النص الناري المشعلل أكتب اسمك بالنار الآن(:

[~_نسيم الروح_~]

عدنا لموسم الدروس أعتقد اخدتوا اجازة بما فيه الكفاية وجايكم اليوم تطبيق يخليكم تلعنوا ابو الفوتوشوب

أمزح والله الدرس سهل

بس كالعادة الخطوات التفصيلية المملة مراعاة للمبتدئين من الأعضاء والزوار

حياكم الله

درس اليوم هو تأثير على النصوص وهو درس النص الناري عملت أنا (ثابت + متحرك) وكل واحد يطبق حسب رغبته المهم أشوف التطبيقات ترى تحميل الصور صعب مو هين

يالله بسم الله

هادي النتيجة النهائية للي يحبوا يطبقوا (نص ثابت) طبعا





ياحبي لاسمي وهو مشعلل

المهم نبدأ الشغل

بسم الله

الخطوات


1| نفتح صفحة جديدة أو عمل جديد بالمقاييس اللي نبغاها حسب حجم النص،،



أنا اخترته بالمقاييس اللي تشوفونها 200×300 والخلفية بيضاء


تصبح عندنا صفحة العمل بهادي الصورة




2| نضغط على الحرف (D) من لوحة المفاتيح عشان نحول الألوان للأبيض والأسود كالآتي وبواسطة أداة السطل أو الدلو الموجودة في قائمة الأدوات على يسارنا نلون المساحة البيضاء بالأسود



نضغط على حرف (X) من الكيبورد لعكس اللونين الابيض والاسود
وباستخدام أداة النص نكتب النص المطلوب اللي سار لونه بالابيض

ياريت تشغلوا ذاكرتم شوية وتحفظوا حجم ونوع الخط عشان نحتاجهم بعدين

والا خلاص بلاش نستخدم خاصية مضاعفة الطبقة بعدين مو دحين

نكمل

شوفوا الصورة بعدما كتبت عليها نكي الرائع




3| نروح لـ Image >> Rotate Canvas >> 90° CCW


ويصبح النص متل هيك




مسكين نكي اصبر شوية


4| نطبق هيدا الفلتر: Filter >> Stylize >> Wind




لمن تختاروا هذا الفلتر راح يطلع لكم نافذة تحويل النص لصورة طنشوها واختاروا OK

بعدها راح يظهر لنا بوكس جديد نزبط منه قيم الفلتر اللي اخترناه



تأكدوا من الخيارات اللي حاطة عندها السهمين مهمة

بعدما نسوي OK وهادي النتيجة تكون الصورة هيك




نكرر الفلتر بالضغط على Ctrl+F من لوحة المفاتيح حتى نوصل لهذا الشكل




أنا كررت مرتين .










لا حوووول مو مسموح الا بـ25 صورة

نكمل تحت تعالوا لا أحد يرد

[~_نسيم الروح_~]

5| دحين نعدل الصورة ونردها زي ماكانت نروح لـ Image > Rotate Canvas > 90° CW
لاحظوا CW مش CCW

6|Filter >> Blur >> Gaussian Blur زي الصورة



راح يظهر لنا هذا البوكس



بإمكانكم إختيار القيمة اللي تحبوها

وهادي النتيجة




7| دحين ندمج كل الطبقات لأننا نبغا طبقة وحدة عن طريق Layers >> Flatten Layers




8| والآن أصبح عندنا واحد لير راح نضفي عليه تأثير النار بتلوينه منImage >> Adjust >> Hue/Saturation أو نستخدم الاختصار Ctrl+U




راح يظهر لنا هذا البوكس



نعدل القيم كما في الصورة أو حسب الرغبة

تكون النتيجة كدا




9| ننسخ اللير اللي عندنا عن طريق الضغط باليمين على اللير ونختار Duplicate layer




10| على اللير الجديد نطبق نفس الخطوات Image > Adjust > Hue/Saturation أو نستخدم الاختصار Ctrl+U



نفس الطريقة الأولى ،، لكن هنا الـ Hue لازم نختاره بدرجات الأحمر وانا اخترت (0)




وتكون النتيجة كدا




11| في نفس اللير اللي احنا اشتغلنا عليه واللي لوناه بالأحمر نحول خاصية اللير من Normal إلىColour Dodge




وهادي النتيجة





12| نرجع ندمج الليرات منLayers > Flatten Layers





13| دحين نستخدم آداة الأصبع ونمسح على الألوان في الصورة بشكل متموج لأعلى عشان يدينا تأثير ألسنة اللهب وتكون النتيجة كدا




14| باستخدام أداة الكتابة نرجع نكتب نفس النص مرة تانية (بنفس الخط ونفس الحجم) باللون الاسود ونثبت الكتابة الثانية على الأولى باستخدام أداة المؤشر زي كدا




15| دحين نحدد النص بالضغط على Ctrl من لوحة المفاتيح مع نقرة على اليمن من الماوس على لير النص اللي أضفناه دوبنا نلاحظ ان النص تحدد زي كدا



ونضيف لير جديد





حاليا نتأكد أن اللون الأبيض في مقدمة اللون الاسود

وباستخدام الفرشاة نمسح أسفل النص عشان ندي تأثير اللمعة البيضة دليل الاشتعال


يفضل استخدام الفرشاة ذات الحواف الضبابية زي هادي




لاحظوا كيف راح نمرر الفرشة على النص



ولإزالة التحديد نضغط كنترول+D


نلاحظ ترتيب الليرات في البوكس وندمج الطبقات زي المرة اللي راحت




راح يصبح بوكس الليرات زي كدا




16| يفضل دمجها في لير واحد بنفس الطريقة Layers >> Flatten Layers


والنتيجة النهائية





هذا بالنسبة للنص الثابت إذا حبينا يكون متحرك نكمل تعالوا تحت

يتبع ,,

[~_نسيم الروح_~]

عشان نعمل النص الناري المتحرك نكمل الخطوات الجاية

17| ننسخ الليرعن طريق Layers > Duplicate layer




18| نشيل العين عن اللير اللي تحت عن طريق الضغط على نفس العين وراح تختفي

بعدها نحدد اللير الجديد <اللي فوق> عن طريق النقر عليه بالفأرة




واللي مو ظاهر عنده بوكس الليرات يروح على Window ثم Layers


19| نختار أداة الإصبع من قائمة الادوات


ونمسح على الالوان بطريقة متموجة لأعلى زي أول بس حاولوا انكم ماتجوا ناحية النص وانتو تمسحوا عشان ما ينعدم النص


الخطوة الرابعة:

20| مرة تانية ننسخ الليرLayers > Duplicate layer وراح يكون عندنا 3 ليرات
نشيل علامة العين من الليرات اللي اشتغلنا عليها ونحدد اللير الجديدة




وباستخدام آداة الأصبع السابقة نكرر نفس الحركة ونحرك الاصبع على الصورة بطريقة متموجة لأعلى إلين توصلوا للنتيجة المطلوبة

21| ننتقل للإمج ردي من File > Jump To > Adobe ImageReady أو بالضغط على Shft + Ctrl + M
أو عن طريق آخر رمز موجود اسفل قائمة الادوات


22| في بوكس الأنيميشن نختار السهم الموضح في الصورة وبعدين نختار Make Frames From Layers



راح تكون النتيجة




لاحظوا مكان الدائرة من هنا نغير الوقت زي مانبغى لكن يفضل ماتكون الفترات طويلة عشان لا تكون الحركة بطيئة زيادة عن اللزوم


23| وصلنا لآخر خطوة الحمد لله وهي حفظ العمل




وهادي النتيجة النهائية






تطبيق على السريع وبدون تدقيق


يالله أشوووف تطبيقاتكم انتو أحلى أكيد




والدرس الجاي بعد شهر تعبت

[ملاك المشاعر]

أنا حاسة إن رهينوه هو الي حرق اسمك صح


أعرفه مجرم , وانتي في أول مخططاتهم الإجرامية


هههههههههههههههههههههههه


من جد درس مفصل وراااائع جدا عزيزتي

ولا تحرمينا من دروسك أستاذتنا الغالية


في أمان الله

[~_نسيم الروح_~]

يمكن يجي منو أي شيء


مرورك أروع ياقمر تسلمي على الطلة

[حقوق الانسان]

حيا الله نسموه المنسمه

درس حلو وجميل

طبقته لكن طلعت النار شي الله لا يوريك عجب

فلذالك ماراح انزل التطبيق لاني بعيده

لي رجعه

تحيتي لك

[مشاعل البندري]

أنا دحين بردانه

إن شاء الله لا شعللت بطبق

تسلمين نسومه وانتبهي على اسمك المولع لا يتحول لرماد

[لوعة المغرم]

:
:


هلآ وآلله نسوومه آلمبدعة

أحسنتيـ ويعطيك ألف عآفية على آلدرس

وتسلم آنآملك آلذوق

:
:


وآلتطبيق هدآ هو تفضلي /



\
/
\

أما آلصورهـ آلمتحركة مشـ لآزم صح < < ( )

خآلص آلشكر لكــ غآليتي

:
:



م ــــــــــــــــودتي

:
: