مدرسة المشاغبين ( لتعليم الشعر )

[LATO∫A]

استاذ نهار انت مو بتطلع شمقعدك ؟
خلاص يبا طق الجرس لا نشوفك هني لا باجر ههههههههههههههه
شهالمدرس النشبه

[نهار]

هلا بك ضيف ساعه حيا الله المرشد الطلابي

اقول ضيف ساعه برز عمرك للتسطير لاني كل يوم بطرد لك طلاب من ها الفصل شكلهم كذا بيسوون لنا زحمه وبنوقفهم عند الاداره وتسطير

حياك الله يا مرشد المدرسه

اقول ضيف ساعه انتبه للي يدخنون والي يدعسون الدخان في الحمامات الله يكرمك

[ضيف ساعه]

اوكى خلهم لي بس عندي خبرة بالتدريس أطلع الواحد اما صاحي واما خبل
اما الطلاب المشاغبين أخليهم لك زي المسطرة
المرشد

[دافـ الدمعه ـىء]

<<< احد الطلبه المُسَجَلهَ


جاي وبيدي اليمني ريالين ونص اشتراك سنوي بهذه المدرسه


ذيب يا نهار ذيب

[نهار]

هلا والله دافي

اقول قم انت وريالينك ليكون جاي بوفيه انت جايب لنا ريالين حق جبن مشكل وببسي

رسومنا خمسين الف تبي اهلا ما تبي ضف وجهك هههههههههه

والله يدافي لو تبينا نعطيك فلوس علشان تشترك حاضرين طال عمرك مثلك ينشرى << نصاب


يله شد حيلك دافي ترانا بنبدى قريب بس ننطر الطلاب يتجمعون تعرف ها الايام اجازه ومفتلين الطلاب مدري وين ذالفين

[LATO∫A]

المدرسه فيها رسوم ؟؟
<<- مادفعت ولا فلس

يالله انا وصلت ..

متى اول درس ؟

[نهار]

اليوم / الخميس

التاريخ / 17 / 4 / 2008

حكمة اليوم / افتح مخك قبل تبقق عيونك

عنوان الدرس / وزن القصيده


================================================



وزن القصيده : انا بشرح با العاميه يعني بشرح بطريقه سوالف علشان اكثر طلابنا متنحين ومن النوع الي ما يفهمون الا كذا

الوزن يا بابا انت وياه هو القاعده الاولي للشعر والقصيده ما تكون قصيده الا اذا كانت موزونه والوزن انواع واجد بس اول شي بنبدى نعرفه

بختصر الوزن عليكم وبقولكم هو اللحن الي يمشي على ابيات القصيده من اولها الي اخرها بدون لا يحس الي يلحن انه غير اللحن ولا وقف عند بيت

ناخذ مثال بسيط لو نلحن مثلا ها البيت

يلي تبي تكتب معانا قصيده ...... الوزن ثم القاف ثم المعاني

هذا بيت موزون لانه لو لحنته بيمشي معاك با اللحن

وبخليكم تجربون اللحن عليه بعد ما نخليه مكسور وبتشوفون ان اللحن الي لحنتوه فيه مساع ما يركب عليه وبكذا بيوصلكم معنى الوزن عدل

الحين بنغير في البيت شوي وشوفو اللحن الي حطيتوه عليه يركب عليه والا لا ؟

يلي تبي معانا تكتب قصيده ...... الوزن ثم المعاني ثم القاف

جربو اللحن الي اخترتوه للبيت الي فوق ومشي عليه جربوه الحين عقب ما غيرنا في البيت شوفو يجي عليه اللحن والا لا


اذا جربتو بنرجع للدرس الثاني وبنطلب من كل واحد يكتب بيت موزون او يحاول قدر ما يستطيع يكتب لنا بيت موزون علشان نشوف مدى الاستيعاب


<< يقول شكل الربع كلهم متنحين الله يعين

[LATO∫A]

اقتباس   المشاركة الأصلية كتبت بواسطة نهار الحين بنغير في البيت شوي وشوفو اللحن الي حطيتوه عليه يركب عليه والا لا ؟ يلي تبي معانا تكتب قصيده ...... الوزن ثم المعاني ثم القاف جربو اللحن الي اخترتوه للبيت الي فوق ومشي عليه جربوه الحين عقب ما غيرنا في البيت شوفو يجي عليه اللحن والا لا

نهار والله الظاهر انت اللي متنح ..!!
نجرب على شنو بالضبط ؟
انت ماكتبت الا بيت واحد !!!!