وسود الليالي خلـف بيـض الليالـي ولا مات من أخر من القول مـا طـاب يقـراه جيـل يـا رثـه عقـب جيلـه دام الشريعـة بالبلـد ظـل واحـجـاب فـي ظـل حكـم مـا نـدور بديـلـه ما فيه لا احـزاب ولا موجـة ارهـاب واهـل النفـوس الكـوس تبقـى ذليلـه الا ان بالغفـلات صلـب العـرب ذاب والزنـد يمـكـن يعـتـرف بالفتيـلـه ومن لا انتبه ماله عـن ذيـاب مجنـاب وشلفـا ذيـاب مصمـمـة للكحيـلـه وعلق بهـا غاسـق وثبـت بهـا نـاب واشتالتـه بيـن الضلـوع الأصيـلـه والحبل في وقـت الرخـى صايـر داب يقـرص بمثناتـه وراســه وذيـلـه والبـل جنبهـا يفكهـا شـر الأجنـاب ويحضـر الجانـي الخصمـه كفيـلـه ولا كل من يرمي الهدف للهدف صـاب ياللـي تمنـى ظـل دوحــة ظليـلـه تبي الشباب وراس أبو زيد قـد شـاب ومـا فـات مـات وعودتـه مستحيلـه يبقى الغراب غـراب والحـر حطـاب متفاختيـن وكــل نــوع ومثيـلـه والسيف له حديـن واذبـاب وانصـاب واليـا عطـى المعطـي يعيـي وكيلـه والماص له مفـراص واللـوح مشـذاب والعنـق يقطـع بالسيـوف الصقيـلـه ليامن شيخ القـوم عـن ماقفـه هـاب ادر انهـا راحـت عليـهـم سحيـلـه واليا استدل الراس فـي راي الأذنـاب غيـم سـمـاه وعـرضـوه الفشيـلـه وان صـار مـا للحـق بالـوم طـلاب تبقـى الفريضـة عنـدهـم كالنفيـلـه من الخطايا بالرجـل تـرك الأسبـاب واغـذاه دم قـراه بــاردا فصيـلـه ومن لا حسـب للمقبلـه ميـة حسـاب النفـس تـامـر سيـدهـا بالرذيـلـه البيـر لـه حفـار والـدلـو جــذاب والوقـت ثابـت مـا تغيـر موديـلـه اللي تغيـر مـن لبـس جلـد سنجـاب غـيـر تقالـيـده وقـلـد زمـيـلـه واللي ليـا منـه وصـل حـزم كـلاب مـن ردنـه الميـاح عـمـر سبيـلـه راعي هلا بالاجنبـي مثـل الأصحـاب بنفس علـى الميسـور ماهـي بخيلـه تحت اسمر مبني علـى سبعـة أقطـاب ونجـره ينـادي للنشـامـى عويـلـه اليـوم ينظـر لـه تقـل وسـط دولاب يـكـن عبـراتـه ويكـتـم غليـلـه حلّ بمحلّه مـن احديّـه الـى اغـراب علـى الجميـل يـشـاورن الحليـلـه نـاس مجالسهـا نميـمـة ومغـتـاب وإلا أربعـة وكــل يشـتـم قبيـلـه قـوم تحيتـهـا مـلاعـن و كــذاب متبادلـيـن السـاذجـات الهـزيـلـه ولا اعم كـل النـاس والكثـر غـلاب والسالمـيـن الـيـوم نــاس قليـلـه والناس مثل الأرض وديـان وهضـاب يافهمـيـن مـقـصـدي وتحلـيـلـه أخوكم العمري.... 
__________________
  |
|
|
    
|
|
03-13-2008, 07:45 PM
|
#3 | |
|
|
هلا و غلا فيــــــــــــــــــــك أخوي ضيف مشكوووووووور و ما قصرت على الطله الحلوه تحياتي لك.....
__________________
|
|
|
|
|
|
03-17-2008, 01:54 PM
|
#4 | |
|
|
العمري
مقتطفات جميله لاهنت وبيض الله وجهك على هذا الحضور الجميل لك التقدير والتحيه إحترااامي
__________________
 |
|
|
|
|
|
03-27-2008, 07:43 AM
|
#6 | ||||||||||||||||||||||||
|
|
هلا و غلا بعيــــــــــــــــد الارماس  تحياتي لك
__________________
|
||||||||||||||||||||||||
|
|
|
|
03-27-2008, 07:45 AM
|
#7 | ||||||||||||||||||||||||
|
|
هلا و غلا بالهنـــــــــــــــــــــوف مشكووووووووووره والله يعطيكي الف عافيه 
__________________
|
||||||||||||||||||||||||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
