من كل عقلي يا ( توق)!!!

[twwag]

ياحلوتي مافاد حزني ولابكاي !
ولافاد دمع ٍ لاجل عينك بكيته ..!


ليتك قتلتي أول الحزن جوّاي !
ماكان قلتي : ( بسألك .. مانتهيته ) !!


من كل عقلي أرسمك داخل الماي !!
ومن كل قلبي انقهر لامحيته !


جيتك وشايل في ضلوعي هداياي !!
وحلم ٍ كبير ومن جروحي بنيته !


ياهي حزينة قصة الملح والناي !
والشاعر اللي في جنوني ابتليته !


ماعاد تغري ضحكة الحب بشفاي
من يوم ماصك الأمل باب بيته !

أواه يومٍ جيت لك أسبق خطاي
حتى زهورك للأسف مالقيته !


كنى أحس إن التعب قال : انا جاي
ومن دون روحي جبت روحي وجيته !


الياس يرمي أسود الهم بحشاي
والحلم بيدي لليالي رميته !!


وانتي دخيلك لاتذكرتي ابكاي ..
قولي عطاني بيت ! ياما قريته !!


(( لاتاخذين الجرح ! خليه وياي
أذكرك فيه ! ولاذكرتك نسيته !
.
.
.
.
من كل عقلي أرسمك داخل الماي !!
ومن كل قلبي انقهر لامحيته !
.
.
.


اتمنى أن تعجبكم
القصيده لبركات الشمري والتصميم تواق

[نـــــــو ا ل]

إبـــــــــداع
في كل شي
الكلمات روعه والتصميم أروع
يعطيك العافيه يا إستاذ تواق
دايما تمتعنا بإبداعك
تقديري لك ,.,

[ـالهنوفـ]

خطييييييييييييييييييييييييييره

الكلمات ,, الفكرة ,, التصميم ,,

من شدة الإتقان ,, حسيت انها صوره حقيقيه .. وتم التلاعب فيها ,,

جد روووعه استاذي تواق ,,

يعطيك الف عافية ..,,

[twwag]

اقتباس إبـــــــــداع في كل شي الكلمات روعه والتصميم أروع يعطيك العافيه يا إستاذ تواق دايما تمتعنا بإبداعك تقديري لك ,.,

تسلمي على مرورك الدائم على متصفحي
واطرائك اختي
تحياتي
تواق

[twwag]

اقتباس خطييييييييييييييييييييييييييره الكلمات ,, الفكرة ,, التصميم ,,

الكلمه بركات الشمري + الفكره تواق=تصميم جيد

اقتباس من شدة الإتقان ,, حسيت انها صوره حقيقيه .. وتم التلاعب فيها ,,

في الاصل هي ثلاث صور مع دمج الوان بنفسجي+ ازرق+ابيض+ تدرج البني

اقتباس جد روووعه استاذي تواق ,,

الروعه في تشريفك

اقتباس يعطيك الف عافية

الله يعافيك ويسلمك

[حقوق الانسان]

يعطيك الف عافيه توااق

الفكره جدا راااااااائعه خيالك جميل في توظيف الصور

ماشاء الله عليك <<<< ومنكم نستفيد

تسلم اياديك يالغالي الكلمات والتصميم في قمة الابداع
لك مني كل الاعجاب

[دافـ الدمعه ـىء]

مُبدْعْ يا قلبي


سلمتْ لنا ...


عبق