دعوات العجايز ايام قبل :)

[الناعــس]

السلام عليكم ورحمة الله وبركاته

هذي بعض الدعاوي القديمه لجداتنا وعجايزنا..

وأنا أقولكم من الحين .. حاسبوا حاسبوا من ألسنتهن

ما تصدقوني !!! شوفوا معاي :


اقعد........................... قعد رسك وانطفى حسك

قوم........................... قمقم الله عصبك وكسر الله ركبك
نام........................... نامت عليك طوفه

روح ........................... راحت روحك
اتغدا........................... عساك غده

يالله صل........................... صلت جبهتك .....او ..... الله يصلي بدنك
ييب ........................... يب يب الله بطنك

سلم........................... عساك ماتسلم
فج........................... انفجت اضلوعك وليحان صدرك

اتحب........................... حبتك القراده
يوز........................... حبتك العيوز

كل ........................... كلتك حوته
ول........................... وليت من الدنيه ..ولت حلاتك

بل........................... اتبلبلت احنوجك

[مشـاري]

يوز........................... حبتك العيوز


معنا يوز يعني اعقل


وينها بنت الذينا أمنو هل العيوز الي بتحبني ولها علي ايوز


الا ماقتلي دعاوي بنات اليوم شنهي

اكيد ضف وجهك ولا اقول اذلف ولا جب

مشكورر اخووي الناعس على هل الدعاوي السنعة

وفاااالك دعووة حلووه مني ان الله يوفقك وين ماكنت ويرزقك بعيوز حلوه مثل حبسوه

[حبسيه]

مشاااااااااااااااااااااااااااااااااااااااااااااااا اااااااااااري

يوز........................... حبتك العيوز << دعوة عيوز <<<

نعوووووووووووووووس

الله يسعدك يارب << دعوة بنات اليوم <<<

دمت بود

[ابو مهند]

هذا عجو خكاريه

حنا يقلون

يملا الساحق والماحق والبلا المتلاحق


ولا يملا الجدري الي ينصل عضاامك

وهلما جرااا الله يكفينا شرهم

مشكور اخوي الناعس على هالدعاوي الحلوه ياعاشق العجايز ههههههههههههههههه

دمت بخير

[الأيام]

يقلون عندنا


يوز امك عيوز كانك قطو نيروز هي مش دعوه بس دايما يقلونها للولد الحرك وايد


الناعس

يعطيك الف عافيه اخوي

لك تحيتي

[مشـاعـل الخـالـد]

السلام عليكم ورحمة الله وبركاته

الف حمد وشكر ماقد مريت بالدعاوي هذي

بس اسمعها بالمسلسلات .. وتعجبني ..


جدتي ام امي توفت قبل انولد

وجدتي ام ابوي فديت لسانها الطيب مايقطر الا بالطيب توفت قبل شهرين


تحيتي وربي يجنبك دعاويهم :)

[نوارة الخليج]

يؤ وش هالدعاوي مت ضحك يوم اقراها

ياكثر مانسمع نامي نامت عليك طووفه

يعطيك العافيه الناعس

ودمت بخير

[راشـد المهمــوم]

الله لايقبل منهن

لا واذا صارالابو زعلان على الولد ودعاه وقال سم

يرد الابو ((ســـم وعقرباً له ام ))