|
 |
 |
 |
 |
 |
|
||||||||
 |
|
|
LinkBack | أدوات الموضوع | طرق مشاهدة الموضوع |
04-02-2008, 02:22 AM
|
رقم المشاركة : 1 | |
|
|
يا ذيب عاهدني واعاهدك ما رميـك
الـــــشــــــريـــــف بــــركـــــات
الشريف بركات الجودي-من الأشراف ذوي جودالله(الجوادا)-من شعراء القرن العاشر،وأوائل القرن الحادي عشر،فهو من أشراف مكة الذين الذين يقولون الشعر عن سليقة لا أثر للتكلف فيها،وإن وصيته لابنه مالك الآتية في هذه القطعة الشعرية الرائعة،وصية أب مشفق،ترمى بجانبها كل الوصايا والعلوم التربوية التي أتعب علماء النفس والتربة أنفسهم في تدوينها،وهكذا يرى الآباء أبنائهم، وإلا فيا ضيعة الأبناء، آملاً منكم قرائتها حيث أن البعض يراها طويلة فلا يقرؤها، فأتمنى من الجميع قرائتها لأنها تستحق القراءة والقوفه عندها قال في قصيدته التي يوصي ابنه مالك فيها: يا مرقب بالصبـح ضليـت اباديـك=مـا واحـد قبلـي خبرتـه تعـلاك وليت يا ذا الدهر ما اكثـر بلاويـك=الله يزودنـا السلامـه مـن اتـلاك يللي على العربان عمـت شكاويـك=وليت يا دهـر الخطـا ول مقـواك واليوم هالكانـون غـادي شبابيـك=تلعب به الارياح مـن كـل شبـاك يا مالك اسمع جابتي يوم اوصيـك=واعرف ترى يا بوك بامرك وانهـاك وصيـة مـن والـد طامـع فيـك=تسبق على الساقه لسانـه لعليـاك اوصيك بالتقوى عسـى الله يهديـك=لهـا وتدركهـا بتوفيـق مــولاك الله بحـق اجـدادك الغـر يعطيـك=رضاه مع كل ما تمنى مـن امنـاك احفظ دبشك اللي عن الناس مغنيـك=اللي الى بان الخلـل فيـك يرفـاك واعرف ترى مكه ولاها ابن اخيـك=لو تطلبه خمسة دواوين ما اعطـاك اجعل دروب المرجلة مـن معانيـك=وادراج سيسها على العـز مرقـاك لا تنسدح عنها وتبغينـي اعطيـك=جميع ما يكفيـك مـا حاصـل ذاك احذر امـر ليعـات تبيهـا لتاليـك=ايضا ويرخص عندها قـدر مـأواك ادب ولدك ان كان تبغيـه يشفيـك=واستسعفه من بعـد مربـاه يـالاك اما سمج واستسمجك عنـد شانيـك=ويفر من فعله صديقـك وشـرواك والا بعد جهلـه تـرا هـو بياذيـك=لو زعلـت امـه لا تخليـه يـالاك واحذر تضيع كل من هو ذخر فيـك=معروفه لا تنسـاه واوفـه لعرفـاك ترا الصنايع بين الاجـواد تشريـك=الـى طمعـت بركزهـا لا تـعـداك واحذر سرور بغبة البحـر يرميـك=ولا عنده افلس من تشكيك وبكـاك واوف الرجال حقوقها قبـل تعنيـك=لا تعتمـد بالعفـو فالحـق يقفـاك وهرج النميمه والقفا لا يجي فيـك=واياك وعرض الغافل ايـاي وايـاك تبدي حديث للنـاس فيـه تشكيـك=وتهيم عند الناس بالكذب واشـراك واذا نويـت احـذر تعلـم بطاريـك=كم واحد تبغي به العـرف واغـواك واحذر شماتة صاحب لك مصافيـك=والى جرا لك جـاري قـال لـولاك ولا تحسب ان الله قطـوع يخليـك=ولا تفرح ان الله على الخلق بـداك ان اشتهى حط الطمع فـي تواليـك=لو ما لقيته يا فتـى الجـود يلقـاك والضيف قـوم لـه حيـن يلفيـك=مما تنوشه يا فتـى الجـود يمنـاك اكرم قبالـه فانهـا مـن شواديـك=وابذل له المجهـود مـا دام يعنـاك واحذر تلاقي الضيف مقرن علابيـك=خله محـب لـك صديـق اذا جـاك واوصيك زلات الصديق ان عثا فيك=ما دام يغطاها الشعـر فاحتمـل ذاك راعه ولو ما شفـت انـه يراعيـك=عساك تكسر نيتـه عـن معـاداك واحذر عدوك لـو ظهـر بيصافيـك=خلك نبيه وراقبه ويـن مـا جـاك لا تامنه فاطلـب مـن الله ينجيـك=ويكفيـك ربـك شـر ذولا وذولاك شفني انا يا بوك بآ مـرك وانهيـك=عن التعرض بين الاثنيـن حـذراك اذا حضرت طلايـب مـع شرابيـك=اسع لهم بالصلح والـلاش يفـداك ابذل لهـم بالطيـب ربـك ينجيـك=لا تجضع الميـزان مـع ذا ولا ذاك اما الشهادة ادهـا ان دعـوا فيـك=بين عمود الدين لا عميـت اريـاك بالك تماشـي واحـد لـك يرديـك=طالع بني جنسـك وفكـر بممشـاك رابع اصيل فـي زمانـك يشاكيـك=والى شاف خملاتك عن الناس غطاك واحذر عن طرد المجفـي حذاريـك=عليك بالمجبل وخـل مـن تعـداك ثم العـن الشيطـان ليـاه يغويـك=تـرا ان تبعتـه للشرابـيـك وداك واوصيك لا تشتكي علينـا بلاويـك=انت السبب اخذك عيونـك بيمنـاك واعرف ترا اللي وطا الفعر واطيـك=ولا انت اعز من الجماعة هـذولاك المسك يا راسي عن الذل واخطيـك=واحذر تكلـم يـا لسانـي حـذاراك والطف بجارك ثم قـم دون عانيـك=وافطن الما يعنيك عن ربعة اخـواك يا ذيب وان جتك الغنم في مفاليـك=فاكمن الى حيـث الرعايـا اتعـداك من اول يا ذيـب تفـرس ابياديـك=واليوم جا ذيب عن الفـرس عـداك يا ذيب عاهدني واعاهدك ما رميـك=ما رميك انا يا ذيب لو زان مرمـاك والنفس خالف رايها قبـل ترميـك=ترا لها الشيطان يرمـي بالاهـلاك ومن بعد ذا لا تصحب النذل يعديـك=وعن صحبة الانذال حاشاك حاشـاك والهقوة انك ما تجـي دون اهاليـك=ولا اظن عود الورد يثمـر بتنبـاك والحر مثلك يستحي يصحب الديـك=وان صاحبه عاعا معاعات الاديـاك لا تستمع قول الطرف يـوم يلفيـك=بالكذب يقضي حاجته كل مـا جـاك من نم لك نم بك ولا فيـه تشكيـك=ويـلاه قـد ازرا رفيـقـك وازراك عندك حكا فينا وعندي حكـا فيـك=واصبحت كارهنـا وحنـا كرهنـاك ما اخطاك ما صابك ولو كان راميك=واللي يصيبك لو تتقيت ما اخطـاك مير استمع مني عسـى الله يهديـك=النصح يـا مالـك لـك الله مـولاك عنـدي مظنـه مـا تمثلتهـا فيـك=واطلب لك التوفيق من عند مـولاك للإستماع للقصيده دمتم بود,, |
|
    
|
|
04-02-2008, 05:00 AM
|
رقم المشاركة : 2 | |
|
|
واحذر تلاقي الضيف مقرن علابيـك=خله محـب لـك صديـق اذا جـاك
واوصيك زلات الصديق ان عثا فيك=ما دام يغطاها الشعـر فاحتمـل ذاك راعه ولو ما شفـت انـه يراعيـك=عساك تكسر نيتـه عـن معـاداك اضافه مني : الشريف بركات هو بركات بن مبارك بن عبدالمطلب الحسيني الهاشمي . . . لقبه ((الشريف)) نسبة إلى الأشراف وهم الذين ينتهي نسبهم إلى الخليفة الرابع على بن أبي طالب كرم الله وجهه . . . وجدهم لأمهم رسول الله محمد بن عبدالله صلى الله عليه وسلم عاش بركات الشريف في أواخر القرن العاشر وأوائل القرن الحادي عشر الهجري . . . من أشراف مكة المكرمة القلائل الذين اجتمعت فيهم الشجاعة والفروسية والحكمة والأدب وقد تميز برجاحة عقلة وسعة نظره . . . كان شاعراً ذا شعبية كبيرة بين القبائل وله مآثر كثيرة وأفضال كثيرة عليهم فقد كان جواداً كريماً لا يرد سائلاً فتسابق الشعراء في مدحه ذاكرين خصاله وسجاياه الحميدة طامعين بهباته , وكان دائماً عند حسن ظنهم فيه حتى قيل أنه يعطي كل ما يملكه دون بخل وقد بلغت شاعرية بركات الشريف القمة خصوصاً حينما نظم و صيته المشهورة التي يوصي بها ولده (( مالك )) وهي محور الموضوع وكانت وصية كاملة شاملة عامة تصلح للناس كلهم على مختلف فئاتهم وعصوهم حتى أسماها الناس (( دستور الرجولة )) وهي فعلاً كذلك فقد شملت كل أوجه الحياة ولم يغفل شاعرنا فيها بيتاً واحداً إلاَّ وضمنه حكمة أو وصية تدل على صدق شاعريته وعمق نظرته وبعد نظره واستفادته من تجربته بالحياة التي ترجمها ببراعة قصيدته فكانت حقاً من عيون الشعر النبطي وما زال الناس يستشهدون بوصيته تلك حتى الآن وأصبح كل بيت منها موضوعاً وكل شطر منه حكمة تغني عن شرح طويل , فقد استعرض فيها شاعرنا شئون الحياة سمعتها كلها والله قصيده غنية ورانيه و ساميه المعاني قلنالك خلي التوقيع السابق لكنك تبي التجديد ^_^ مير استمع مني عسـى الله يهديـك=النصح يـا مالـك لـك الله مـولاك عنـدي مظنـه مـا تمثلتهـا فيـك=واطلب لك التوفيق من عند مـولاك إختيار راقي يالناعس كعادتك تسلم يارب والله يهدينا كلنا ونقدر نلتزم ولو بربعها |
|
|
|
|
04-05-2008, 02:54 PM
|
رقم المشاركة : 4 | ||||||||||||||||||||||||
|
|
ههههههههههههههههه طيب المره جايه يامشاعل راح اخليه <<<<اي مره جايه الله يهديك  تسلمين والله يامشاعل على اطلالتك وإضافتك وروعة حضورك ومثل ماقلتي ليتنا والله لو اننا نطبق ربعها بس |
||||||||||||||||||||||||
|
|
|
04-07-2008, 05:48 PM
|
رقم المشاركة : 6 | |
|
|
اوصيك بالتقوى عسـى الله يهديـك=لهـا وتدركهـا بتوفيـق مــولاك
الله بحـق اجـدادك الغـر يعطيـك=رضاه مع كل ما تمنى مـن امنـاك الله يرحمه ويغفر له جزاك الله خير يالناعس تسلم مااتحفتنا به |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
