فار دمي .. مثل غيري .. فار دمي .. ..

[سعودي مرجوج]

هذا النص يتكلم .. بـ/ لسان خريجي الثانوية العامة .. ( البطاله )



يا قصيدي .. لا زهمتك ما توّنا
كل ما ناديت لك .. جيت إمتحمّي

تفرج الضيقات .. عن صدر ٍ معنّا
أنت بوحي لا شعرت بزود همّي

فيك أعبّر عن شعور ٍ مستكنا
من ورى حدب الضلوع إلها ملمّي

يا رسالة صادقة .. ذوق ٍ وفنّا
إشرحي ..عن كل كيف وكل كمّي

لوعتي قد ذاقها .. غيري و ونّا
فار دمّي ..مثل غيري فار دمّي

راح عمري .. فالدراسة وأتمنّا
للشهادة .. والوظيفه .. مستهمّي

وراحت أحلامي سُدى ماحققنّا
والشهادة عقبها .. مزتاد غمّي

أطرق البيبان .. لكن صككنّا
والوعايد .. كلبوها .. ماتتمّي

بين حرف الواو والمحسوب منّا
تستدير الروس .. ماحد ٍ لد يمّي

لا متى نصبر .. ولاحد ٍ سال عنّا
بين جدران أربعة .. بكم ٍ وصمّي

ليتني .. يابوي أنا سوّاق دنّا
وليت ما درستني .. وأصير امّي

يالله اللي خالق ٍ إنس ٍ وجنّا
بين كاف ونون كل أمر ٍ يتمّي

كل ما ضاقت علينا .. لك زبنّا
أنته اللي .. تفرج الأمر المطمّي

ويابو متعب ..عزنّا قايد وطنّا
لادعيت الشعب .. كله قال سمّي

ياحبيب الشعب كل الشعب غنّا
عاش ابو متعب عسى خيره يعمّي

ما تخيّب طال عمرك من تعنّا
خيرك وفضلك على العربان عمّي

البطاله حلها عندك .. مثنّا
والأمل فالله .. ثم فيكم .. يتمّي


بـ/ قلم : محمد العريدي ..

[ضيف ساعه]

سعودي مرجوج

تسلم يدينك والله

أبيات تحكي عن واقع مرير .. لا أحد يحفل به

صح لسان محمد العريدي

تقبل مروري والله يسعدك

[سعودي مرجوج]

هلا وغلا منور حبيب قلبي