متى تعرف انك تحب؟؟

[اياد ناجي محمد]

متى تعرف انك تحب؟؟
ومتى تعرف ان العلاقة اللي بين الشخصين تسمى بـ"الحب"؟؟
ومتى تعرف ان هذا الوقت المناسب عشان تقول "احبك"؟؟

في البداية باقول رايي وجوابي على هذي الأسئلة .. وان شاء الله اقرا آرائكم المختلفة في هذي الموضوع


بالنسبة لي ..
مافي "حب من أول نظرة " ولكن في "إعجاب من أول نظرة" الإعجاب أولاًً ثم يأتي الحب ..

ليش قلت هذا الكلام وعلى أي أساس قلته؟؟!!

قلت هالشي لأن الحب يبيله وقت لين يصير ..

أحياناً يحس الواحد أن هناك مشاعر قوية اتجاه شخص معين ..
يستانس ويرتاح لين يجوفه وينسى كل شي يضايقه ..
ويحس ان هالشخص اهم شخص في حياته ويفكر فيه طول الوقت ..
وبيسأل نفسه هالشخص "هل انا احب؟؟!!"

الحب شي مو سهل وما ايي بهالسهولة ..
ولازم كلمة "احبك" ماتنقال حق اي احد حسيت له بهالشعور القوي والاعجاب حتى لو بادلك اهوه نفس الشعور ..

الحب له مواصفات خاصة بين الشخص اللي يحس بهالشعور والشخص اللي تحس له ..
الحب مبني على اسس كثيرة تأتي قبل شعور الاعجاب لأنها اهيه الأهم واهيه اللي بتأمن التواصل بين الشخصين ..
واذا حبيت اكثر من مرة بتحس ان مشاعرك غير عن قبل ومشاعرك بتختلف من تجربة لي تجربة لأن مافي مشاعر ثابته للحب ..

لما تقول "احبك" لازم تفكر بالمستقبل قبل لا تفكر بنفسك بالحاضر ..
لازم تحط في بالك ان الشخص اللي بتقول له "احبك" بكون لك في المستقبل كزوج أو كزوجة ..

عشان جذي لازم تسأل نفسك وايد أسئلة قبل لا تقدم على هالشي ..
شنو تحس اذا كان هالشخص يمك ؟؟ هل تحس بأمان؟؟ هل تحس بسعادة؟؟ برضى؟؟
هل تحس بأن في شي يربطكم ويجمع بينكم؟؟ هل تحس بالثقة لما اتعامل معاه؟؟ وهل .. وهل .. وهل ..

ومحد يقدر يجاوب على هالأسئلة غيرك انت لأن انت بس اللي تعرف بشنو تحس حق هالشخص ..
ولازم تعرف ان في هناك فرق بين الكلمات هذي .. أنا أحبك ... أنا معجب فيك

للأسف الحين محد يفكر في هالشي ..
صارت كلمة "احبك" كلمة عامة منتشرة وكل من يرددها .. مع ان اهيه المفروض تكون كلمة نادرة ..
ويتسرع الشخص في الاعتراف بمشاعره ويقول "احبك" بدون مابتأكد من استعداده لتحمل مسؤولية هالكلمة ..

عشان جذي تعتبر كلمة "الحب" المنتشرة هذي الايام هي نفسها "الاعجاب" ..
ولكن لما تتواجد الصفات اللي باقولها اهني نقدر نسمي العلاقة "الحب القوي" ..


متى تعرف ان هذا الوقت المناسب عشان تقول "احبك"؟؟

لما يكون هناك اهم الصفات اللي لازم يتأكد من وجودها بعد "الاعجــاب" ..
وهي الثـــقة بين الاثنين ..
التفــــاهم لحل المشاكل ..
الارتبــاط العاطفي بين الطرفين ..
تحمـل المسؤولية وهذي الشي مهم للمستقبل ..
لا يـــوجد أسرار أو ماتخبأه عن الشخص الآخر ..
الاهتـــمام بتحقيق السعادة للشخص الذي تحبه أكثر من تحقيقه لنفسك، اللي اهوه "التضحية والعطاء" ..
المشاركــة بنفس المشاعر التى يمر فيها، إذا كان حزين تحزن عشانه، وإن سعيد فتفرح له ..
الاهتمــام بالشخص الآخر والخوف عليه وتحاول أن تفعل ما يسعده وتبعد عن كل شئ يغضبه ، واللي اهوه "المشـــاركة"

وكل شي ايي بالتدريـج .. تكون نتائجه ايجابيـه ان شاء الله


ولما تحس ان كل هالصفات موجودة .. بتخليك تسوي أشياء عشان اللي تحبه ماقدمتها لأي شخص آخر ..
وبإذن الله اكيد اللي بينكم هو "الحب القوي" والدائم ان شاء الله

[رياح الشمال]

بسم الله الرحمن الرحيم


الحب هو شعور بالاعجاب والانجذاب نحو شخص معين وهو ليس لونا واحدا

ولكن كلامك كان في غاية الدقة عندما فرقت بين الاعجاب بشخص وحٌب الشخص

واعتقد ان الاعجاب والعشق كلمتان مترادفتان لاتستوفيان معنى الحب بصورة كاملة

فالحب يحتاج الى الوقت والتأني وليس وليد اللحظة وله تداعياته كما له علاماته وشروطه



وشكرا لموضوعك اخي الكريم وطرحك الجريء

[LATO∫A]

صح أصابعك ونقل موفق
وخلوا عنكم سوالف حب من أول نظره ولا حب من أول هوشه مادري حب من أول نقاش
حب ياهال هذا . ونادر ما يطول
كلمة احبك ماتطلع الا بعد ماتخبزينه وتعرفينه اكثر من نفسج / نفسك

[ابن النسيم]

عندما تحس أنك هو ويحس أنه أنت وشكرا جزيلا لك