(( زمـان الأهـوالـي )) ،،، مصـافحـه أولـى ..

[شــوق الــنـــداوي]

،، ،،


مصافحـه نــداويــه أولـى في منتـدى الخليـج


يا بنت هذا زمان فيه الاهوالي ،،، الفكر حاير ولا أدري وش تواليها

تعبت افسر خيانة صاحبٍ غالي ،،، لا واحسافه على أيامي ولياليها

ضحيت بالأولي كله مع التالي ،،، وأرخصت عمري وروحي لجل غاليها

صبيت له الغلا فنجال فنجالي ،،، فنجـال من دلةٍ (ن) شوقـي مسويهـا

وجازى يميني بصدٍ يبري الحالي ،،، روَح وقـال المـوده ذيـك ما بيها

وصديت منه وراسي رافعه عالي ,,, سود الليالي تكشفها قماريهـا

درب المفارق عليه اليوم موالي ،،، أجـر بيوتي على لحنـه واغنيها

وإختامها يا صحيبي بمشي لحالي ,,, وكلن على ما يبي رجله يمشيها


،، شــوق الــنـــداوي ،،


تحياتـي ..

[نهار]

جزله
قصيده مميزه كتبت بتمكن
صح الله لسانك شوق النداوي وبنتظار بقية المصافحات
يعطيك العافيه

[شــوق الــنـــداوي]

حياك الله

صح بدنك والله لا يهينك على الاطراء ..

المميز مرورك هنا ..


شاكرهـ لك

[صبا نجد]

شوق النداوي

مصافحة ولا واحلى منها

تسلم الايادي اللي كتبت لنا هالابداع

اثاريك منتي هينة يا بنت


يعطيك العافية والله يرد خيانة كل خاين في نحره

[شــوق الــنـــداوي]

هلا وغلا

الله يسلمك ويعافيك ياربي

مرورك اسعدني ويكفي القصيده ان عيونك قرت حروفها

لا خلا ولا عدم فديتك


شاكرهـ لك يا قلبي

[ضيف ساعه]

المشاركة الأصلية كتبت بواسطة شــوق الــنـــداوي

،، ،،


مصافحـه نــداويــه أولـى في منتـدى الخليـج


يا بنت هذا زمان فيه الاهوالي ،،، الفكر حاير ولا أدري وش تواليها

تعبت افسر خيانة صاحبٍ غالي ،،، لا واحسافه على أيامي ولياليها

ضحيت بالأولي كله مع التالي ،،، وأرخصت عمري وروحي لجل غاليها

صبيت له الغلا فنجال فنجالي ،،، فنجـال من دلةٍ (ن) شوقـي مسويهـا

وجازى يميني بصدٍ يبري الحالي ،،، روَح وقـال المـوده ذيـك ما بيها

وصديت منه وراسي رافعه عالي ,,, سود الليالي تكشفها قماريهـا

درب المفارق عليه اليوم موالي ،،، أجـر بيوتي على لحنـه واغنيها

وإختامها يا صحيبي بمشي لحالي ,,, وكلن على ما يبي رجله يمشيها


،، شــوق الــنـــداوي ،،


تحياتـي ..

شوق النداوي

أولا مرحبا بك بين اخوانك واخواتك

وصح لسانك .. أبيات رائعة لـ تكون مصافحه

تسلم يدينك وبانتظار جديدك

الله يسعدك

[احساس العـالم]

[align=center]شوووووووووووق النداوي


اخووووصي صايره تقصدين خخخخخخخخخخخخ


انتي اللي قاصدته او انك صارقته من الصنوبري هع هع


يعطيك العافيه [/align]

[شــوق الــنـــداوي]

ضيف ساعه

صح بدنك وشاكره لك ترحيبك

المصافحه الثانيـه آتيـه


يعطيك الف عافيه