مدرسة المشاغبين ( لتعليم الشعر )

[نهار]

زين زين

الحين تاكدت انك بديتي تفهمين

بس كافي اليوم ها الدرس اصبري لين يجونالطلاب الثانين بكره علشان يطبقون نفس الشي ونمشي كلنا سوى


يله اطلعي فسحهالحين روحي اشتري لك سندويش فلا فل وببسي وربيان

[LATO∫A]

فلافل وبيبسي وربيان ؟
عفيه بطن يتحمل كل هذا !!

زين بننطر وان ماوصلوا الطلاب باجر كمل مالي شغل :(

[نسمات مغربية]

أستاذ أستاذ أنا أسجل
بس بليييييييييز خليه بالدارجة المغربة أو العامية الشامية
لأنو محسوبتك قصدي أختك العمى ما كنت لاقي الكلمة
يعني طالبتك ضعيفة شوي بالفصحة
ممكن؟

بس ليكون فيها عقوبة المدرسة أعيد كتابة بيت ملون مرة
أو فيها كفوف وطيارات
من هون من اولها خلينا نتفق

تحياتي لك أستاذي
كل التقدير

[نهار]

صافي يا غزاله ما كينش والو كنهدرلك با الدارجه ونكتب شعر با الدارجه


نسمات انتي يبيلك اول تعليم اللهجه الخليجيه وبعدين نعلمك شعر يعني يبيلك دراسه الصبح وببعد الظهر


يعطيك العافيه الخليجيه

[مشـاعـل الخـالـد]

السلام عليكم ورحمة الله وبركاته

بدايه اشكرك مشرفنا العام لاتاحة الفرصه لنا .. بكتابة تساؤلاتنا حول القصيده ومعنى ابياتها .. وتصحيح

الكسر فيها ان وجد ...


ثانيا .. سأضع بين يديك قصيده من احب القصائد الي ..

اتمنى منك .. تبيان معنى الابيات .. ثانيا ايجاد الكسر ان وجد .. ثالثا مجاراتها ببيتين من فيض الهامك ..

..............


القصيده تقول ..


قـلت أكـشف الخـافي عشان أقـدر أرتـاح

........................................ دام الصراحـه بـعـض الأحيـان راحـه

يـمـكن همـومـي لا تـكلـّـمت تــنـزاح

....................................... ويـصيـر لي في وسط قلبـك مساحـه

ودّي ولا ودّي أجـي وأطـلـب إيـضـاح

....................................... أسأل وأنـا ما في سؤالي بـجـاحـه

ضايـق و سـدّي لـو تـضايـقت ما بـاح

....................................... لكن سكوتـي عن حقـوقي وقـاحـه

إلى متى كـثـر الغـلا يـرسم جـراح

...................................... فـيـنـي وأنا ما نيب نـاقـص فصاحـه

شاعر لساني يـطـرب الحـرف لا نـاح

...................................... و يـذود عن راعيه في كـل سـاحـه

ما عاد بـاقـي بـالعـمـر كـثـر ما راح

...................................... واللي بـقى يـقـتل مساه بـ صباحه

أقـضيـه ليـليـّه إلى الصبـح لا لاااح

...................................... زولـك .. ولا مـرّه خـذيـت إستـراحه

واللي مضى وأقـفى من العمر يا صاح

...................................... الصمـت دونـك ألـجمـه وإستـبـاحه

عـدّى ولا هـدّى مقـاديـره شـحـاح

..................................... ما قـد خـفـض لي لو ثـواني جـناحه

الصـمـت مـا بـدّل مـخاسيـره أربـاح

..................................... والـريـق عـاجـز يـرتـشف من قـراحه

حظـّي وأنا راضي وحظـّي معك طاح

.................................... وإن قـام واقـف ما تـعـدّى مـراحـه

مالي سوى بيض القراطيس لا كاااح

.................................... صدري بـشوق ٍ فـيه دارت ريـاحـه

أفتـح لـك أبـواب الغـلا دون مفـتـاح

.................................... وأكتـم نـفس وأذكـرْك وأطلـق سراحه

وأتـرك ركـاب الفـكر ويـّاك تـجـتاح

.................................... فـكـري ولا يغـلا عـليـك إجـتـيــاحـه

وأقـطف لك الفكره إذا عطرها فاح

.................................... وأنـّوخ ركـابـي علـى جـال واحـه

وآخذ متى ما وقتي أسعفني و تاااح

.................................... فـرصـه معك فـيـنـي عليها شفاحه

تـروي عطش من يرجي الوصل بـ إلحاح

.................................... ويـحـس من بـعد التـعـب بـ إرتـيـاحه

هذي مشاعر تـرجمـة شوق فضـّاح

................................... عـمـره أبـد مـا يـعْـرف إلا الصـراحـه



تحيتي ..

[اسير الاشواق]

انتظرو اخذتو دروس وانا ماسجلت لسا

انا بسجل معكم

[اسير الاشواق]

نهار شوف انا اخترعت هذا البيت شوف يمشي مع اللحن والا لا

حبيبي انتظرتك ليالي وليالي ...... مو راضي تطلع من عيني يغالي


كيف شاعر المليون صح

[حبسيه]

ما شاء الله في مدرسه وطلاااااااااااااب

وفلاااااااااافل <<< هاا المهم <<<

عيل انا باخذ الغياب والحضور واذا تحب اسطر الي حد انا حاضره


نهار الله يعطيك العافيه على روعة الفكره

وان شاء الله يطلع من تحت ايدك شاعر الخليج

وبالتوفيق للجميع الطلاااااااااااااب

نفر نفر