(:( سافر مع عضو :،: برعاية طيران الخليج ):)

[نـــــــو ا ل]

مش مش
تسلمين يالغالية ع التواصل
الله لايحرمنا منج

[نـــــــو ا ل]

طـلال
نورتنا مرة ثانية
الله يسلمك ولو تحلم ببلاش > شدعوى انزين ماتعزمنا على رحلة منك انت طيب واحنا نستاهل

ادري بتقول وهقتنا

الف شكر لك على حضورك ورحلتك من غير( مجاملة )

نورت القسم

[نـــــــو ا ل]

ياهلا باحلى سكرة
نورتي ياقلبي
لج وحشه حييل

[مشـاعـل الخـالـد]

نونو تراني جايه ومعاي دفتري ونظارتي وفنجان قهوتي



وين المسافر الجديد بروح معاه ..

<< تلمح تبي نوال هالمره هي اللي تسافر

[نـــــــو ا ل]

ياهلا مشاعل
منوره انتي وقهوتج ونظارتج ودفترج رووعه شكل القهوة السودا
لمحي براحتج يالغالية ههههه
بس منو بيكون المضيفة ( انتي ) خلاص مش مش انتي رحبي فيني بس
وبكون القايدة ان شالله بس ها > ترى راعية حوداث يعني تحملوا قيادتها

منوره حبيبتي وان شالله بتسافرين وياي

[آمًٍـًٍـًٍـًٍـًٍـًٍـًٍـًٍاًٍنًٍـًٍـًٍـًٍـًٍيًًًًًٍٍٍٍٍ]

نرحب فيج كابتن نــوال

وناطرين رحلتج احر من الجمر

ورحله سعيدهـ لجميع الركاب مع الكابتن المميزهـ نوال

وبالتوفيق

[نـــــــو ا ل]

هلا هلا وغلا امونا
تسلمين ع الترحيب ياقلبي وانج صرتي مضيفة لايق عليج
كلج ذوق حبيبتي

عاد صارلي يومين انتظر الترحيب

ان شالله اليوم بتطيرون بطيارة بس ها ديربالكم >> ترى راعية حوداث

الحين بروح انام < داااخت

[نـــــــو ا ل]

مساء الخير





س1 : آخر سفرة كانت لك وين ؟
تقريبا كانت من شهر ونص للسعودية بمستشفى السعودي الالماني زيارة
س2: أقصر سفرة وأطول سفرة بحياتك ؟
كانت للرياض بس حفلة خطوبة ونفس اليوم رجعت واطول سفرة كانت مابين الاردن وسوريا وسوريا والاردن اخرتها مرضنا وبعد في سفرة امي تقول يوم كان عمري 7 سنوات باندونيسيا قعدنا شهر ولو اني ماذكر شي بس اشوى في صورنا تثبت ذلك >> فاقدة الذاكرة ( الحمدلله اكثر سفراتي ماتطوول )
س2:شنو أجمل مطار شفته ؟
مطار دبي
س3: شنوالدولة اللي تحب تزورها؟
اليابان وجزر القمر واكيد باريس
س4: تذكار محتفظ فيه من أي دولة وشنو اهوا؟
وايد عندنا تذكار وانا كل ماسافر احتفظ بتذكار بس احلى تذكار من لندن قصر بكنغهام على شكل حصالة
وصقر من الامارات طبعا محنط
س5:نبي صورة لدولة تتمنى تزورها ؟
ودي ازور شارع بفرلي هيلز (beverly-hills)


في الاس فيغاس شارع المشاهير واغلى شارع بالعالم
س6: أكلة تحب اذا زرت أي دولة تتمنى تذوقها؟
السوشي الياباني باليابان بيطلع مختلف
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
اسيا ماليزيا ودبي
افريقيا جنوب افريقيا
اوروبا فرنسا وهولندا
امريكا ج المكسيك وفنزويلا
امريكا ش كندا وامريكاا
س8:أجمل مكان شفته بسفرك ؟
الصراحه أجمل مكان شافته عيني مكة المكرمة وخاصة المنظر الفجر يااا الواحد يحس بالامان والقشعريرة الله يحميها يارب
س9: كم مرة سافرت بحياتك ؟
مو وااايد حسب السفرة او اللي بسافر وياهم
س10: موقف محرج صارلك في سفرك ؟
اتذكر موقفيين ومستحيل انساهم واحد يوم سافرنا لندن صعدنا المصعد ( الاسانسير )انا واوبوي واختي واخوي والمشكله صعد ويانا وااحد بو تمبه هههه
وضيق علينا وصار المصعد يتحرك شوي شوي واوبوي عصب صار يهاوش بالكويتي وانا اضحك والريال يضحك ع بالهم نضحك وياه موفاهم شي والمشكله صرت بالنص واشوي وادش بكرشه
وغصب نزلنا واخذنا نسم وصرنا نقول الحمدلله ماتوفينا داخل المصعد ههههههههههههه ويوم طلعنا صار يقولي باي وانا اقوله واضحك ههههههههه
الموقف الثاني يوم كنت ادرس بالمدرسه سافرت ويا ابوي وبالمطار كنت ماخذه جنطه مالت اخوي مكتوب عليها اديداس حقت صبيان ووقفت يم واحد حطيت جنطتي مع جنطته ويوم ابوي يناديني اخذت جنطته مع انه مالتي سودا واهوا كحليه >> داايخه وصار ورانا وين مانروح ياشر علي يقولي الجنطه انا اشوفه اقول قليل ادب شنو يبي يارب اوبوي مايشووفه ههههه يوم وصلنا جا صار يسلم على اوبوي ويقول ياهلا شلونك ؟ وقال جنطتكم البنت بدلتها فشيلة طلع من ربع اوبوي ههههه وكل مايشوف اوبوي يقول شخبار بنتك ام جنطة وانا حدي متفشلة
س11:شنو آخر كتاب قريته يتكلم عن السياحة ؟
الدليل السياحي ودايما احرص على قراائته بكل اجزاائه
س12:شنو يعني لك السفر وهل تحب تسافر ؟
احبه بس اخاف من الطيارة مووووووت عندي فوبيا منها يعني اذا صعدت اغمض عيوني لين اوصل للديرة
س13: شيء لا تستغني عنه في سفرك؟
كتاب ادعية صغير
س14: اختار عضوين من الخليج وسافر وياهم ولوين ؟
كل بنات المنتدى الى البيت الابيض ههههههههه ناخذ لفة وعلى راسهم سكره ولطوفا وامونا وصب صب وشوق النداوي ومشاعل الخالد والعزيزة دووم نقابل هيلاري وبوش هههه
س15:نصايح تقدمها للمسافرين ؟
توكلوا على الله والسفر يعتبر منيه يعني الواحد لازم يخاف ربه بكل شي ويتذكر انه يمكن يروح ويمكن مايرجع
عشان جذي الواحد لازم يخاف ربه ويتوكل عليه بكل شي

س16:كلمة أخيرة لقسم السفر والسياحة؟
اتمنى القسم ينال اعجاب الزاور وينال تقبل الاعضاء واتمنى له الازدهار حتى لو راحت نــوال يجي من هو يستحق يكون مشرف للقسم ويقدم له مثل ماتعود الجميع كل جديد ومميز وجميل واتمنى للجميع رحلات سعيدة في حياتهم

تحياتي للجميع