رحـ‘ـماكـ ياربي ..

[مشـاعـل الخـالـد]

السلام عليكم ورحمة الله وبركاته


رحماك ياربي رجاء عبد منصاب
هون عليه وأجعل المر حالي


والطف بنا يالله من هول الأسباب
أقولها واللي جرالي جرالي


اللي جرالي ماتداويه الأطباب
كل الأطباء مايداوون حالي


أمرك إلآه الكون ماعنه مجناب
مؤمن ولآكن من توفيت غالي

البارحه والناس من حولي أغراب
هلت دموع العين تبكي لغالي


تبكي رفيقً راح غطوه بتراب
من عقب محمد ياعرب وش بقالي


( منساه لو ينسى الكحل سود الأهداب )
قد قالها قبلي خبير المجالي


للحين أشوفه في عيوني ولا غاب
الصاحب اللي في الخليقه صفالي


للحين أشوفه واقفً عند هالباب
ثوبه ولبسة غترته والعقالي


للحين أسمع ضحكته بين الأصحاب
للحين أشوفه بكل شيً قبالي


مرحوم ياللي من بغى صحبته طاب
مرحوم يامحمد زبون الرجالي


مرحوم ياللي بالكرم شرع الباب
يشهد على ما أقول وقتً مضالي


يالله عسى الفردوس ياخير طلاب
مثواه يامنشي حقوق الخيالي


وأغفر لنا وأسمح لنا وأنت تواب
غفرانك اللهم عزيز الجلالي



قصيده للشاعر محمد البقمي يرثي فيها شخص يدعى نايف
وقد تم استبدال الاسم بمحمد وهو اسم المرحوم عمي


في امان الله

[مشـاري]

الله يرحم موتنا وموتاكم آمين يارب

وصح السان شاعرها ولا هان ناقلها

[نوارة الخليج]

يالله عسى الفردوس ياخير طلاب
مثواه يامنشي حقوق الخيالي

وأغفر لنا وأسمح لنا وأنت تواب
غفرانك اللهم عزيز الجلالي

اسأل الله له الرحمه والمغفره

ولجميع موتى المسلمين

والله مو سهل فقدان الأحباب لكن هذه سنة الحياة

الله يعظم اجرك مشاعل ويلهمكم الصبر وا لسلوان

[مشـاعـل الخـالـد]

السلام عليكم ورحمة الله وبركاته

حياك مشاري

تحيتي

[مشـاعـل الخـالـد]

الموت انه مثل طعم العلقم

والموت الاكبر ان الحزن يزاد


شقد هالحياه صعبه كئيبه


عوافي نواره

[ضيف ساعه]

اختي / مشاعل الخالد

تسلم يدينك .. أشكرك على الأبيات

الله يسعدك

[ـالهنوفـ]

رحم الله جميع موتى المسلمين ,, وجعل الفردوس الاعلى مثواهم جميعاً ,,

صح لسان شاعرها ,, وسلم إحساسك مشاعل ,,

ورودي ,,

[العزيزة دوووم]

سلم نقلك ياراقية

ورحم الله جميع موتى المسلمين واسكنهم فسيح جناته

محبتي