نسيتي كشخة عقالي ... مع الثوبين ابو خبه

[ابو مهند]

السلام عليكم ورحمة الله وبركاته

مساكم الله بالخير وصبحكم بمثله

ارعص هناا
7
7
للاندماج


http://www.5ymah.net/rm/tthkrttt.ra

حبيت انقل لكم هالقصيده ومابغيت احطها بقسم الشعر

اول شي لانها تخص التراث وتذكر الماضي

وبعدين هي قصيده ولاكن كانها قصه قصيره اتمنى تعجبكم

قصيده دمها خفيف باللهجة السديراويه

نسيتي المزح بالصفه ... نسيتي اللعب والطبه
نسيتي كشخة عقالي ... مع الثوبين ابو خبه
نسيتي غترة الململ ... تغطيني تقل جبه
نسيتي الركض بالطايه ... اذا في دارنا الشبه
نسيتي فضلة القرصان ... سباق يمه نلبه
نسيتي ازعاجنا لامك ... وهي في الحوش منكبه
نسيتي معلف ام العوف... تصفينه وانا اكبه
لبستي ثوبك التنتر ... اغيظك لانقطع حبه
نسيتي الفكس والوازلين ... نهج عنه ولا نحبه
تبيه امك لرجلينا ... وحنا نهوش ونسبه
نسيتي بسطة عميه ... صلاة العصر في القبه
نسيتي صويلح الماصل ... نسيتي خرطه وسبه
نسيتي سوير الخبله ... تشيل تراب وتكبه
نسيتي شنطة الجده ... حلاو وشي نلعبه
نسيتي نخل جدتنا ... نسيتي الطين نزلق به
نسيتي الساقي الاخضر ... وماه البارد وشربه
نسيتي قولك معصقل ... وانا اعيرك يالدبه
نسيتي جلة العسبان ... هي الموتر ونلعبه

تطورنا بدنينه في وسط السوق نطرد به

نسيتي موعد الحنا ... اذا جت جتكم الخبه
نسيتي تمرة الجصه ... نجيب الدبس ونكبه
نسيتي دريول الحاره ... يجينا ونوقف بدربه
نسيتي طيحتك بالليل ... وهي ظلمة وانا السبه
نسيتي اكلة المرقوق ... تحبينه وانا احبه
تجي امك تهاوشنا ... تحط بعيوننا الشبه
نسيتي كحة المذن ... تنحنح وده ينبه
نسيتي تريكنا المحلي ... نغسله قبل لا نشبه
دعينا الله لاجل العنز ... تجيب تويس نلعبه
نلاحقها في وسط الحوش ... من الركضه نغبر به
نسيتي شقوق بالطرمه ... نشوف الجار في دربه
نسيتي صبة المرزام ... يصب الما ونسبح به
نسيتي الفجر اوصفلك ... زمان ربي يعلم به
نسيتي كيف تنسينه ... دخلتي العز من جنبه
لقيتي الدش والتلفاز ... مع المكياج ماحبه
طلبتي مبيض وبودر ... بدل ديرم بدل كحله
لك الدنيا لك ترفها ... لنا قلب عبد ربه
ابي الفردوس في بالي ...ابي الفردوس في بالي
ابي الفردوس في بالي ...مع المختار مع صحبه

وهذاي القصيده بالصوت
7
7

مجلة قصيمي نت - مكتبة الصوتيات - عبدالله المهيدب - نسيتي المزح بالقبه

وانا ودي اشرح بعض معانيها اذا تسمحون لي
نسيتي المزح بالقبه
ونسيتي لعبنا الطبه
الطبه: لعبه شعبيه قديمه وتسمى البرجون

نسيتي كشختي دايم **بثوب دوبلين خبخبه
دوبلين ماركة ثياب قديمه وهي اي كلام
خبخبه:يعني مقاسه اكبر من المطلوب بعشرين طعشر رقم

نسيتي الركض بالطايه ** لا صار بدارنا شبه
الطايه :يعني السطح في البيت الطيني
شبه: عادة عند اهل نجد وتكون كل يوم عند واحد ويجتمع لديه الاصدقاء والجيران

لاجابو فضلة القرصان ** نتسابق ودنا نلبه
فضله القرصان: يعني العشاء اللي يبقى من الكبار
ودنا نلبه:يعني ناكله بشراسه هههههه
نسيتي ازعاجنا لمك ** وهي بالحوش منكبه
منكبه :يعني نايمه

نسيتي معلف ام العوف ** تظفينه وانا اكبه
ام العوف : البقره

لاجابت امك الوازلين ** نهج للحوش ما نحبه
الوازلين:كريم البشره حق الاولين وكان يباع بالكيلو

نسيتي خرطه الماصل ** يجيب الحكي من عبه
خرطه الماصل:كلامه الغير مهذب نعم كذلك
من عبه:يعني يولف من راسه

نسيتي تمرة الجصه *** نجيب الدبس ونكبه

الجصه مكان يحفظ به التمر قديماا ودبسه معروف


اتمنى انها نالت على رضاكم ولقت قبول بقلوبكم


دمتم بخير


ابو مهند

[أثــــيـــــل]

يعطيك العافيه ابو مهند

تدري ليه خشيت عشان ابوخبه احسبه ابوجنه

قلت هذا اللي اسمع فيه مطلعين له قصه لا وبعد في التراث

يقولون مشهور في حايل ابو جنه قلت بلكي سطرتوا ديوان عنه

طلعت اخر شي خبه العتب على العيون


يعطيك العافيه على القصيده وترجمت القصيده

[حبسيه]

نسيتي موعد الحنا ... اذا جت جتكم الخبه
نسيتي تمرة الجصه ... نجيب الدبس ونكبه
نسيتي دريول الحاره ... يجينا ونوقف بدربه
نسيتي طيحتك بالليل ... وهي ظلمة وانا السبه
نسيتي اكلة المرقوق ... تحبينه وانا احبه
تجي امك تهاوشنا ... تحط بعيوننا الشبه
نسيتي كحة المذن ... تنحنح وده ينبه
نسيتي تريكنا المحلي ... نغسله قبل لا نشبه
دعينا الله لاجل العنز ... تجيب تويس نلعبه
نلاحقها في وسط الحوش ... من الركضه نغبر به
نسيتي شقوق بالطرمه ... نشوف الجار في دربه
نسيتي صبة المرزام ... يصب الما ونسبح به
نسيتي الفجر اوصفلك ... زمان ربي يعلم به
نسيتي كيف تنسينه ... دخلتي العز من جنبه
لقيتي الدش والتلفاز ... مع المكياج ماحبه
طلبتي مبيض وبودر ... بدل ديرم بدل كحله
لك الدنيا لك ترفها ... لنا قلب عبد ربه
ابي الفردوس في بالي ...ابي الفردوس في بالي
ابي الفردوس في بالي ...مع المختار مع صحبه


تسلم يمناااااااااااااااااااك ابو مهند

منور طال عمرك

[$ دلع $]

يعطيك العافيه

[سكر زياده]

يعطيك العافيه خيوووو


:)

[مشـاعـل الخـالـد]

السلام عليكم ورحمة الله وبركاته


اللـه عليك يابو مهند

احب صوت المنشد هذا .. بقناة بدايه اسمع له ..

يعطيك العافيه يارب

[ـالهنوفـ]

يعطيك الف عافيه.. ابو مهند

وتسلم يدينك على النقل والتوضيح ..

تقديري ..,,

[مشاعل البندري]

لك الدنيا لك ترفها ... لنا قلب عبد ربه
ابي الفردوس في بالي ...ابي الفردوس في بالي


ابياتن رووعه

يعطيك العافيه بو مهند