ثــــلــــج وعـــــذاب

[ابراهيم الجابر]

ثلج وعذاب



ضاع قلبي من خذاه من الحنايا؟؟؟=ذا سؤالي وانتظر منك الجواب
قبل لا اشوفك وهو بقصى حشايا=وعقب شوف تقل ثلجه يوم ذاب
قمت انشد عنه في كل الزوايا=صورته صارت وسط جوفي سراب
يوم شافك يامخجلت المرايا=حطم ضلوعي ولا ادري وين غاب
ما لقيت الا معاليقي شظايا=ضاع قلب منك والعقل استصاب
نجلك الي سوت بقلبي سوايا=حور بيض ووسطها لون الغراب
والعسل لاذاب من بين الشفايا=مجتمع في شفتك ثلج وعذاب
فارق(ن)زينك على كل الصبايا=من يشوفك عن جميع الغيد تاب
لامتى يازين ماتروي ضمايا؟؟؟=من نهرك العذب ابي كاس الشراب
اروني مادام في عمري بقايا=لاتصير ابخيل والدنيا ذهاب
خذني لدنياك واسكن في فضايا=لامتى وانا ذهاب بلا اياب؟؟؟
خذ خفوقي معك وارق التحايا=وانثر احلامي على متن السحاب


ابراهيم الجابر

[ضيف ساعه]

يوم شافك يامخجلت المرايا=حطم ضلوعي ولا ادري وين غاب
ما لقيت الا معاليقي شظايا=ضاع قلب منك والعقل استصاب
نجلك الي سوت بقلبي سوايا=حور بيض ووسطها لون الغراب
والعسل لاذاب من بين الشفايا=مجتمع في شفتك ثلج وعذاب
----------------------
الشاعر / ابراهيم الجابر

صح لسانك ولا هنت على هـ الأبيات التى تحمل اسلوبك الفريد

قصيده رائعه فعلا ً

تقبل مروري يالغالي والله يسعدك

[الهواااااااااوي]

الشاعر ابراهيم الجابر
صح لساااااااااااااااانك ولا هنت تسلم على القصيده الطيبه

[مشـاعـل الخـالـد]

السلام عليكم ورحمة الله وبركاته

ابيات جميله شاعرنا الجميل ابراهيم الجابر ..

ولكن استوقفني الشطر الثاني من البيت الثاني ..

قبل لا اشوفك وهو بقصى حشايا=وعقب شوف تقل ثلجه يوم ذاب

لا اعلم ارى ان قرائتها وعقب شوفه .. افضل من عقب شوف

وجهة نظر لا اكثر ..

صح لسانك ولاهنت

تحيتي

[ابراهيم الجابر]

الاخ ضيف ساعه

صح بدنك والله لايهينك والاروع من الابيات مرورك العذب

تسلم الله يخليك يالغالي

[ابراهيم الجابر]

الاخ الهواوي


صح الله بدنك وتسلم على مرورك

العذب طاب لونك الله لايهينك

[ابراهيم الجابر]

الاخت مشاعل الخالد


عليكم السلام ورحمة الله وبركاته
وصح الله بدنك الله لايهينك والاجمل من القصيده وشاعرها مرورك
العذب واطرائك الجميل كل الشكر والتقديروالاحترام
اما عن الملاحظه فكلمك في محله ولكن الاصل في الكلمه شوفك بدل من شوف
وهذا خطء في الكتابه والحرف سقط سهوا اثناء كتابتي للقصيده
واشكر لك هذه الملاحظه الجيده والتي تدل على مدى تذوقك

[ـالهنوفـ]

لامتى يازين ماتروي ضمايا؟؟؟=من نهرك العذب ابي كاس الشراب
اروني مادام في عمري بقايا=لاتصير ابخيل والدنيا ذهاب

::

صح لسانك / إبراهيم .. على هذه الارائعة ..

وسلم إحساسك ..

وسلمت قوافيك ..


,’



تقديري ..,,