عمل نص بلون الخلفية؟ كيف؟ تعالوا نشوف(:

[~_نسيم الروح_~]

السلام عليكم ورحمة الله

مساء الخير والنور

أدري إني فاشلة في اختيار المواضيع لا تدققوا

أنا قلت في درس النار راح أنزل الدرس الجاي بعد شهر بس ماقدرت أصبر عليكم وحشتوني ياحبي لي

واللي يرد بدون تطبيق والا يقول برب ولا نشوف وجهه الصبوح ياويله

عموما الدرس سهل مرة وأسهل من درس النص الناري بعشر مرات ولافيه امج ريدي للي يخافوا منه <<< مو رهين ترى

يالله هششش نبدأ الدرس ترى مزكمة ومافي أرفع صوتي لآخر الصف

درسنا اليوم كيف نخلي النص بلون الخلفية ونظهره أو نوضحه بلون مخالف ينبثق كالشعاع من ورا النص

لا تتخيلوا

شوفوا مثال





حلو صح

نبدأ الخطوات


الخطوة الأولى

من لوحة المفاتيح اضغط على حرف D .. راح نلاحظ تغير الألوان للأبيض والأسود

مرة تانية نرجع للوحة المفاتيح ونضغط على حرف X لتعكس الألوان يعني الأبيض قدام والأسود ورا


الخطوة الثانية

ممكن تختاروا صورة للتطبيق عن طريق File ثم Open أوافتح مساحة عمل جديدة عن طريق
File ثم New



أنا في المثال الثاني فتحت عمل جديد واخترت المقاسات 320×100 والخلفية بيضاء



راح تظهر لنا مساحة العمل بيضا وعشان نلونها بالأسود (حسب الرغبة مو شرط أسود)
إذا حابين تكون الخلفية سوداء نضغط من الكيبورد على D ثم نختار آداة الدلو



ونضغط على مساحة العمل البيضاء ضغطة واحدة وراح تتلون المساحة باللون الأسود


الخطوة الثالثة

نغير لون الواجهة باللون اللي حابين نكتب به , أنا اخترت الأحمر لأنه مع الأسود شيك وإنتو على راحتكم
درجة الأحمر اللي اخترتها = FF0000

نختار آداة النص أو الكتابة ونكتب النص اللي نبغاه

أنا كتبت نكي
الخط K Nasim والحجم 30

الخط هذا أنا محمتله ممكن ماتلاقوه عندكم اختاروا أي خط عموما

وهذا بعدما كتبت النص



تقدروا تحركوا النص لأي مكان في مساحة العمل باستخدام أداة المؤشر


الخطوة الرابعة

نروح لصندوق الليرات وننسخ لير النص كما في الشكل



راح يكون بوكس الليرات بهذا الشكل بعد النسخ



,
,
,
يتبع بعـ

[~_نسيم الروح_~]

الخطوة الخامسة

راح نغير الآن لون الكتابة في اللير المنسوخة

لاحظ صورة صندوق الليرات في الصورة السابقة اللير محدد بالأخضر يعني مفعل

وإذا ماكان مفعل اضغطوا عليه بالماوس

بعدها نختار أداة الكتابة من قائمة الأدوات ونروح للنص اللي كتبناه في مساحة العمل ونضغط عليه بالفأرة ثم من لوحة المفاتيح اضغط على Ctrl + A عشان نظلل النص بالكامل

بعدها نغير اللون ونخليه نفس لون الخلفية وبما إن الخلفية سوداء راح نختار اللون الأسود (أو حسب لون خلفيتكم)


لاحظوا بعدما غيرنا لون النص



بو
اختفى !

الخطوة السادسة

نفعل اللير الأساسي بالضغط عليه بالماوس



نحول اللير المحدد من نص إلى صورة عن طريقLayer > Rasterize > Layer



شوفوا كيف صار شكل اللير في البوكس




الخطوة السابعة

نحدد محتوى اللير اللي حددناه
ومن لوحة المفاتيح نضغط على زر Ctrl ونستمر بالضغط عليه ونتجه بالماوس للير المطلوب ونضغط عليه بالزر الأيسر

راح تكون النتجية كالتالي




حاليا نعكس التحديد وذلك بالضغط على Ctrl + Shift + I من لوحة المفاتيح

وراح تكون النتيجة متل هيك



الخطوة الثامنة

الخطوة الأساسية في الدرس وهو الفلتر التاليFilter > Blur >Gaussian Blur




راح يظهر لنا البوكس التالي



والقيمة = 3 ثم Ok




نكرر الفلتر عدة مرات بالضغط على Ctrl + F من لوحة المفاتيح
أنا كررت 4 مرات

وهادي النتيجة النهائية




انتهينا

يالله أشوف تطبيقاتكم يا طيبين

لا أشوف كلمة برب

[رهين الدموع]

وش ذا الدرس الحين منو يفكر يسوي مثل هيك بالله ؟
صدق أمحق درس

الا تعالي وش السالفة

أنا طبقت وهذا الا طلع لي



مو أنا كتبت باللون الأحمر ؟ وش جابه أسود ؟
أكيد في خطوة ما كتبتيها لأني تابعت الخطوات
تدرين ليش ، رايق هالصباح

[~_نسيم الروح_~]

هلا رهينو

يمكن عندك عما ألوان

إنت مختار اللون الأسود يعني تبغاه يتحول لأحمر بقدرة قادر والا كيف

حتى درجة اللون الأحمر حطيتها لأني أعرف أعذارك

المشكلة لمن تروق تخربها

المرة الجاية طبق وإنت زعلان

وبعدين رديت الساعة 10 ونص الصباح

هارب من المدرسة هاه

[الأيام]

نسومه


تسلمين بارك الله لج

تسلمين على الدرس والشرح اكثر من رائع


لج الف تحيه

[حقوق الانسان]

ههههههههههههههه

يعطيك العافيه نسموووه الدرس سهل وحلو

وباذن الله بطبقه عن قريب <<<<< يعني مافيه برررب

تحيتي لك

[~_نسيم الروح_~]

الله يسلمك يا ايومة ويخليك

منورة

لا تنسي التطبيق

[~_نسيم الروح_~]

هلا حقوقوه

طيبن نشوف

الله يعافيك