(:( سافر مع عضو :،: برعاية طيران الخليج ):)

[نـــــــو ا ل]

السلام عليكم ورحمة الله وبركاته
صبحكم / مساكم الله بالخير



وياهلا وغلا بكل أعضائنا الكرام في قسم السفر والسياحة
نرحب فيكم شخصا شخصا وبضيوفنا الأعزاء

موضوعنا بيتكلم عن رحلة بياخذنا فيها احد أعضائنا وبيكون اهوا القائد للرحلة ,.



وقبل كل شي لازم نقدم لكم بعض الحلا عشان تتحلون








ونبدأ رحلتنا والسفرة
وبتكون طيارتنا الخليجية جااهزه للإقلاع مع الكابيتن وقاائدها .,.










س1 : آخر سفرة كانت لك وين ؟
س2: أقصر سفرة وأطول سفرة بحياتك ؟
س2:شنو أجمل مطار شفته ؟
س3: شنوالدولة اللي تحب تزورها؟
س4: تذكار محتفظ فيه من أي دولة وشنو اهوا؟
س5:نبي صورة لدولة تتمنى تزورها ؟
س6: أكلة تحب اذا زرت أي دولة تتمنى تذوقها؟
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
س8:أجمل مكان شفته بسفرك ؟
س9: كم مرة سافرت بحياتك ؟
س10: موقف محرج صارلك في سفرك ؟
س11:شنو آخر كتاب قريته يتكلم عن السياحة ؟
س12:شنو يعني لك السفر وهل تحب تسافر ؟
س13: شيء لا تستغني عنه في سفرك؟
س14: اختار عضوين من الخليج وسافر وياهم ولوين ؟
س15:نصايح تقدمها للمسافرين ؟
س16:كلمة أخيرة لقسم السفر والسياحة؟





نتمنى لكم سفرة ممتعه مع قائدنا الكابتين اللي بيقودنا بهالسفرة ويمتعنا

ونتمى ايضاٌ لكم قضاء وقت ممتع ورحلة ممتعة مع قسم السفر والسياحة



تحياتنا للجميع طاقم العمل / مشرفة القسم نــــو ا ل



.,.

[نـــــــو ا ل]

وأنا بدوري أختار أول قائد وكابتين للرحلة ,

مديرنا صاحب الاطلالة الأنيقة والذرب دايما

}®{؛« .»؛}الناعـس{؛«' .»؛}®{

ياهلا وغلافيك واكيد يسعدنا انك تكون اول قائد للرحلة,.,

[الناعــس]

ياهلا وياغلا

بالمضيفه وركابها

اتشرف بأن اكون اول مسافر على هذي الرحلة

لك مني كل التحايا

نووووال

ولي عودة للإجابة على اسئلتك والأقلاع معكم

[مشـاعـل الخـالـد]

السلام عليكم ورحمة الله وبركاته

موضوع ولا اروع يالغلا

كما تعودنا منك .. التميز ..


لي عوده ..

تحيتي

[صبا نجد]

واااااااااو نوال

موضوع وااااااااايد حلو صراحة

فنانة يا نونو ومبدعة تسلم الايادي يا رب ولا ننحرم منك

[سكر زياده]

نونو

شو هالابدااااع ...

فكــره ررآآآآآآآآآآئعه


يعطيك العافيه ياقلبي

لك وحشه يانونتي

[الناعــس]

مرحبا مره اخرى

<<<جالس على الحلاو من اليووم توه ينتبه للأسئلة

نقول بسم الله ونبدأ بالاسئلة

س1 : آخر سفرة كانت لك وين ؟
كانت لدولة الأمارات قبل تقريبا اسبوعين

س2: أقصر سفرة وأطول سفرة بحياتك ؟
اقصر السفرات داخليه مابين مدن المملكة
واكثرها من الرياض الى القصيم تقريبا 300 كيلوو بينها
واطول سفرة كانت لمصر قبل 10 سنوات
كانت مع الأهل طلعنا عن طريق العبارة
وكانت نفس العبارة الي غاصت قبل 7 سنوات بالبحر
عبارة السلام 98
بس الصراحه ثلاث ايام بوسط البحر ماتنسى

س2:شنو أجمل مطار شفته ؟
الصراحه مطار دبي لا يعلى عليه
لا من ناحية الشكل ولا الخدمات ولا حتى التسهيلات الموجوده فيه

س3: شنوالدولة اللي تحب تزورها؟
اوربا وخاصة الغرب منها
أسبانيا والبرتغال

س4: تذكار محتفظ فيه من أي دولة وشنو اهوا؟
مجسم صغير لبرج دبي

س5:نبي صورة لدولة تتمنى تزورها ؟
مثل ماقلت لك اسبانيا
وهذي صورته


س6: أكلة تحب اذا زرت أي دولة تتمنى تذوقها؟
طبعا الكشري بمصر
الحلوى الشامية
الربيان الصيني
الحلوى البحرينيه


س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
اسيا >>> اندنوسيا
افريقا >>> المغرب
اوربا>>> اعتقد الغرب الأوربي
امريكا الجنوبية >>> احب الارجنتين ولكن بعيده
امريكا الشمالية>>> طبعا الجنوب والجنوب الغربي من امريكا


س8:أجمل مكان شفته بسفرك ؟
اماكن كثيرة
منها طبيعة ومنها تراثيه
إهرامات الجيزة
متحف مصر
برج دبي
طبيعة الشام سوريا ولبنان وتركيا
اجواء المغرب
سحر وخيال شرق اسيا

س9: كم مرة سافرت بحياتك ؟
بصراحه لا اعلم وخاصه السفرات الداخلية كثيرة

س10: موقف محرج صارلك في سفرك ؟
يمكن في الشام قبل اربع سنوات
كنت اتكلم عن الجامعات وعن الي يحصل فيها من تجاوزات
وذالك مع شخص اجهل هويته في البداية وكان الوالد معاي
وبعد الحوار هذا قالي لي بالنهاية انا عميد في احدى الكليات الي كنت اتناقش انا والوالد وهو عليها
بصراحه اسكت ولا قدرت اكتب شي بعدها

س11:شنو آخر كتاب قريته يتكلم عن السياحة ؟
احب اني اتنقل بين المواقع السياحيه افضل من قراءت الكتب

س12:شنو يعني لك السفر وهل تحب تسافر ؟
يعني لي
دخول حياة جديده مع اناس جدد
وتعلم خبرات كبيره مع مختلف الأجناس والجنسيات


س13: شيء لا تستغني عنه في سفرك؟
اكيد ثيابي
يمكن اكثر شي رافقني الكمبيوتر حقي اللاب توب والكاميرا الصغيره

س14: اختار عضوين من الخليج وسافر وياهم ولوين ؟
عبير البدرة وانتي
اسافر فيكم لنيجيريا واطلع انا لأوربا

س15:نصايح تقدمها للمسافرين ؟
المحافظه اهم شي على الدين والصلاة
وان يضع اهم شي في رأسه انه خرج للأستجمام وليس لخلق المشاكل مع الناس

س16:كلمة أخيرة لقسم السفر والسياحة؟
الله يعطيكم العافية
الصراحه استمتعت بحوار راقي وهادئ وجميل
تمنياتي للجميع التوفيق لهم بحلهم وترحالهم

[نـــــــو ا ل]

صباح الخير
ياهلا وغلا بالناعس
احنا اللي نتشرف بحضورك ويانا واقلاعك معانا ,.