قاطعوا الدينمارك(كلاكيت عاشر مرة)قلم محمدسنجر

[محمد سنجر]

حتى المقاطعة أبسط أسلحة الدمار الشامل ، لا نتقنها ؟
الغريب أن المقاطعة بمفهومها العربي هي أقل ما يمكن أن يفعله أي إنسان كسول ( برطه )
بمعنى أنني و أنا باتمشى في السوبر ماركت أبص على اللي رايحة و اللي جايه ،
بدلا من أخذ هذا الجبن الدينماركي اللي بينتهي الرقم اللي عليه ب( 57 )
أمد إيدي و آخد الجبن اللي على الرف جنبه بعشرة سنتيمتر و هو الجبن الإسباني ،
و لما أسبانيا تنشر الرسوم هأقاطعهم هما كمان و أمد إيدي أكتر على بعد عشرين سنتيمتر و آخد الجبن الألماني ،
و لو تجرأ الألمان و نشروا سأقاطعهم و آخد الجبن اللي بعده ( الجبن الفرنسي ) ،
و لو المحروسة فرنسا تنشر الرسوم و تمنع المحجبات المسلمات من لبس الحجاب ، برضه ها نقاطعهم و نمد إيدينا عشرة سنتيمترات أخرى ، بعد العناء الذي سنواجهه في مشي خطوة واحدة في السوبر ماركت لنأخذ الجبن الإسرائيلي ،
و لما إسرائيل تعمل أي حركة نقص و تنزل ليل نهار تفجير و تقطيع في إخوانا الفلسطينيين أو ترجع تحفر النفق اللي تحت المسجد الأقصى ،
نبقى يا سيدي نقاطعهم و نقاطع جبنتهم و نمشي خطوة كمان و نجيب الجبن الأمريكي ،
و لما أمريكا تقل بأصلها و تحتل العراق مرة تانية ، أو حتى تفكر و لو مجرد تفكير إنها تساند إسرائيل صدقني ها نقاطعهم و نبهدلهم آخر بهدلة و نضرب إقتصادهم في مقتل ،
ماعدش هايبقى فيه حاجة إسمها أمريكا دي خالص على وجه الدنيا ،
و ها نجاهد و نمشي خطوة زيادة في السوبر ماركت المكيف و ناخد الجبن الإنجليزي ،
و مش هاقولك بقى اللي ممكن نعمله في الانجليز ، دا إحنا ها نبهدلهم بهدله ،
ها نخليهم يقولوا حقي برقبتي ، بس خليهم كده يفكروا يقلوا بأصلهم معانا برضه هانقاطعهم و ناخد المرة دي بقى الجبن الهولندي ،
و أه ثم آه لو هولندا هي كمان تقل بأصلها و تعرض الفيلم المسيء للإسلام برضه ها نقاطعم ،
بس كل أنواع الجبن اللي على الرف خلصت ،
عادي و الله لأرجع من تاني لأول الرف مرة تانية و آخد الجبن الدينماركي و لما الدينمارك بقى ترجع تنشر الرسوم مرة تانية ،
و الله لأبهدلهم مرة تانية و نقاطعهم تاني و نعلمهم الأدب و نقاطع منتجاتهم و ناخد الجبن الإسباني مرة تانية و هلما جرة ،
هما فاكرين الدنيا سايبة و الا إيه ؟؟؟؟؟؟؟
و الله لنأدبكم بلد بلد ،
هو انتم فاكرين العرب و المسلمين شوية في العالم ده و إلا إيه ؟؟؟؟؟؟؟؟؟

يا أمة ضحكت من جهلها الأمم ،
بالله عليكم لم تفكروا للحظة واحدة تعملوا جبنة ،
جبنـــــــــــــــــــــــــــة ، مجرد جبنة ،
أنا لا قلت لكم اعملوا طيارة شبح ، و لا صاروخ بلاستي ، و لا قنبلة نووية و لا غيره ،
باقول لكم إعملو لكم شوية جبنة الأول ،
يعني بالبلدي كده تجيبوا شوية لبن و إوعوا توصلوا اللبن لدرجة الغليان لتبوظوه ،
بس تدفوهم شوية على النار ، و بعدين تحط عليه المنفحة اللي بتتاخد من معدة العجول ،
هتلاقيها في الأجزخانة عاملينها أقراص دلوقتي ،
و تسيبوهم شوية لما تتماسك و تتجبن ، و بعدين تقطعوها خرط و ترشوا عليها شوية ملح ،
و ساعتها و الله العظيم لأقطع و أقاطع معاكم ، بس ها قاطع بجد ، مش كده و كده ،
بس هاقاطع الجبنة بس ، هاقاطع لإني فرحان إننا نجحنا و عملناها عندنا ،
و لما أشتري مش هاشتري غير جبنتنا العربية الإسلامية ،
هاقاطع كل الجبن الدينماركي و النرويجي و الهولندي و الأمريكي و الإسرائيلي ،
ها قاطع كل الجبن لأني صنعت البديل جبنة من صنع بلدي ،

ما أكل أحد طعاما قط خيرا من أن يأكل من عمل يده ،
من يملك قوته يملك كلمته ،

هكذا تكون المقاطعة ،
أقاطع شيء واحد و أجرب أنا عندي البديل و الا باضحك على نفسي ،
على فكرة افتكرت حاجة غريبة جدا ،
إن المقاطعة ليست أبدا من سنه محمد بن عبد الله ( صلوات ربي و سلامه عليه )
فما أعرفه عن سنة رسول الله صلوات ربي و سلامه عليه أنه عندما كان يؤذى من قبل جاره اليهودي ،
فكان هذا الرجل يضع له القاذورات و الزجاج المكسور و الشوك على باب بيته ( صلى الله عليه و سلم ) ليلا ،
فإذا ما خرج لصلاة الفجر، داس بقدمه الشريفة على كل هذا و تأذت قدمه الشريفة كثيرا ،
و برغم كل هذا عندما غاب هذا اليهودي يوما ، ذهب إليه رسول الله ( صلى الله عليه و سلم ) لزيارته و الاطمئنان عليه ،
و عندما بحثت عن أصل للمقاطعة وجدتها فكرة الكفار عندما قاطعوا بني هاشم في شعب أبي طالب
و لقد كان ذلك لأنهم منعوهم من إيذاء رسول الله ( صلى الله عليه و سلم ) ، هل تذكرون هذه المقاطعة ،
و سبحان الله ،
الكفار نجحوا في توحيد كلمتهم و قاطعوا بني هاشم بالفعل ،
أما نحن فلم نفلح حتى في تقليد الكفار ،
و المقاطعة أيضا فكرة غاندية غير مسلمة ،
نجح في قيادة شعبه لمقاطعة انجلترا و كل ما تصنعه انجلترا ، و لم ننجح نحن بتقليد هذا الغاندي الغير مسلم ،

فلقد عادت الدينمارك و نشرت الرسوم ،
كلاكيت تاني مرة ،

بالله عليكم ماذا فعلت المقاطعة ؟؟؟؟؟؟؟؟؟؟؟؟؟
ها تعملوا إيه بقى دلوقتي ؟؟
أقولكم فكرة جميلة ؟؟؟
اشتروا كل منتجاتهم بهبل عشان يحرموا ينشروا الرسوم مرة تالتة ،

أما حاجة غريبة و الله ،
لا حول و لا قوة إلا بالله العلي العظيم ،
يا عالم يا هوووووووووووووووووه ،

الغريب أن بعض المسلمين عندما كلمتهم على نشر الرسوم مرة أخرى و عدم جدوى هذه المقاطعة المزعومة ،
رد بسلامته بكل كبرياء ،
ـ لأ ما هو إنت مش فاهم ، هما نشروها تاني ليه ؟
ـ ليه يا ناصح ؟
ـ عشان خسروا ملايين الملايين من مقاطعتنا لهم ،
و من غيظهم و حقدهم علينا لأننا خسرناهم هذه الملايين ، قاموا ناشرين الرسوم تاني عشان نحرم نقاطعهم ،
قلت له : يا سلااااااااااااااااااااااااااااااااااااااااااااااام ؟ بتتكلم جد ؟
تخيل أنا ماكانتش فاهم الموضوع بهذا الشكل ، نورتني الله يعمر بيتك .
وريني طيب العصير اللي في إيدك ده ،
الله الله الله ، الله على المقاطعة ، عصير دينماركي كمان ؟
رد بكل براءة ( آآآآآآآآآآآه ، معلش نسيت ، جل من لا يسهو يا أخي معلش ،
أموت من الجوع يعني عشان ترتاح يا سيدي ، و آدي العصير ،
( تجرع آخر ما في العلبة من العصير ثم ألقاها فارغة و داسها بحذائه ) ،
و بعدين مش لاقي حاجة أحلى منه بالسوق الصراحة ،
يعني هيا جت على العلبة اللي أنا هاطفحها بالسم الهاري ،
يعني ما تجيش غير على الغلبان اللي بيبر نفسه بعلبة عصير ؟
حاجة غريبة و الله ،
ما تروح يا أخي تكلم الحكومة اللي مدخلاها كراتين كراتين ،
و إلا إنت ما تقدرش غير على البردعة ، أما حاجة غريبة و الله )

[محمد سنجر]

دمتم ودامت الأمة العربية و الإسلامية
بحفظ الرحمن

[عبير البدره]

وشكرا لك

هناك الكثير من البدائل لديناااااااا

لكن نحن شعوب اتكاليين نحب الغير يعطينا ويسوي لناااااا


ونحب الدلع بس فالحين نتذمر

لكنا لدنيا بخير

مثل ما في ناس من هل النوعيه هم في ناس تخاف على دينها وعلى عروبتها



لعنة الله ا لدنماركيين والامريكانوكل عدو الاسلام


شكرا لك



عبووره