وين الشعر ... بيتين ونبي بيتين رد

[ضيف ساعه]

وعليكم السلام ورحمة الله وبركاته
هلا بك اخوي نهار ومسهلا

في داعي اهل الجود نلفي طوايير ** ونشعل بـ نور القافيه كـــــل طامس
نهار تسلم يا سليل المنـــــــــاعير ** ارقى سنود .. ولامس الجدي لامس

وسلامة الجميع

( ضيف ساعه )

[نهار]

حيا الله عجايز المنتدى

هلا بك حبسيه يعطيك العافيه علىالمرور والشرطه والدفاع المدني

ومره ثانيه قبل تدشين شيلي غبار التراث لاني مزكوم وشارد منكم هناك << تنكر للتراث

[مشـاعـل الخـالـد]

السلام عليكم ورحمة الله وبركاته

صح لسانك ضيف ساعه ..


متابعه ولا ازال ..

بالتوفيق

[نهار]

هلا والله فيك ضيف ساعه صح الله لسانك ولا هنت

نبي نحدد الحين شخصين للمحاوره او الرديات يترادون لين يخلصون وتبدى محاوره ثانيه كذا افضل يكون فيه تنظيم

ولو حصل ان الرد يكون سريع يكون افضل للحماس


الحين الي يحب يحاور يتفضل يبدي رغبته بعد ها الرد علشان نبيدى وياه

يعطيكم العافيه

[نهار]

هلا بك مشاعل حياك الله

يعطك الف عافيه على المتابعه

[حبسيه]

عيووووز بعين العدووو

انزين انا بشارك وامري الله

وما ابا حد يدخل معااااااااي محاوره لانه ما يقدر علي<<


قم رد لي ياشايم...شقرا طويلة باع

لي بالمخب تزايم...تدعي الجديل اقطاع

لو ما أحاتي اللوايم... وأدري من الضياع

باخليهن جسايم...هجني على المفزاع

لين تبين العلايم...ويقابلني الرفاع

وانصى ناس حشايم...ماخربو الاسناع

في مشاهدهم نعايم...وفي بعدهم الأوجاع

حذرين من التهايم...ومتورثين أطبــاع





لا تقول مو حلو والله احسن من شخبط شخابيط مال بنت العجرم

طبعا انا الي كاتبته <<< كذابه فديتني <<<

الله يعطيكم العافية

وفي انتظار المحاور

[نهار]

هاك يا عجوز التراث هذا ردي على ابياتك ( الملطوشه )

وابي اشوف اذا فهمتي شي ههههههههه




عمري قضيته هايم ..... ومبحر بدون شراع

سبت عنود ٍ لا يم .... يلوم من له جاع

له مبسم ٍ به شايم .... والشهد وسطه ماع

وعيون حر حايم ..... سود ٍ دوى الملتاع

وجدي على العمايم .... الي على المطلاع

يليت منهو دايم ..... يجني ورود القاع

يلي عرفت العايم .... غبه ان كانه فاع

والا انت يلي نايم .... العلم عندك ضاع

[ضيف ساعه]

هههههههههههههههه
المحاورة الحين بينكم نهار وحبسيه حنا متابعين
منتي هينه حبسيه .. يالله عاد نشوف ردك شلون ؟