السـعـدون00000000

[نديم المجره]

المعني بهذه القصيده هو سعادة العميد متقاعد / محمد بن مسير السعدون (ابوسطام)
المناسبه :
كان باب منزله مفتوح على مدار الساعه يقصده القريب والغريب وصاحب الحاجه حيث كان لايرد عاني مهما كان مستواه الاجتماعي كبيراً اوصغيراً ويبذل جميع مايملك من امكانيات للمساعدة وكنت دائم الزياره له واشاهد بام عيني مواقف الشهامه والنخوه مع قاصديه 0
انتقلت من الشرقيه الى الرياض لمدة اربع سنوات ورجعت الى الشرقيه في نهاية عام 1427 وذهبت الى منزله وكان معي ابني وعند وصولنا سألني ابني وقال : (غريبه باب ابوسطام مغلق) سألنا احد الجيران وقال انه انتقل من المنزل منذو سنه (اسف على الاطاله) فوقفت انظر الى الباب وقلت :

مـريت بـيـتٍ لابـو سطـام مــــردود * وهلت عبايـر دمعـتـي عـنـد بـابــــه

استغربت عيني ورى الباب مسدود * قالوا رحـل عـنه وغـيـره لـفـا بـــه

وقفت عند الباب والبـاب موصـــود * ومرت بي الذكرى مرور السحابـه

ذكرت رمز العز والمجـد والجــــود * محمد ولد مسيـر سليـل الـذيابـــــه

له موقفٍ دايم مع الناس مشهـــود * عز الله إنـه هقـوة اللـي هـقـابــــه

يفزع لمن جاله من الناس ملـهـود * يفرج عقب ربي لمن هـو لجابــــه

يفزع ولا يرجي من الناس مــردود * يرجي ولي العـرش يجـزل ثوابـــه

الجود بالسعـدون أحفـاد وجــــــدود * بين العرب عاشـوا بعـز ومهابـــه

صغيرهم لو هو رضيـعٍ وممهــــود * تشوف بعيونـه مـواري النجابــــه

الطيب فيهم واضحٍ مايبـي شهــــود * يكفيـك أبوجـراح طيـب وحـبابـــــه

(نديم المجره)

ابوجراح : (هو العميد / احمد بن ثامر السعدون)

[&احساس طفله&]

(نديم المجره)
.
.


أبيــات قمــّــه في الجمال..


وكل إنــــاء بما فيه ينضح...


صح الله لسانك...


ومن إبداع إلى آخر.
.
.
دمت بود

[نديم المجره]

اقتباس   المشاركة الأصلية كتبت بواسطة &احساس طفله& (نديم المجره) . . أبيــات قمــّــه في الجمال.. وكل إنــــاء بما فيه ينضح... صح الله لسانك... ومن إبداع إلى آخر. . . دمت بود

صح بدنك لاهنت
الله يسعدك
لك الود والتقدبر

[ضيف ساعه]

اخوي / نديم المجره

صح لسانك يالغالي .. الطيب كلا ً بيفقده اذا غاب .. والردي محد سأل عنه

تسلم يدينك على الابيات الرائعه

تحياتي لك والله يوفقك

[نديم المجره]

اقتباس   المشاركة الأصلية كتبت بواسطة ضيف ساعه اخوي / نديم المجره صح لسانك يالغالي .. الطيب كلا ً بيفقده اذا غاب .. والردي محد سأل عنه تسلم يدينك على الابيات الرائعه تحياتي لك والله يوفقك

صح بدنك لاهنت
الله يسعدك
تحياتي

[ـالهنوفـ]

ونعم فيه .. وفيك ..

صح لسانك اخوي نديم المجره ..

وسلمت على هذه القصيدة الجميلة وزناً ومعنى ..

تقديري ..,,

[نديم المجره]

اقتباس   المشاركة الأصلية كتبت بواسطة ـالهنوفـ ونعم فيه .. وفيك .. صح لسانك اخوي نديم المجره .. وسلمت على هذه القصيدة الجميلة وزناً ومعنى .. تقديري ..,,

صح بدنك لاهنت
ربي يسلمك ويسعدك
تحياتي