ملحمة بني سليم

[شـاعر مشـاعر]

من ما يشرفني يا اخوان التواجد بينكم

واحب اشارك اول مشاركه بصفتي شاعر بهذي القصيده

ملحمة بني سليم




يا ناشـد عنـا يفيـدك حسبنـا حِنا ترانا مِسعَـر الحـرب حنـا
حنا سليم اللـي عريـب نسبنـا أهـل بيـوت بالمـعـزة تبـنـا
عز الصديق وحرب للي حربنـا حريبنا فـي نومتـه مـا تهنـا
تخشى شيوخ القوم سطوة غضبنا ترغب صداقتنا وتـدرى زعلنـا
حنا ليا دارت رحى الحرب أجبنـا بمصـقـلات بالـعـدا يَبْتعِـنـا
ومسلبـات لدورتـهـا تعبـنـا صنع النصارى من بلدها تصلنـا
إذا نِقلناها فـي الأكـوان صبنـا نشبـع ذيـاب للعشـا يقنبـنـا
ياما على قـب الأصايـل ركبنـا وسقنا على الدار المخيفة ظعنـا
نِرْد حياض الموت ما قـط هِبْنـا والنصر من ضاري شعار لهلنـا
كم فارس بسيوفنـا لـه ضربنـا ورماحنـا بدمـاء عدانـا تحنـا
وإذا وردنا الماء لصفوه شربنـا وتقصر حبال اللاش مـا ياردنـا
واليا غزانا القوم منهـم كسبنـا ذودٍ علـى حيرانهـن يرزمـنـا
يـا طيبنـا للـي بطيبـه قربنـا ويا كودنا للي يبـي الكـود منـا
وليا كذب ولد الردي مـا كذبنـا حنـا إذا قلنـا تـرانـا فعلـنـا
في فتح مكة للرسـول استجبنـا فيلق من الفرسان محسوب منـا
عباس بن مرداس مقدم عربنـا إذا دعـا داعيـه مَحْـدٍ تـونـا
في حنين للرب الكريم استجبنـا حتى على النصر المؤزر حصلنـا
وفي القادسيـة بالأسنـة لعبنـا خضنا المعارك مع سعد والمثنـا
ياما على بيض الصحايف كتبنـا طيب الثنا والمجْد معروف عنـا
الساس عدناني به المجـد يبنـى ما هي سوالف قوم قالـوا وقلنـا
حتى ملوك الفرس ذاقوا عطبنـا والروم تشكي مـن يدينـا طعنـا
خضنا المعارك لين نلنـا طلبنـا كيد العدا عـن ديننـا مـا فتنـا
من طيب منبتنا ومن حسن أدبنا عِز الخوي والجار من يوم كنـا
مكرميـن الجـار مهمـا طلبنـا يثني علينـا كـل مـا راح عنـا
ودَن النجور أم القهاوي طربنـا ودلال مَمْلـيـه بهـيـلٍ وبـنـا
والضيف نفرح به ونبدي عجبنا ونقريـه حِيـلٍ بالصيانـا تثنـا
أمجـاد شبينـا عليهـا وشبنـا وكم واحد قبلـي بالأمجـاد غنـا
وكل بجوده للعـرب مـا شذبنـا صالوا وجالوا يوم صلنـا وجلنـا
عن العلوم الطيبـة مـا حتجبنـا كل بقسمـه فـاز منهـم ومنـا
واليومه الباري بفضلـه وهبنـا أمن وعدالة جت على مـا تمنـا
ما عاد لا نهب ولا أحـد نهبنـا والفضل بعـد الله لقـادة وطنـا
هم فخرنا هم كنزنـا هـم ذهبنـا هم بيتنا اللي في ظلالـه سكنـا
حلـوا مشاكلنـا وفكـوا نشبنـا وسهروا لراحتنا وتحقيق أملنـا
عبد العزيز اللي بـدوره جذبنـا من ضلمة فيها الجهـل مستكنـا
وحد على حكم الشريعـة شعبنـا بالسيف وحد شامنـا مـع يمنـا
أحسن لمحسنا وطـوع صعبنـا وصارت عصانا واحدة واكتملنـا
تحت شعار الدين ما أحد غلبنـا بالله على كـل الأمـور استعنـا

[شموخ انسانة]

صح لسانك

شاعر مشاعر

[شــوق الــنـــداوي]

هلا بك شاعر مشاعر

منور المنتدى حياك الله

صح لسانك وعلا شانك الله لا يهينك



شاكره لك

[الجرحـ ارحمـ]

يسلمووووووووووووووو القصيدهـ

جزاك الله الف الف الف خبر

علــــى طـــرحكـ

موضوع رائع ومتميز

الله يعطبك الف الف الف عافيهـ

انتظر المزيد من ابدعاتكـ الجميله

لك من كل اشكر وتقديـــر
مع تحيــــــــــاتي

اخـــــــــــوكـ( الجرحـ ارحمـ)